Néaufle était un bourg de l'ancien pays de Vexin

Boves 1 ère appelez, et Hues ses frères, et les genz de lor païs ce que il en porent mener. Ensi partirent cil de l'ost com vos avez oï: mult fu granz domages à l'ost et honte à cels qui esirent. Lors commencierent à movoir les nés et les vissiers ; et fu devisé que il prendroient port à Corfol2, une ysle en Romenie, et li premiers attendroient les darraiens tant que il seroient ensemble ; et il si fistrent.

Ainz que li dux ne li marchis partissent del porz de Jadres, ne les galies, vint Alexis le fils l'empereor Sursac3 de Constantinople, et l'y envoia le rois Phelippe d'Alemaigne; et feu receus à mult grant joie et à mult grant honor; et ensi bailla li dux les galies et les vassials tant comme lui convint. Et ensi partirent del port de Jadres, et orent bon vent; et alerent tant que il pristrent porz à Duraz4. Enqui rendirent cil de la ville la ville à lor seignor, quant il le virent, mult volentiers et li firent fealté; et d'enqui s'en partirent et vindrent à Corfol, et retroverent l'ost qui ère logié devant la ville, et tenduz trez et paveillons, et les chevaus traiz des vissiers por rafraichir. Et cum il oïrent que li filz de l'empereor de Constantinople ère arrivez al port, si veissiez maint bon chevalier et maint bon

i. Il passa à la terre-sainte.

i. Corfou, que Roger de Hoveden appelle Cuerfu, Rad. de Diceto Cuvresy, et Luitprand Coryphuo.

3. On a déjà vu d'où venait le nom de Sursac au lieu de Kyr Isaac.

l\. Durazzo.

DE VIT.LTWIARDOIN. ^5

serians aller encontre et mener maint bel destrier. Ensi le receurent à mult grant joie et à mult grant honor; et il fist son tré tendre en-mi l'ost , et li marchis de Monferrat le suen de lez, en cui garde 1 le roy Phelippe l'avoit commandé, qui sua soror avoit à famé.

Ensi sejornerent en cele ysle trois semaines, qui mult ère riche et pleinteuroise; et dedenz cel sejor lor avint une mésaventure qui fu pesme et dure : que une grant partie de cels qui voloient l'ost depecier et qui avoient autrefois esté encontre l'ost, parlèrent ensemble et distrent que cele chose lor sembloit estre mult longue et mult perillose, et que il remanroient en l'ysle et en lairoient l'ost aller. Et par le conduit à cels, et quant l'ost en seroit alée, renvoieroient au conte Gautier de Breine , qui adonc tenoit Brandiz, qu'il lor envoiast vaissiaus por aller à Brandiz. Je ne vos puis mie toz cels nomer qui à ceste ouvre faire furent, mais je vos en nomerai une partie des plus maistres chevetains. De cels fu li uns Odes li Champenois de Chamlite2, Jaques de Avennes3, Pierres d'Amiens, Gui li Chastelains de Coci, Ogiers de Saint-Cheron , Guis de Cappes et Clarasbaus de Mez, Guillelmes d'Aunoy, Pierres Coiseaus, Guis de Pesmes et Haimes ses frères, Guis de Couvelans4, Richart de Dampierres,

t. C'est-à-dire, en la garde duquel.

i. C'est celui dont il est question dans la Chronique de Mom\ 3. Plus tard seignenr de Négrepont.

4- Ce Guy est nomme plus haut de Plaissié, frère d'Eustachr de Conflans.

