M.P. — Notro ms. a : t dievaliers
champs pour aller au devant d'eulx. Et sa compaignie avoit François, Bairois, Lorrains et AUemans en bien grans nombre ; et tant procédèrent le duc de Bar et ses adversaires que ilz veyrent l'un l'autre. Le duc de Bar, qui avoit à merveilles grans gens, ne feist guaires de compte du conte de Waudemont ne des Bourguignons : au contraire, car quant ilz veirent la grant puissance, ilz prindrent place la plus avantageuse qu'ilz peurent pour eulx, laquelle estoit de grans buissons et bayes que ilz avoient endossez ; et aux deux elles de leur battaille s'estoient fermé de leurs carroy. Et oultre, avec ce, les archiers s'estoient fortiffiez de penchons aiguisiez aux deux déboutz.
Quant le duc de Bar vit que les Bourguignons avoient pnns place, bien cuida qu'ilz feussent tous à sa voulenté et ordonna battailles pour les combattre, à pied et à cheval ; et de ceste oppinion estoient la plus part de ses gens , excepté ung vaillant chevalier nommé Barbasan, natif de France, qui fut d'oppinion contraire, disans que mieulx les vauldroit affamer que combattre, veu le lieu où ilz estoient ; car de nul costé du monde ne po voient avoir vivres. Et si estoit la puissance du duc de Bar si grande que bien povoient garder (jue vivres ne leur povoient venir. Son oppinion fut reboutée; et disoient les aucuns que grant honte serait de les leissier en la place où ilz estoient sans combattre, veu le petit nombre qu'ilz estoient* Et y eult aucuns qui dirent à Barbasan : c Qui a peur
des fueilles, si ne voist point au bois. » Il respondy : « Icelles parolles son pour moy . La merchy Dieu ! j'ay « vescu sans reproche, et aujourd'huy on verra se je < le dis pour lâcheté, ne pour crainte d'eulx ; mais le
c dis pour le mieulx et pour éviter les dangiers qui en c pourroient advenir. »
Que vous en diroye-je? Le duc de Bar et toute sa puissance, sans grant ordonnance, marchèrent comme tous à cheval , et par espécial les Allemans , lesquelz Guidèrent, de prime face, à la puissance de leurs corps et chevaub:, deffîdre de tous poins les Bourguignons. Mais, ilz les trouvèrent si bien ordonnez, fortifiiez darrière et aux costez que pou leur firent de mal. Et au contraire ilz furent receuz à poinctes de lances et de traict servis à si grant abondance que eulx et leurs dievaulx furent navrez et bleschiez par telle façon que en grant désaroy ils se retrayrent. Le duc de Bar véant ce desroy, se mist à pied, en sa compaingnie pluiseurs grans seigneurs d'AUemaingne , le vaillant chevalier Barbasan et pluiseurs aultres. Et quant ilz se trouvèrent au prez de la bataille, les archiers bourguignons commencèrent à tirer sur eulx tellement que pluiseurs en furent mors et bleschiez. Et avec ce, les Bourguignons estoient si bien fermez et en si belle ordonnance que le duc de Bar ne ses gens ne leur povoient faire mal sans grant perte.
Les Bourguignons, véans le desroy des gens du duc de Bar, yssirent hors de leur fort et combattirent le duc de Bar et ses gens à pou de perte , obtindrent la victoire, et là fut le duc de Bar prins, le conte de Salveme, pluiseurs aultres grans seigneurs d'AUemaingne mors; le bon chevalier Barbasan mort; le seigneur de Rodemach prins et pluiseurs aultres. Le duc de Bar fut prins de la main d'un homme d'armes, haynnuyer, nonuné Martin Frinart, qui depuis iiit
262 CHRONIQUE DE JEAN LE FtVRE [H31]
bailly de Nostre-Dame de Haulx, auquel le duc donna x"' frans d'argent comptant, et v^ frans de rente à sa vie. Et le duc, conune de raison estoit, eult le duc de Bar son prisonnier.
En icelle battaille eult de grans seigneurs de Bourgoingne : c'est assavoir, messireÂnthoine deToulonjon, mareschal de Bourgoingne, et la plus grant partie des seigneurs, chevaliers et escuiers de la duchie et conté de Boui^oingne, les gens du prince d'Orenge et son estandart. Icelle journée fîit au grant prouffit et honneur du duc, et, par espécial, du conte de Waudemont; car tout eust esté destruit, n'eust esté le secours et ayde que le duc luy fist. Lors, estoit commune renommée que l'intencion dudit duc de Bar estoit, la conté de Waudemont et la seigneurie de Gen ville concquises, conune bien luy sembloit estre au dessus, de conoquester la duchie et conté de Boui^oingne et aultre chose avec. Et, quant à moy, je luy oy, une fbiz, dire en la ville de Dijon, luy estant prisonnier du duc, que, au jour que il fut prins à la battaille dessus dicte, que bien luy sembloit avoir gens assez pour combattre tout le monde pour ung jour. Mais, en peu d'heure, fortune l'avoit bien bas mis; disant, puis qu'il failloit que ainsi fust , il devoit bien louer Dieu d'estre cheu en la main de son beau cousin de Bourgoingne. Et disoit lors : c L'omme propose, et Dieu en dispose. »
Je lairay à parler de la battaille des Barrois, et parleray d'une besoingne qui se fist assez près de Beauvais, qui s'appelle : c la battaille du bregier. >
