C'est-à-dire à qui arrivera le plus tôt

batel. Si mande message as barons de l'ost, et lor fait assavoir que il avoient vingt-cinq tors , et seussent por voir que il nel poent reperdre. Li barons sont si lie que il nel pooient croire que ce soit voirs ; et li Yenisien comencent à envoier chevaus et palefroiz à l'ost en batiaus de cels que il avoient gaaignez dedenz la ville. Et quant l'empereres Alexis vit que il furent ensi entré dedenz la ville , si comence ses genz à envoier à si grant foison vers els. Et quant cil virent que il n'es porroient soffrir , mistrent le feu entre els et les Grecs ; et li vens venoit devers nos genz ; et li feus comence si grant à naistre , que li Grex ne pooient veoir nos genz. Ensi se retraistrent à lor tors que il avoient laissies et conquises.

Adonc issi l'emperere Alexis de Constantinople à tote sa force fors de la cité par autres portes bien loing de une lieue de l'ost 1 ; et comence si grant gens à issir que il sembloit que ce fust toz li nions. Lors fist ses batailles ordener parmi la campaigne, et chevauchent vers l'ost; et quant nos François les voient , si saillent as armes de totes pars. Cel jor faisoit Henri , le frères le conte Baudoin de Flandres et de Hennaut, la gaite, et Mahius de Vaslencort et Baudoins de Belveoir , et lor genz qui à els se tenoient. Endroit aus avoit l'empereres Alexis atorné granz genz qui sal-

1. Cette sortie eut lieu, suivant Nieétas, le mercredi 17 juillet , huitième jour du siège.

Di: VILLE-IIARDOIH. 'J \

droient par trois portes fors, com il se ferroit en l'ost par d'autre part. Et lors issirent les sept batailles qui furent ordenées , et se rengent pardevant lor lices , et lor serjans et lor escuiers à pié par derrières les cropes de lor chevaus, et les archiers et les arbalestiers par devant als; et firent bataille de lor chevalier à pié , dont il avoient bien deux cent qui n'avoient mais nul cheval. Et ensi se tindrent quoi devant lor lices; et fu mult granz sens; que, se il alassent à la campaigne assembler à els, cil avoient si grant foison de gent, que tuit fuissiens noie entraus.

Il sembloit que tote la campaigne fust coverte de batailles; et venoient le petit pas tuit ordené- Bien sembloit perillose chose, que cil n'avoient que six batailles, et li Grieu en avoient bien soixante, que il n'y avoit celi qui ne fust graindre que une des lors. Mais les nostres estoient ordené en tel manière que on ne pooit à els venir, se pardevant non. Et tant chevaucha l'empereor Alexis, qu'il fu si près que on traioit des uns aus autres. Et quant ce oï li dux de Venise, si fist ses gens retraire et guerpir les tors que il avoient conquises, et dist que il voloit vivre ou morir avec les pèlerins. Ensi s'en vint devers l'ost, et descendi il meismes toz premiers à la terre, et ce que il en post traire de la soegenz fors. Ensi furent longuement les batailles des pèlerins et des Gricux vis-à-vis, que li Grieu ne s'osèrent venir ferir en lor estai; et cil ne volrenl eslongier les lices. Et quant, l'empereres \K \is vit ce, si commença ses gens à retraire; et quant il ot

ses genz ralliez, si s'en retorna arrière. Et quant ce vit li ost des pèlerins , si comença à chevauchier li petit pas vers lui ; et les batailles de Grés comencent à aller en voie, et se traistrent arriéres à un palais qui ère appeliez au Philopas *. Et sachiez que onques Diex ne traist de plus grant périls nuls genz com il fist cels de l'ost cel jor, et sachiez qu'il n'y ot si hardi qui n'aust grant joie. Ensi se remest cele bataille cel jor, que plus n'y ot fait, si com Diex le volt. L'empereres Alexis s'en retorna en la ville, et cil de l'ost alèrent à lor herberge, si se desarmèrent qui erent mult las et travaillié; et poi mangèrent et poi burent , car poi avoient de viande.