Odes ses frères , et maint autre qui lor a voient créance par derrière qu'il se tendroient à lor partie, qui ne l'osoient mostrer pardevant por la honte; si que li livre testimoigne bien que plus de la moitié de l'ost se tenoient à lor acort

Quant ce oït li marchis de Montferrat , et li cuens Baudoins de Flandres, et li cuens Loeys , et li cuens de Sain-Pol , et li baron qui se tenoient à lor accort, si furent mult esmaié et distrent : « Segnor, « nos sommes mal bailli se ceste gent se partent « de nos avec cels qui s'en sunt parti par maintes « foiz. Nostre ost sera faillie , et nos ne porons mile « conqueste faire. Mais alons à els et lor crions « merci, que il aient por Dieu pitié d'els et de nos, « et que il ne se honissent, et que il ne toillent la « rescosse d'oltremer. » Ensi fu li conseil accordez ; et alerent toz ensemble en une vallée où cil tenoient lor parlement, et menèrent avec als le fils de l'empereor de Constantinople , et toz les evesques et toz les abbés de l'ost. Et cum ils vindrent là , si descendirent à pié. Et cil , cum il les virent , si descendirent de lor chevaus et alerent encontre; et li baron lor cheierent as piez mult plorant, et distrent que il ne se movroient tresque cil aroient creanté que il ne se moveroient d'els. Et quant cil virent ce, si orent mult grant pitié et plorerent mult durement. Quant il virent lor seignors , lor parenz et lor amis chaoir à lor piez , si distrent que il en parleroient ; et se mistrent à une part et parlèrent ensemble ; et la summe de lor conseils fu tels , que il seroient encore avec els tresque à la Saint-

DE VILLE-HARDOIWT. 4?

Michel, por tel convent que il lor jureroient sor sainz loialement que des enqui en avant, à quele eure que il les semonroient dedenz les quinze jors, que il lor donroient navie à bone foi , sans mal engins, dont il porroient aller en Surie. Ensi fut otroié et juré, et lors ot grant joie par tôt l'ost, et se recueillirent ès nés, et li chevaus furent mis es vissiers.

Ensi se partirent del port de Corfol la veille de Pentecostes % qui fu mille deux cens ans et trois après l'incarnation Nostre Seignor Jesu-Christ ; et enqui furent totes les nés ensemble, et tuit li vissier et totes les' galies de l'ost , et assez d'autres nés de marcheans qui avec s'erent arroutées; et li jor fut bels et clers, et li venz dois et soès, et ils laisser) i aller les voiles al vent. Et bien tesmoigné Joffrois li mareschaus deChampaigne qui ceste oevre dicta, qui aine n'y ment de mot à son escient, si com cil qui à toz les conseils fu, que onc si bele chose ne fu veue; et bien sembloit estoire qui terre deust conquerre, que tant que on pooit veoir à oil, ne pooit-on veoir se voiles non de nés et de vaissiaus, si que li cuer des homes s'en esjoissoient mult.

Ensi corurent par mer tant que il vindrent à Cademelée2 à un trespas qui sor mer siet; et lors rencontrèrent deux nés de pèlerins et de chevaliers

i. 24 mai i2o3, départ de l'île de Corfou vers Constantinople.

1. Cap de Malée, promontoire de la Laconie, en face de Congo, ancienne Cythère.

et de serjans qui repairoient de Surie ; et ce estaient de cels qui estoient allez al port de Marseille passer. Et quant ils virent l'estoire si belle et si riche, si orent tel honte que ne s'ouserent mostrer; et li cuens Baudoins de Flandres envoia la barge de sa nef por savoir quel genz ce estoient; et il distrent qu'il estoient; et un serjant se lait correr contreval de la nef en la barge, et dist à cels de la nef: « Je « vos claim quite ce qui remaint en la nef dou mien , « car je m'en irai avec cez ; car il semble bien que « il doivent terre conquerre. » A grant bien fut atornez al serjanz, et mult fu volentiers en l'ost veuz. Et por ce dit-on que de mil maies voies pueton retorner.

Ensi corut l'ost trosque à Nigre f. Si est une mult bone ysle et une mult bone citez que on appelé Nigrepont. Enqui si pristrent conseil li baron. Si s'en ala li marchis Bonifaces de Monferrat et li cuens Baudoins de Flandres et de Hennaut, à grant partie de vissiers et de galies, avec le fil l'empereor Sursac de Gonstantinople, en une ysle que on appelle André2, et descendirent à terre. Si s'armèrent li chevaliers et corurent en la terre , et la genz del pays vindrent à merci al fil l'empereor de Gonstantinople

i. L'île d'Eubée. Son nom moderne vient du nom ancien du détroit Euripe, corrompu en Égripo par les Italiens et en Négrepont par les Français.

i. Andros, île de la mer Égée, la première des Cyclades. Marc Dandolo s'en empara en même temps que Raban dalle Carceri prenait possession de l'île d'Eubée.

