M.P. et L

32i CHRONIQUE DE JEAN LE FÉYRE [1 il 8]

après, que les Bourguignons entrèrent dedens Paris, où il fut piteusement tué, avec plus de trois mille qui tenoient son party , comme cy après sera dit. Et, quant aux Picars, ilz retournèrent joyeusement en Picardie, et ceulx de Senlis réparèrent leurs murs, en ce qui faisoit à réparer en la ville, au mieulx qu'ilz peurent ; laquelle avoit esté fort battue de bombardes et de canons et d'aultres engiens et habillemens de guerre.

En ce temps, la royne estoit avec le duc de Bourgoingne à Troies ; pour laquelle cause fut advisé que on envoyeroit ambassades, d'un costé et d'aultre, affin de tous remectre en bonne paix et union. Pour laquelle cause, la royne et le duc de Bourgongne envoyèrent pariellement gens de pareil estât à Bray sur Saine, pour convenir ensemble, soubz ung sauf conduis pour chascune partie ; et de commun accord convindrent ensemble , par pluiseurs jours, en ung village nommé La Tombe, qui est au milieu de Monstreau et de Bray ; et dura le parlement de ces deux ambassades, bien deux mois.

Entre ces choses, l'union fut mise en FEglise vnhverselle, etfîst, lepappe Martin, mectre hors de prison le pape Jehan, lequel se mist du tout en sa mercy et obéyssance et le receupt bénignement et le fist cardinal; mais il morut tantost après. En ce temps aussi, ceulx de Rouen, qui estoient favorisables au duc de Bourgoingne, mandèrent secrètement venir en leur ville aucuns de ses capitaines, lesquelz, à grant nombre de ses gens, allèrent à Rouen, et, à Tayde de ceulx de la ville, allèrent assaillir le chastel que tenoient les gens du roy contre la ville ; et tant y continuèrent qu'ilz se rendirent, sauf corps et biens. En ce temps

tout le royaulme estoiten division, et par conséquent en grant désolacion ; et n'y regnoit justice ne raison, et le peuple estoit desrobés de tout costez.