Or oiez les miracles Nostre Seignor, com eles sont bêles tôt par tôt là où li plaist. Cele nuit domaignement l'empereres Alexis de Constantinople prist de son trésor ce que il en pot porter, et mena de ses gens avec lui qui aller s'en voldrent. Si s'enfui et laissa la cité 2 ; et cil de la ville remestrent mult esbaïs , et traistrent à la prison où l'empereres Sursac estoit , qui avoit les ialz traitz. Si le vestent impérialement; si l'emportent el hait palais de Blaquerne, etFasistrent en la halte chaiere, et li obéirent corne lor seignor. Et dont pristrent messages

1. Le Philopatrium était une plaine plantée d'arbres hors de la ville , où on allait goûter le plaisir de la chasse et de la promenade ; les empereurs y avaient fait construire un palais.

2. Alexis sortit de Constantinople avec sa fille Irène, s'embarqua, et se retira, suivant Nicétas , à Debeltus ou Zagora en Bulgarie, et suivant Comnène, vers Romanus, duc de Russie.

DE V1LLE-HA.RDOIN. J ô

par le conseil l'empereor Sursac,et envoierent en l'ost; et mandèrent le fil l'empereor Sursac et les barons, que l'empereres Alexis s'en ère fuis, et si avoient relevé à empereor l'empereor Sursac. Quant le valet1 le sot, si manda le marchis Boniface de Montferrat, et li marchis manda li barons par l'ost. Et quant il furent assemblé al peveillon le fil l'empereor Sursac, si lor conte ceste novele; et quant il oïrent, de la joie ne convient mie à parler, que onques plus grant joie ne fu faite el munde; et mult fu nostre sire loez pitousement par als toz de ce que en si petit de terme le secoruz , et de si bas com il estoient les ot mis al desore. Et por ce pueton bien dire : qui Diex vielt aidier, nul hom ne li puet nuire.

Lors commença à ajorner, et l'ost se comença à armer; si s'armèrent tuit par l'ost, porce que il ne créoient mie bien des Grex, et messages comencent à issir un, deux ensemble , et content ces novelles meismes. Li conseils as barons et as contes fu tels, et celui al duc de Venise, que il envoierent messaiges laienz savoir cornent li affaires y estoit; et se estoit voirs ce que on lor avoit dit, que on requerroit le pere que il asseurast altelx convenances com li fil avoit faites, ou il ne lairoient mie entrer le fil en la ville. Eslit furent li message. Si en fu li un Mahius de Mommorenci , et Jeffroi li marescbaus de Champeigne fu li autres, et dui Venisien de par le duc de Venise. Ensi furent li message con-

i. Comme les Espagnols disent Y infant.

duit trosque la porte, et on lor ovri la porte, et descendirent à pié; et li Griffon orent mis d'Englois et de Danois à totes les haches à la porte, tres-ci que al palais de Blaquerne. Là troverent l'empereor Sursac si richement veslu que por noiant demandast-on home plus richement vestu, et l'empererix sa famé de costé lui, qui ère mult belle dame, suer le Roy de Ongrie. Des altres hauz homes et des haltes dames y avoit tant que on n'y pooit son pié torner , si richement atornées que elles ne pooient plus , et que tint cil qui avoient esté le jor devant contre lui, estoient cel jor tôt à sa volenté.

Li message vindrent devant l'empereor Sursac ; l'empereris et tuit li autre les honorèrent mult, et distrent li message que il voloient parler à lui privéement de par son fil et de part li barons de l'ost ; et il se dreça, si s'en entra en une chambre, et n'enmena avec lui que l'empereris et son chambrier et son druguemens et les quatre messages. Par l'accort as autres messages mostra Joffroi de Ville- Hardoin li mareschaus de Champaigne la parole, et dist à l'empereor Sursac : « Sire, tu vois le servise « que nos avons fait à ton fil, et combien nos li « avons sa convenance tenue ; ne il ne puet ç'aiens « entrer trosque adonc il ara fait nostre créant des « convens qu'il nos ha ; et à vos mande comme vos « filz , que vos asseurez la convenance , en tel forme « et en tel manière corn il nos a fait. » — « Quelx « est la convenance? » fait l'empereres. — « Telle « corn je vos dirai, respont li messagiers. Tôt el « premier chief, mètre tôt l'empire de Romanie à