DE VILLK-HARDOIN. ^9

et li douèrent tant du lor que pais firent à lui, et rentrèrent dans lor vaissiau, et corurent par mer. Lors lor avint un grant domaiges , que uns hait home de l'ost, qui avoit nom Guis li chastelains de Coci, m or ut et fu gitez en la mer.

Les autres nés qui n'erent mie cele part guenchies, furent entrées en boque d'Avie % et ce est là où li Braz-Saint-Jorge2 chiet en la grant mer, et corurent contre mont le Braz tresque à une cité que on appelle Avie qui siet sor le Braz-Saint-George devers la Turchie 3, mult bele et mult bien assise ; et enqui pristrent port et descendirent à terre; et cil de la cité vindrent encontre et lor rendirent la ville , si com cil qui ne Fosoient défendre; et ils la firent mult bien garder, si que cil de la ville n'y perdirent vaillant un denier. Ensi sejornerent enqui huit jors por attendre les nés et les galies et vissiers qui es-

i. Avie pour Abydos est le nom qu'on donnait au moyen âge au détroit de Scstos et d' Abydos. On le trouve souvent appelé Bocca Avidi et Bocce-Avia.

i. Lebrasde Saint-George est, à proprement parler, le détroit du Bosphore qui sépare l'Europe de l'Asie, vis-à-vis de Constantinople , et il est ainsi appelé à cause du monastère de Saint- George surnommé de Mangana, qui était bâti hors des murs de la ville sur le rivage, à l'entrée du détroit; mais souvent le bras Saint-George se prend pour toute la mer de la Propontide enfermée entre les deux détroits.

3. C'est-à-dire l'Anatolie ou Asie. Abydos était encore, ainsi que les villes maritimes , en la possession des Grecs; mais comme les Turcs occupaient le reste du pays, Ville- Hardoin dit Turquie au lieu d'Asie.

Chroïïxq. , t. III. — Vim-.-Ha.rd.

5ô CHRONIQUE

toient encore à venir; et dedenz cel sejor pristrent des blez en la terre; que il ère moissons, et il en avoient grant mestier, car il en avoient pou; et dedenz ces huit jors furent venu tuit li vaissel et li Baron , et Diex lor dona bon tens.

Lors se partirent del port d'Avie tuit ensemble. Si peussiez veoir flori le Braz-Saint- Jorge contremont de nés et de galies et de vissiers, et mult grant mervoille ère la bialtez à regarder; et ensi corurent contremont le Braz-Saint-Jorge , tant que ils vindrent à Saint-Estiene , à une abbaie qui ère à trois lieues de Constantinople 1 ; et lors virent tôt à plain Constantinople. Cil des nés et des galies et des vissiers pristrent port, et aancrerent lor vaissials. Or poez savoir que mult esgarderent Constantinople cil qui onques mais ne Pavois veue, et que il ne pooient mie cuider que si riche ville peust estre en tôt le monde , cum il virent ces halz murs et ces riches tours dont ère close tôt entor à la reonde, et ces riches palais et ces haltes yglises, dont il y avoit tant que nuls nel poist croire2, se il ne le veist à l'oil, et le lonc et le lé de la ville que de totes les autres ère soveraine. Et sachiez que il n'y ot si

i . Cette abbaye était sur le rivage de la Propontide , à 5 milles du château des Sept Tours.

i. Benjamin de Tudèle dit qu'il y en avait autant que de jours dans l'année. Le nombre en était si grand, que Nicéphore Phocas et après lui Manuel Comnène firent défense de les augmenter et aux moines d'acquérir aucun fonds de terre. Tout l'empire aurait fini par leur appartenir.

DE VILLE-HARDOIN. 5l

hardi cui le cuer ne fremist; et ce ne fa mie mervoille, que onques si grant affaire ne fut empris de tant de gent, puisque li monz fu estorez.

