CHAPITRE XCII
Comment deux cardinaulx furent envoyés en France pour la paix qui fut conclue y et empeschée duparfaict par le conte d'Erminacq et aultres.
En ce temps vindrent en France, de par le saintpère de Romme, le cardinal Ursin et celluy de Saint- Mark, pour mectre paix entre la royne et le duc de Bourgoingne d'une part, et le roy et son fîlz d'aultre part. Et vindrent lesdis cardinaulx à Bray, où les ambassades d'une partie et d'aultre estoient, qui y avoient esté longhement, et ne se po voient trouver d'accord. Le cardinal de Saint-Marc, tantost après, s'en alla à Paris remonstrer au roy le bien que povoit venir de paix, et aultres pluiseurs choses touchant ceste matières; puis s'en retourna avec les aultres à Monstreau. Et convenoit ensemble, comme tous les jour§, en l'église de La Tombe, entre Braj et Montereau. Et tant y besoingnèrent que la paix y. fut faicte et jurée par lesdis ambassadeurs, et mise par escript, pour rapporter chascun à sa partie, assavoir s'ilz le vouldroient tenir.
Dont, quant le roy et le daulphin veirent le traictié, i! leur sembla bon ; mais le conte d'Erminacq, le chancellier de France, le prévost de Paris et Remonnet de La Guerre, dirent qu'ilz ne conseilleroiçnt jà de le
passer, et que ce n'estoit pas bon pour le roy. Et dist le chancellier au roy que jà ne le seelleroit, et qu'il le seellast, s'il vouloit. Desquelles paroUes Tévesque de Paris et pluiseurs notables gens furent moult desplaisans, et conseillèrent au daulphin qu'il assemblast le conseil à son hostel, à Louvres, pour oyr l'oppinion de pluiseurs. Le conseil fut assemblé; m^is le connestable n'y voult oncques aller, disant que tous ceulx estoient trayttres qui conseilloient au roy de passer ung tel traictié. Sy que, par ces moyens, tout fut rompu, et demourèrent les choses en tel estât ou elles estoient par avant, sans paix et sans trêves. Pourquoy, pluiseurs notables gens conçeurent grant haynne contre le connestable. Néantmoins, il envoya ses gens d'armes devant Mont Lehery et devant Marcoussy; et luy furent ces places rendues par ceulx qui les tenoient ou nom du duc de Bourgoingne.