« l'obédience de Rome , dont il est partie pieça ; « apràs à doner deux cens mille mars d'argent à cels « de l'ost, et viande à un an, à petiz et à granz; et « mener dix mille homes en ses vaissiaus et à sa « despense tenir par un an ; et en la terre d'oltre- « mer à tenir cinq cens chevaliers en sa despense « tote sa vie , qui garderont la terre. Telx est la « convenance que votre fils nos a; se le vos asseure, « par sairemens et par les chartres pendanz , et par « le roy Phelippe d'Alemaigne, qui vostre file a. « Icestui convenant volons-nos que vos asseurez « aisi. » — « Certes, fait l'empereres, la convenance « est mult grant, ne je ne voie cornent elle puisse « estre ferme; et ne pour quant, vos l'avez tant « servi , et moi et lui , que se on vos en donoit « très tôt l'empire, si l'ariez-vos bien desservi. » En maintez manières y ot paroles dites et retraites ; mais la fin si fu telx , que li pères asseura les convenances, si com li fils les avoit asseurée, par sairement et chartres pendans bullées d'or. La chartre fu délivrée as messages; ensi pristrent congié à Fempereor Sursac, et tornerent en l'ost arrière, et distrent as barons qu'il avoient la besoigne faite.

Lors montèrent li baron à cheval et amènent le valet à mult grant joie en la cité à son pere ; et li Gré li ovrirent la porte , et le receurent à mult grant joie et à mult grant feste r. La joie del pere

i. La ville tic Constantinople (ut prise le neuvième jour du siège , le jeudi 1 8 juillet.

et del fils fut mult grant , que il ne s'estoient pieça veu , et que de si grant poverté et de si grant essil furent torné à si grant altesse, par Dieu avant et par les pèlerins après. Ensi fu la joie mult grant dedenz Constantinople et l'ost de-fors des pèlerins, de l'honor et de la victoire que Diex lor ot donée. Et lendemain proia l'empereres as comtes et as barons et ses fils meismes, que il por Dieu s'alassent herbergier d'autre part del port devers le Stanor, que se il se berberjoient en la ville, il douteroient la melléed'ais et des Grieus, et bien en porroit la cité estre destruite ; et il dient que il l'avoient tant servi en mainte manière, que il ne refuseroient jà chose qu'il lor proiassent. Ensi s'en alerent herbergier d'altre part; ensi sejornerent en pais et en repos en grant plenté de bones viandes. Or poez savoir que mult de cels de l'ost alerent à veoir Constantinople, et les riches palais et les yglises haltes dont il y avoit tant, et les grant richesses , que onques en nule ville tant n'en ot. Des saintuaires ne convient mie à parler, que autant en avoit-il à icel jor en la ville com ei remanant dou monde. Ensi furent mult comunel li Grieu et li François de totes choses, et de marcheandises et d'autres biens. Par le commun conseil des François et des Grecs fu devisé que li noviaus emperere seroit encoronez à la feste monseignor Sain Pierre, entrant august. Ensi fu devisé, et ensi fu fait. Coroné fut si haltement et si honoréement com l'en faisoit les empereres grex à cel tens. Après comença à paier l'avoir que il devoit à cels de l'ost; et il le

départirent par l'ost, et rendirent à chascun son passage tel com il l'avoient paié en Venise.

Li novials empereres alla sovent veoir les barons en l'ost, et mult les honora tant com il pot plus faire ; et il le dut bien faire, quar il l'avoient mult bien servi. Un jor vint as barons privéement en l'ostel le conte de Flandres et de Hennaut. Enqui fu mandé li dux de Venise et li hait baron privéement, et il lor mostra une parole, et dist : « Seignor, je sui em- « perere par Dieu et par vos, et fait m'avez plus « hait servise que onques gens feissent mais à nul « home chrestien. Sachiez que assez genz me mos- « trent bel semblant, qui ne m'aiment mie ; et mult « ont li Grieu grant despit, quant je par vos forces « fu entrez en mon héritage. Vostre terme est près « que vos vos en devez râler, et la compaignie de « vos et des Venisien ne dure que trosque à la feste « Sain Michel. Dedenz si cort terme ne puis vostre « covent assovir. Sachiez , se vos me laissiez , li Grieu « me héent por vos; je reperdrai la terre, et si m'o- « ciront. Mais faiçois une chose que je vos dirai ; « demoressiez trosque al mars, et je vous alonge- « roie vostre estoire de la feste Sain Michel en un ce an, et paieroie le costement as Venisiens, et vos « donroie ce que mestier vos seroit trosque à la « Pasque. Et dedenz cel termine aroie ma terre si « mise à point, que je ne la porroie reperdre, et « vostre convenance seroit atendue que je auroie l'ace voir paié, qui me vendroit de par totes mes terce res; et je seroie si atornez de navile de aller avec ce vos ou d'envoier, si com je le vos ai couvent, et