Lors descendirent à terre li conte et li baron et îi dux de Venise; et fu li parlemenz ou moustier Saint-Estiene. Là ot maint conseil pris et doné. Totcs les paroles qui là furent dites ne vos contera mie li livres; mais la summe del conseil si fu tielx, que li dux de Venise se dreça en estant et lor dist : « Seignor, je sais plus del convine de cest pais que « vos ne faites, car altre foiz y ai esté. Vos avez le « plus grant affaire et le plus perillose entrepris que « onques gens entreprissent; por ce si conviendroit « que on ovrast sagement. Sachiez, se nos alons à « la terre ferme , la terre est granz et large , et nostre « genz sont povre et diseteux de la viande; si s'es- « pandront par la terre por querre la viande , et il « y a mult grant plenté de gent al pais , si ne porte riens tôt garder que nos ne perdissiens; et nos « n'avons mestier de perdre, que mult avons poi te de gent à ce que nos volons faire. Il y a ysles1 ci- « après, que vos poez veoir de ci, qui sont habitées « de genz , et laborées de blez et de viandes et d'au- « très biens. Alons iki prendre port, et recueillons « les blés et les viandes del pais; et quant nos au- « rons les viandes recueillies, alomes devant la ville, « et ferons ce que nostre Sire nos aura porveu. Quar « plus seurement guerroie cil qui a la viande que

i. Les îles des Princes, entre Constantinopleetla Chalcédoine.

« cil qui n'en a point. » À cel conseil s'accordèrent li conte et li baron, et s'en râlèrent tuit à lor nés chascuns et à ses vassiaus.

Ensi repouserent cele nuit. Et al matain, qui fu le jor de la feste monseignor Saint Johan-Baptiste, en juing, furent drecies les banieres et li confanon es chastials des nés, et les hosches des escuz1, et portenduz les bordz des nés. Chascuns regardoit ses armes tels corn à lui convint ; que de fi seussent que par tens en aront mestier. Li mariniers traistrent les anchres et laissent les voiles al vent aller, et Diex lor dona bon vent tel com à els convint; si s'en passent très pardevant de Constantinople , si près des murs et des tours que à maintes de lor nés traist-on. Si avoit tant de gent sor les murs et sor les tours, que il sembloit que il n'aust se là non. Ensi lor destourna Diex nostre Sires le conseil

j. Ducange remarque que les chevaliers avaient coutume de ranger leurs écus ou pavois sur le bord des vaisseaux, de manière à offrir entre deux boucliers une ouverture pour attaquer et une sorte de défense par derrière. On lit dans la vieille chronique manuscrite de Bertrand Duguesclin : D'escus et de pavas les a bien aornez.

C'était proprement l'usage des murailles crénelées des villes avant l'invention du canon. Anagnosta, de excisa Thessalonicâ, ch. 5, dit que ceux de Thessalonique , ayant appris la marche d'Amurat, sultan des Turcs, garnirent leurs murailles de pièces de bois, de distance en distance, en forme de boucliers, pour se mettre à couvert après avoir tiré leurs coups. Froissart donne le nom de Pavescheurs à ceux qui étaient chargés de border le navire avec leurs pavois.

qui fut pris le soir de torner as ysles , ausi com se chascuns n'en aust onques oï parler. Et maintenant traient à la ferme terre plus droit que il onques puent, et pristrent port devant un palais l'empereor Alexis, dont li leus estoient apelez Calchidoines S et fut endroit Constantinople, d'autre part le Braz, devers Turchie. Cil palais fu un des plus biax et des plus delitables que onques oè'l peussent esgarder de toz les deliz que il convient à cors d'home , que en maison de prince doit avoir; et li comte et li baron descendirent à la terre et se herbergierent el palais et en la ville entor, et li plusor tendirent lor paveillons.

