novembre

DE VILLE-HÀIIDOIN. 33

mult cler; et vinrent les galies totes et li vissiérs et les autres nés qui estaient en arriéres, et pristrent le port par force, et rompirent la chaaine qui mult ère fors et bien atornée1, et descendirent à terre, si que li porz fu entr'aus et la ville. Lors veissiez maint chevalier et maint serjanz issir des nés; et maint bon destriers traire des vissiers ; et maint riche tref et maint paveillon. Ensi se loja l'ost, et fu Jadres assiegie le jor de la Saint-Martin2. A cele fois ne furent mie venu tuit li baron; car encores n'ere mie venuz le marchis de Montferrat qui ère reniés arrière por afaire que il avoit3. Estienes del Perche fu remés malades en Venise, et Mahius de Mommorenci ; et quant il forent gari , si s'en vint Mahius de Mommorenci après l'ost à Jadres; mes Estenes del Perche ne fist mie si bien , quar il guerpi l'ost et s'en alla en Puille sejorner. Après lui s'en alla Rotro de Montfort, et Ive de Lavatlej et maint autre qui mult en furent blasmé, et passe rent au passage de mars en Surie4.

1. Les ports de mer étaient alors habituellement fermes par des chaînes.