« lors ariez l'esté de lonc en lonc por ostoier. » Li baron distrent que il en parleraient ensemble sanz li. Ils connurent bien que c'ère voirs que il disoit, et que c'ere mielz por l'empereor et por als; et il respondirent que il nel pooient faire, se par le commun de Fost non, et cil en parleraient à cels de Fost, et l'en respo^ndroient ce que il porroient trover.

Ensi s'en parti l'empereres Alexis d'els, et s'en ralla en Constantinople arriéres; et il remestrent en l'ost, et pristrent lendemain un parlementât furent mandé tuit li baron et li chevetaigne de Fost , et des chevaliers la graindre partie ; et lor fu à toz ceste parole retraite, si com l'empereor lor ot requise. Lors ot mult grant descorde en Fost, si com il avoit eu maintes foiz de cels qui volsissent que li ost se departist, que il lor sembloit que elle dtirast trop ; et cele partie qui à Corfol avoit eu la descorde , semostrent les autres de lor sairemens, et distrent : « Baillez nos li vaissiaus , si com vos le nos « avez juré, car nos en volons aller en Surie. » Et li autre lor crioient merci , et distrent : « Seignor, por « Dieu ne périssons Fhonor que Dieus nos a faite. « Se nos allons en Surie , l'entrée de Fi ver ert, quant « nos y vendrons, ne nos ne porrons ostoier; ensi- « que ert la besoigne Nostre Seignor perdue. Mais « se nos attendons trosque al mars, nos iairons cet « empereor en bon estât , et nos en irons riches d'ace voir et de viande, et puis nous en irons en Surie, « et corrons en la terre de Babiloine , et nostre es- « toires nos durra trosque à la Sain Michel , et de « la Sain Michel trosque à la Pasque, porce que il

« ne se porront partir de nos por l'iver; et erisi « porra estre la terre d'oltre-mer acquise. »Il ne chaloit à cels qui l'ost voloient dépecier du meillor ne du pejor, mais que li ost se departist; et cil qui l'ost voloient tenir ensemble , travaillèrent tant à l'aie de Dieu , que li afaires fu mis à fin en tel manière que li Venisien rejurerent un an de la feste Sain Michel à retenir l'estoire, et l'empereres Alexis lor doua tant que fait fu ; et li pèlerin lor rejurerent la compaignie à tenir si com il l'avoient fait autrefoiz et à cel termine meismes. Et ensi fut la concorde et la pais mise en l'ost.

Lors lor âvint une mult grande mésaventure en l'ost, que Mahius de Mommorenci , qui ère uns des meillors chevaliers del roiaume de France , et des plus prisiez et des plus amez , fu mors ; et ce fu grant diels et grant domages, uns des greignors qui evenist en l'ost d'un sol home; et fu enterrez en une yglise de monseignor Sain Johan de l'Tlospital de Jérusalem.

Après, par le conseil des Grieus et des François, issi l'empereres Alexis à mult grant compaignie de Constantinople por l'empire aquirer et mètre à sa volenté. Avec lui en alla grant partie des barons , et l'autre remest por l'ost garder : li marchis Bonifaces de Montferrat, et li cuens Hues de Sain-Pol, et Henris le frère le conte Baudoin de Flandres et de Hennaut, et Jacques d'Avesnes, Guillelmes de Chanlite et Hues de Coleini, et autres genz assez dont li livre ore se taist. En l'ost remaint li cuens Baudoins de Flandres et de Hennaut , et li cuens