Lors furent li cheval trait fors des vissiers, et li chevalier et li serjans descendu à la terre à totes lor armes, si que il ne remets ès vaissiaus que li marinier. La contrée fu belle et riche et plenteurose de toz biens, et les moies des blez qui estoient moissoné parmi les champs ; tant que chascuns en volt prendre, si en prist, com cil qui grant mestier en avoient. Ensi sejornerent en cel palais lendemain , et al tiers jor lor doua Diex bon vent; et cil marinier resachent lor ancres et drecent lor voiles al vent. Ensi s'en vont contreval le Braz, bien une lieue desor Constantinople, à un palais qui ère l'empereor Alexis, qui ère apelez le Sculaire*. Enqui se

i. Chalcédoinc était une ville située vis-à-vis Constantinople de l'autre côté du Bosphore, et où les empereurs avaient leur maison de plaisance. Ce n'est plus qu'un village.

a. Scutari, sur la côte d'Asie, en face de Constantinople.

ancréerent les nés et les vissiers et totes les galies; et la chevalerie qui ère herbergie el palais de Calcédoine alla costoiant Constantinople par terre. Ensi se herbergierent sor le Braz Saint-Jorge à la Scutaire et contremont l'ost des François. Et quant ce vit Femperere Alexis , si fist la soe ost issir de Constantinople ; si le herberja sor l'autre rive d'autre part endroit als; si fist tendre ses paveillons, por ce que cil ne peussent prendre terre par force sur lui. Ensi sejorna l'ost des François par nuef jors; et se porcaça de viande cil qui mestier en ot, et ce furent tuit cil de l'ost.

Dedenz cel sejor issi une compagnie de mult bone gent por garder l'ost que on ne li feist mal, et les forriers cherchierent la contrée. En cele compagnie fu Odes li Champenois de Chanlite et Guillelmes ses frères, et Ogiers de Saint-Cheron , et Manassiers de Liste, et li cuens Giraz1 uns cuens de Lombardie qui ère de la maisnie le marchis de Montferrat; et orent bien avec als quatre-vingts chevaliers de mult bone gent ; et choisierent al pie de la montagne paveillons bien à trois lieues de l'ost; et ce estoit li Mege-Dux2 l'empereor de Constantinople , qui bien avoit cinq cents chevaliers de

t. Appelé le comte Gras dans Ducange.

2. Ce titre a été défiguré de différentes manières par les Chroniqueurs; tantôt c'est Mage-ducas; tantôt Magdokos, tantôt Maradocus et même Masgode. La dignité de Mégas-Dux , une desprincipales de l'empire d'Orient, était alors occupée par Michaei Slryphnus, qui avait épousé la sœur de l'impératrice.

Grieu. Quant nostre gent les vit, si ordenerent lor genz en quatre batailles ; et fu lor conselx tielx que il iroient combattre à els. Et quant li Grieu les virent, si ordenerent lor gent et lor batailles, et se rangierent pardevant lor paveillons et les attendirent , et nostre gent les alèrent férir mult vigueroisement. A l'aie de Dieu Nostre Seignor petiz dura cel estors , et li Grieu lor tornèrent les dos ; si furent desconfiz à la première assemblée, et li nostres les enchacerent bien une lieue grant. Là gaaignerent assez cbevaus et roncinz et palefrois, et muls et mules, et tentes et paveillons, et tel gaiug com à tel besoigne aferoit. Ensi se revindrent en i'ost , où il furent mult volontiers veuz ; et départirent lor gaing si com il durent.

A l'autre jor après envoia l'empereor Alexis uns messages as contes et as barons et ses lettres. Cil messages avoit nom Nicholas Rous 1 et ère nés de Lombardie ; et trova les barons el riches palais del Scutaire où il estoient à un conseil , et les salua de part l'empereor Alexis de Conslantinople ; et tendi ses lettres le marchis Boniface de Montferrat , et cil les reçut. El furent lues devant toz les barons; et paroles y ot de maintes manières ès lettres que li livres ne raconte mie. Et après les autres paroles qui furent, si furent de créance que l'om creist celui qui les avoit apportées, qui Nicholas Rous

i. Noble Lombard, dont le vrai nom est Rossi , suivant Dn~ cange.

