CHAPITRE Xail

Comment le seigneur de Lille Adam y à Vayde de auJrcuns Parisiens y entra y avec ses gens tenant la partie de Bourgoingne y dedans Paris. Du désordre et ocd-sions y perpétrés. Comment la Bastille fut rendue^ et -le seigneur de Cauntfy qui estoit prisonnier y commis à la garde d'icelle.

Les Parisiens mal content du connestable et de ceulx qui gou vernoient le roy , pour ce qu'ilz avoient rompu le traictié de la paix, doubtans estre longhement en grant tribulacion, touteffoiz ilz ne se osoient

assembler ne descouvrir à personne, tant estoient guétez de près ; sy non que une foiz yj ou viij compaignons, de petitestat, lesquelzs'en allèrent secrètement à Ponthoise devers le seigneur de Lille Adam. Et conclurent, avec luy, que, le xxix® jour demay, il venroit, à tout le plus de gens qu'il poulroit, à la porte Saint- Germain et ilz luy ouvriroient, sans nulle faulte. [Il ^j assembla gens de toutes pars et fist tant qu'ilz furent bien viij® combatans, entre lesquelz estoient les plus princjpaulx, le Veau de Bar, le seigneur de Gantellus, le seigneur de Chevreuses, Ferry de Mailly, Loys de Warignies, Lyonnet de Bournoville, Davyot de Gouy et pluiseurs aultres. Lesquelz par nuyt, à l'eure et jour dessusdis, allèrent à la porte Saint-Germain, et là trouvèrent Périnet Ferron, ung des viij dessusdis, qui celle nuyt a voit emblé, soubz le chevetz du lit de son père, les clefz de celle porte que son père gardoit. Et estoient avec lui ses complices, lesquelz ouvrirent celle porte par quoy les gens d'armes entrèrent dedens. Dont, quant ilz furent tous dedens, ledit Périnet referma la porte et gecta les clefz par dessus les murs, puis allèrent tout coyement jusques assez près de Chastelet, où ilz trouvèrent bien xij® combattans des Parisiens pour aller avec eulx.

Puis s'en allèrent par diverses rues, crians que, quiconques vouloit avoir la paix, allast en armes avec eulx. Auquel cry se mirent en armes avec eulx grant nombre de peuple^ et puis les ungs s'en allèrent à l'ostel du roy, où ilz rompirent les huys, et firent tant qu'ilz parlèrent au roy, lequel fut content d'accorder