Loeys de Blois et de Chartein , et la graindre partie des pèlerins. Et sachiez que en cele ost où l'empereres alla, que tuit li Grieu de l'une part et de l'autre del braz vindrent à lui , et à son mandement et à sa volenté, et li firent fealté et homage com à lor seignor, fors solement Johannis1 qui ère rois de Blakie et de Bougrie2. Et cil Johannis si ère uns Blaque qui ère révélez contre son pere et contre son oncle, et les avoit guerroiez vingt ans, et avoit tant de la terre conquis sor als, que rois s'en ère fait riches. Et sachiez que de cele partie del Braz- Sain-George devers occident , poi en falloit que il ne l'en avoit tolu près de la moitié. Icil ne vint pas à sa volenté ne à sa merci.

1. Jean, roi de Bulgarie et de Valachie, appelé Joannitius dans les Epîtres d'Innocent III. Il se donne lui-même le nom de Calo-Joannes dans des lettres qu'il écrit au même pape. Les Grecs lui avaient donné le nom de sSguXgiûxxwyiç-, à cause de ses cruautés et de ses pillages. Il était troisième frère d'Asan et de Pierre, qui les premiers se soulevèrent contre l'empereur Isaac, et rétablirent le titre de royaume dans la Mysie. Lorsque Pierre fut assassiné , il s'empara du trône aux dépens des fils d'Asan , ses neveux. Ville-Hardoin s'est mépris en disant que Jean, roi de Bulgarie, s'était révolté contre son père et son oncle, c'està-dire contre Isaac et Alexis.

2. Jean prend dans ses lettres (Epîtres d'Innocent III) le titre de Joannitius imperator Bulgarorum et Blacorum. T^e titre d imperator, ou BaçiXsùç, n'était donné par les Grecs qu'aux empereurs de Constantinople et aux rois de Bulgarie ; ils donnaient aux autres souverains le titre de Vr£- Voyez pour la Blachie le voyage de Pouqueville.

DE VILLE-HARDOJN. 8ï

Endeinentiers que l'empereres Alexis fu en ceie ost, si ravint une mult grant mésaventure en Constantinople, et que une meslée comença des Grieus et des Latins qui èrent en Constantinople estagier, dont il y en avoit mult; et ne sai quex genz, por mal, mistrent le feu en la ville; et cil feu fu si granz et si orribles que nul homme nel' pot estaindre ne abaissier. Et quant ce virent li baron de l'ost, qui estoient herbergié d'autre part del port, si furent mult dolent et mult en orent grant pitié, com il virent ces haltes yglises et ces palais riches fondre et abaissier, et ces granz rues marcheandes ardoir en feu, et il n'en pooient plus faire. Ensi porprist le feu dessus le port à travers tres-ci-que parmi le plus espès de la ville tros-que en la mer d'autre part, rez à rez del mostier Sainte-Sophie; et dura huit jorz, que onques ne pot estre estainz par home; et tenoit bien li frons del feu, si com il aloit ardant, bien demie lieue de terre. Del domage, ne de l'avoir, ne de la richesse qui là fu perduz, ne vos porroit nus conter, et des homes , et des famés, et des enfanz, dont il ot mult d'ars. Tuit li Latin 1 qui estoient herbergié dedenz Constantinople, de quelque terre que il fuissent, n'y osèrent plus demorer, ainz pristrent lor famés et lor enfans, et ce que il en porent traire del feu , ne escamper, et entrèrent en barges et en vaissiaus; et passèrent le port de-

i. Familles latines ou françaises qui habitaient Constantinople depuis le temps de Manuel Comnènes.

Chkopiiq., t. III. — VirT..-HAHi». ()

vers les pèlerins; et ne furent mie pou; que il furent bien quinze mil, que petiz quegranz, et puis orent-ils grant mestier as pèlerins que il fuissent oltre passé. Ensi furent desacointié li Franc et li Grec, que il ne furent mie si comunel com il avoient esté devant; si ne s'en sorent à cui plaindre, qu'il lor pesa d'une part et d'autre. En cel termine lor avint une chose dont li baron et cil de l'ost furent mult irié, que li abbés de Loces, qui ère saint hom et prodom, fu morz, et qui avoit volu li bien de l'ost et ère moines de l'ordre de Cistials.