avoit nom. « Biel Sire, font -il, nos avons veues « vos lettres , et nos (lient que nos vos créons. Et « nos vos créons bien. Or dites ce que vos plaira ». Li messages estoit devant li barons en estant, et parla : «Seignor, fait -il, l'empereor Alexis vos « mande que bien set que vos iestes la meillor « gent qui soient sans corone , et de la meillor terre « qui soit, et mult s'émerveille por quoi ne à quoi « vos iestes venus en son règne ; que vos estes « chrestiens , et il est chrestiens ; et bien set que « vos iestes meu por la Sainte Terre d'oltremer , et « por la Sainte-Croiz et por le Sépulcre rescorre. « Se vos iestes povre ne disetels , il vos donra vo- « lentiers de ses viandes et de son avoir, et vos li « vuidiez sa terre ; ne vos voldroit mie autre mai « faire, et ne-por-quant s'en a-il le pooir. Car se vos « estiez vingt tant de gent que vos n'estes, ne vos « en porroiz aler , se il mal vos voloit faire , que « vos ne fussiez morz et déconfiz. » Par l'acort et le conseil as autres barons et le duc de Yenise, se leva en piez Coè'nes de Bethune, qui ère bons chevaliers et sages et bien éloquens, et respont al messages : « Bel sire , vos nos avez dit que vostre sire « se merveille mult porquoi nostre seignor et nos- « tre baron sont entrés en son règne. En sa terre « il ne sont mie entré , quar il le tint à tort et à » péché contre Dieu et contre raison ; ainz est son « nevou qui ci siet entre nos sor une chaiere , qui « est fil son frère l'empereor Sursac. Mès s'il voloit « à la merci son nevou venir , et li rendoit la cote rone et l'empire , nos li proieriens que il li par-

« donast, et li donast tant que il peust vivre riche- « ment. Et se vos por cestui message venez , n'y « revenez altre foiz , ne soyez si hardis que vos « plus y revegniez. » Ensi se parti li message et s'en râla arrière en Constantinople à l'empereor Alexis.

Li baron parlèrent ensemble et distrent lendemain qu'il mostreroient Alexis, le fil l'empereor de Constantinople, al pueple de la cité. Adonc firent armer les galies totes. Li dux de Venise et li maichis de Montferrat entrèrent en une et mistrent avec als Alexis, le rilz l'empereor Sursac ; et es autres galies entrèrent li chevalier et li baron qui volt. Ensi s'en alerent rès à rès des murs de Constantinople, et mostrerent al pueple des Griez li valet , et distrent : « Véez ici vostre seignor natu- « rel, et sachiez nos ne venimes por vos mal faire, « ainz venimes por vos garder et por vos défendre, <c si vos faites ce que vos devez ; car cil cui vos « obéissiez à seignor, vos tient à tort et à pechié, con- « tre Dieu et contre raison. Et bien savez com il a des- « loiaument ovré vers son seignor et vers son frère , « que il li a les els traiz , et tolu son empire à pe- « chié ; et véez ci le droit hoir. Se vos vos tenez à « lui, vos feroiz ce que vos devroiz; et si vos nel « faites, nos vos ferons le pis que nos porrons » Onques nus de la terre et del pais ne fist semblant que il se tenist à lui, por la tremor et por la dotance de l'empereor Alexis. Ensi s'en revindrent en l'ost arrière , et alerent chascun à son héberge.

Lendemain, quant il orent la messe oie, s'assem-

blerent en parlement , et fu li parlemenz à cheval1 en mi le champ. Là peussiez veoir maint bel destrier et maint bon chevalier dessus. Et fu li conseils des batailles deviser quantes et quel il en auraient. Bestances 2 y ot assez d'unes choses et d'autres ; mès la fin del conseil fu tels : que al conte Baudoin de Flandres fu otroié l'avant-garde , porce que il avoit mult grant plenté de bones genz et d'archiers et d'arbalestriers , plus que nuls qui en l'ost fust.

Et après fu devisé que l'autre bataille feroit Henris ses frères , Mahius de Vaslaincourt et Baldoins de Belveoir, et maint autre bon chevalier de lor terres et lor païs qui avec els estoient.