Ensi demora l'empereres Alexis mult et longuement en l'ost où il fu issus tros que à la Sain-Martin 1 , et lors revint en Constantinople arrière. Mult fu grant joie de lor venue, que li Grieu et les dame de Constantinople alèrent encontre lor amis à grant clievauchies; et li pèlerin râlèrent encontre les lor, dont il orent mult grant joie. Ensi s'en rentra l'empereres en Constantinople el palais de Blaquerne; et li marchis de Montferrat et li autre baron s'en repairèrent avec les pèlerins.

L'empereres , qui mult ot bien fait son afaire et mult cuida estre d'elx audesseure, s'enorgueilli vers li baron et vers cels qui tant de bien li avoient fait; ne les alla mie veoir com il soloit faire en l'ost; et il envéoient à lui, et prioient que il lor feist paiement de lor avoir, si com il lor avoit convent. Et il les mena de respit en respit, et lor faisoit d'ores

i. ii novembre i2o3.

DE VILLF.-IIARDOIN. 83

en altres petit paiemens et poures , et en la fin devint noienz li paiemenz. Li marchis Bonifaces de Montferrat , qui plus l'avoit des autres servi et mielz ère de lui , y alla mult sovent; et li blasmoit le tort que il avoit vers els , et reprovoit le grant servise que il li avoient fait, que onques si granz ne fu fait à nul home; et il le menoit par respit; ne chose qu'il lor créantast ne tenoit ; tant que il virent et conurent clèrement que il ne quéroit se mal non. Et pristrent li baron de l'ost un parlement , et li dux de Venise; et distrent qu'il conoissoient que cil ne lor attendroit nul convent, et si ne lor disoit onques voir; et que il envoiassent bonz messages por requerre lor convenance, et por reprover lou servise que il li avoient fait; et se il le voloit faire, prinsent le ; et s'il nel' voloit faire, deffiassent le de par als , et bien li deissent qu'il pourchasseroient le leur si corne il poroient miex.

A cel message fu eslis Coenes de Betune et Geoffroy de Ville-Hardoin, li mareschaus de Champaigne, et Miles li Braibans de Provins; et li dux de Venise envoia trois halz homes de son conseil. Ensi montèrent li messages sor lor chevax, les espées çaintes, et chevauchièrent ensemble tros que al palais de Blaquerne. Et sachiez que il alèrent en grant péril et en grant aventure, selonc la traïsonas Grex. Ensique descendirent à la porte 1 et entrèrent el

i. Personne que l'empereur n'avait le droit d'entrer à cheval au palais. Suivant Favyn (Théâtre d'honneur, p. 371 ), les

palais, et trovèrent l'empereor Alexis et l'empereor Sursac son père séans en deux chaieres lez-à-lez; et de-lez aus séoit l'empereris qui ère famé al père et marastre al fil, et ère suer al roi de Hongrie, belle dame et bone; et furent à grant plenté de balt genz, et mult sembla bien cort à riche prince. Par le conseil as autres messages mostra la parole Coens de Betune, qui mult ère sages et bien enparlez : « Sire, nos sommes à toi venu de par le baron de « l'ost et de par le duc de Venise. Et sachies tu que « il te reprouvent le grant servise que il t'ont fait, « com la gent savent et cum il est apparissant. Vos « lor avez juré, vos et vostre père, la convenance à « tenir que vos lor avez convent; et vos Chartres « en ont. Vos ne lor avez mie si bien tenue com vos « deussiez. Semont vos en ont maintes foiz, et nos « vos en semonons, voiant toz vos barons, de par « als , que vos lor taignoiz la convenance qui est « entre vos et als. Se vos la faites , mult lor est bel; « et se vos nei' faites, sachiez que dès hore en avant « il ne vos tiegnent ne por seignor ne por ami ; « ainz porchaceront que il auront le leur en totes « les manières que il porront. Et bien vos mandenl- « il que il ne feroient ne à vos ne à altrui mal, tant « que il Faussent deffié1, que il ne feront onques

princes du sang pouvaient seuls entrer à cheval clans le palais du roi de France.

i. On ne faisait pas la guerre alors sans avoir fait porter un défi , tantôt par des chevaliers , tantôt par des évêques et prélats.

« traison ; ne en lor terre nrest-il rnie acostumé que « il le facent. Vos avez bien oï que nos vos avons « dit, et vos vos conseilleroiz , si com vos plaira. » Mult tindrent li Grieu à grant mervoille et à grant oltrage ceste deffiance ; et distrent que onques mais nus n'avoit esté si hardiz qui osast l'empereor de Constantinopie deffier en sa chambre. Mult fist as messages malvais semblant l'empereres Alexis, et tuit li autre qui maintes foiz lor avoient fait mult bel.

Le bruit fu mult grant par là dedenz; et li messages s'en tornent et vienent à la porte et montent sor les chevaus. Quant il furent de fors la porte , n'y ot celui qui ne fust mult liez; et ne fu mie granz mervoille, que il èrent mult de grant péril escampé , que mult se tint à pou que il ne furent luit mort et pris. Ensi s'en revindrent à l'ost, et contèrent as barons si com ils avoient exploitié. Ensi comença la guerre, et forfist qui forfaire pot, et par mer et par terre. En maint lieu assemblèrent li Franc et li Grieu ; mes onques , Dieu merci! n'assemblèrent ensemble que plus n'y perdissent 11 Grieu que li Franc. Ensi dura la guerre grant pièce tros que enz el cuer de l'yver. Et lors se porpenserent li Grieu d'un mult grant enging; qu'il prisrrent dix sept nés granz1; s'es emplirent totes de

i. Les Grecs appelaient ces sortes de vaisseaux XtXoé^iotj le roman de Loherans les appelle chalans : Porchaoe nez et gratis chalans corsés.

Et ailleurs :

granz merriens, et d'esprises, etd'estopes,etde poiz, et d'estoviaus; et attendirent tant que li vent venta devers aus mult durement; et une nuit, à mie nuit, mistrent le feu es nés1, et laissent les voiles aller al vent et li feu allumer mult hait, si que il sembloit que tote la terre arsist; et ensi s'en venoient vers la navie des pèlerins. Et li erîs lieve en l'ost; et saillent as armes de totes parz. Li Venisien cofrent à lor vaissiaux, et tuit li autres qui vaissiaus y avoient, et les comencent à rescore mult viguerusement. Et bien tesmoigne Joffrois li mareschaus de Ghampaigne, qui ceste ovre dicta, que onques sor mer ne s'aidèrent genz mielz que li Venisien firent; qu'il saillirent ès galies et es barges des nés, et prenoient les nés totes ardant à cros , et les tiroient par vive force devant lor anemis fors del port , et les metoient el corant del Braz , et les laissoient aller ardant contreval le Braz. Des Grex y avoit tant sor la rive venuz que ce n'ère fins ne mesure; et ère li cris si granz que il sembloit que terre et merfondist; et entroient ès barges et en salvations; et traioient as nos, qui rescooient le feu, et en y ot de bleciez.

Qui nés porchace et fel chalans venir.

Les bateaux dont on se sert sur la Loire et sur le Cher conservent encore aujourd'hui le nom de chalans; et c'est sans doute de là qu'on appelait autrefois pains chalans les pains qui arrivaient à Paris par bateaux. Matthieu Paris (en 1328) donne à ces bateaux le nom de chalandrae.

1. Il s'agit ici du feu grégeois qui, comme on sait, s'allumait et se propageait au milieu des eaux. L'invention en fut apportée

DE VILLE-H A RDOIN. 87

La chevalerie de l'ost, erraument qu'ele ot oï le cri, si s'armèrent tuit;et issirent les batailles as champs, chascun en droit soi, si com elle ère ordenée; et doutèrent que li Grieu ne les venissent assaillir par devers les champs. Ensi soffrirent cel travail et celle angoisse tres-que al cler jor ; mais par l'aie de Dieu ne perdirent noiant les nos , fors que une nef de Pisans qui ère plaine de marcheandise; icele si fu arse del feu. Mult orent esté en grant péril cele nuit que lor naviles ne fust ars, car il aussent tôt perdu, que il ne s'en pussent aller par terre ne par mer.