La tierce bataille fist li cuens Hues de Sain-Pol , Pierre d'Amiens ses niers , Eustaices de Ganteleu , Ansiaus de Raieu 3 , et maint bon chevalier de lor terre et de lor païs.

La quarte bataille fist li cuens Loeys de Blois et de Chartein , qui mult fu granz et riche et redotez , que il y avoit mult grand plenté de bons chevaliers et de bone gent.

La quinte bataille fist Mahius de Mommorenci et li Champenois Joffrois li mareschaus de Cham-

i. Usage conservé des anciens Gaulois et des peuples du nord.

i. Bastance signifie suffisamment, beaucoup. Quelques manuscrits disent : Paroles y eut assez; et d'autres : hesteus y eut assez. D. Brial pense qu'au lieu de hesteus, il faut lire hestrus, qui signifie estrif, débat, dispute.

3. Cahieu était un château sur la mer, près de Saint-Valery. Suivant Duchesne, un Anseau de Cahieu épousa Eudoxie, fille de Théodore Lascaris, empereur des Grecs en 1221.

DE VILLE-HARDOITf. 09

paigne. Fu en cele : Ogiers de Saint-Cheron , Manassiers de Lisle , Miles li Braibanz , Macbaire de Sainte-Menehalt , Johan de Foisnons , Guis de Capes, Clarembaus ses niers , Robert de Ronçoi. Totes ces genz fisent la quinte bataille : sachiez que il y ot maint bon chevalier.

La siste bataille firent les genz de Bourgoigne. En celi fu Oedes li Champenois de Chanlite , Guillelme ses frère , Gui de Pesmes , Heimes ses frères , Otes de la Roche, Richars de Dompierre , Oedes ses frères, Guis de Covlans, et les gens de lor terre et de lor païs.

La septime bataille fist li marchis Bonifacc de Montferrat, qui mult fu granz. Là y furent li Lombart et li Toscain et li Aleman , totes gens qui furent de lez Mont de Moncenis trosque à Lion sor le Rône. Tuit cil furent en la bataille li marchis ; et fut devisé que il feroit l'arriere-garde.

Li jors fut devisé quant il se recueilroient es nés et ses vaissiaus , por prendre terre ou por vivre ou por morir ; et sachiez que ce fu une des plus doutoses choses à faire qui onques fust. Lors parlèrent li evesques et li clergiez al pueple ; et lor mostrerent que ils fussent confez; et feist chacun sa devise, que il ne savoient quant Diex feroit son comandement d'els ; et il si firent mult volentiers par tote l'ost et mult pitosement. Li termes vint si com divisés fu ; et les chevaliers furent es vissiers tuit avec lor destriers 1 ; et furent tuit armés ,

i. Les dextriers ou chevaux de bataille des chevaliers étaient

les helmes laciez et li cheval covert et enselé ; et les autres genz qui n'avoient mie si grant mestier en bataille , furent es grant nés tuit , et les galées furent armées et atornées totes. Li matins fu biels après le soleil un poi levant , et l'empereres Alexis les attendoit à granz batailles et à granz conrois 1 de l'autre part ; et on sone les bosines 2 ; et chascune galie fu à un vissiers liée por passer oltre plus délivréement. Il ne demandent mie chascuns qui doit aller devant , mais qui ainçois puet , ainçois arrive. Et les chevaliers issirent des vissiers , et saillent 3 en la mer trosque à la çainture tuit armé , les hielmes laciez et les glaives ès mains ; et li bon archier et li bon serjans et li bon arbalestier, chascune compagnie ou endroit ele arriva. Et li Grieu firent mult grant semblant del retenir. Et quant ce vint as lances baissier , li Grieu lor tornerent les dos ; si s'en vont fuiant et lor laissent le rivage. Et sachiez que onques plus orgueilleusement nuls portz ne fu pris. Adonc comencent li marinier à ovrir les portes des vissiers et à giter

ordinairement couverts d'une grande housse de taffetas ou autre légère étoffe qui leur battait jusqu'aux pieds, et étaient ornés de leurs armoiries. Le Roman de Loherain dit :

Bien acesmé sor un grant destrier sist Qui ot coyert et teste et crope et pis-