Et lors virent li Grieu qui ère issi mellé as Francs, qu'il n'y avoit mais point de la pais; si pristrent conseil privéement por lor seignor traïr. Il y avoit un Grieu qui ère mielx de lui que tuit li autre, et plus li avoit fait faire la mellée as Franz plus que nus. Cil Grieu avoit à nom Morchuflex I. Par le conseil et par le consentiment as autres, un soir, à la

aux Grecs par Callinicius , natif d'Héliopolis en Syrie , sous Basile Pogonat, et ils s'en servirent alors pour brûler tous les vaisseaux des Sarrazins vers Cyzique, en 678. Le roman de Loherans dit qu'on réteignait avec du sable, du vin ou du vinaigre;

Mès li sablons, et li vins, el l'ésil L'éust esteint , si s'en fust entremis.

1. 11 s'appelait Alexis Ducas, tirantson extraction de l'illustre famille de ce nom, qui avait possédé quelque temps l'empire de Constantinople, et était pour lors protovestiaire, ou grandmaître de la garde- robe de l'empereur. Il fut surnommé Murtzuphle à cause de l'épaisseur de ses sourcils.

raie nuit , que l'empereres Alexis dormoit en sa chambre, cil qui garder le dévoient, Morchufles mesmement et li autres qui avec lui estoient, le pristrent en son lit et le gittèrent en une chartre en prison , et Morchuflez chauça les hueses verraoilles 1 par l'aie et par le conseil des autres Grex ; si se fist empereor; après le coronèrent à Sainte Sophie. Or oïez si onques si orrible traïson fu faite par nule genz. Quant ce oï l'emperere Sursac , que ses fil fu pris et cil coronez, si ot grant paor et li prist une maladie; ne dura mie longuement; si raoru; et cil emperere Morchuflex si fist le fil que il avoit en prison deux foiz ou trois empoisoner; et ne plot à Dieu que il morust. Après alla; si l'estrangla en murtre; et quant il l'ot estranglé , si fist dire partot que ère rnorz de sa morz, et le fist ensepelir com empereor honorablement, et mètre en terre; et fist grant semblant que lui pesoit; mais murtres ne puet estre celez.

Clerement fu seu prochainement des Grieu et des François que li murtres ère faiz com vos avez

i. En France, la couleur rouge aux bottines était aussi autrefois la marque de la chevalerie. Dans les registres des hommages des nobles de Guyenne, en l'année 127^ (chambre des comptes de Paris, fol. 27) il est dit que Guillaume de Pomières, damoiseau, et ses co-seigncurs du château de Pomières doivent au duc de Guyenne un paon lorsqu'il vient au château de Rodoste, et que, si l'un d'eux est chevalier, il le doit servir à table cum caligis rubeis de scarleto et calcaribus deauratis , sine sotuleribus ; et que s'ils ne sont pas chevaliers, l'un d'eux le doit servir cum caligis a/bis de scarleto et calcaribus argentatis.

oï retraire. Lors pr'strent li barons de l'ost et li dux de Venise un parlement ; et si y furent li évesques et toz li clergiez, et cil qui avoient le commandement de i'apostoille; et mostrèrent as barons et as pèlerins que cil qui tel murtre faisoit, n'avoit droit en terre tenir1; et tuit cil qui estoient consentant estoient parçonier del murtres ; et oltre tôt ce, que il s'estoient sostraits de l'obédience deRome: « Porquoi nos vos disons, fait li clergiez, que la ba- « taille est droite et juste; et se vos avez droite en- « tention de conquerre la terre et mettre à l'obe- « dience de Rome , vos arez le pardon tel corn l'art postoille le vos a otroié, tuit cil qui confez y « morront. » Sachiez que ceste chose fu granz confors as barons et as pèlerins. Grant fu la guerre entre les Frans et les Grex ; car ele n'apaisa mie, ainz elle crut adès et efforça; et poi ère jors que on n'y assemblast ou par terre ou par mer.

Lors fist une chevauchie Henris le frère le conte Baudoin de Flandre ; et mena grant partie de la bone gent de l'ost. Avec lui alla Jaques d'Avesnes et Baldoins de Belveoir, Odes li Champenois de Chanlite, Guillelmes ses frères, et les gens de lor pais, et chevauchierent toute nuit; et lendemain , de halte bore, si vindrent aune bonne ville qui la

1. C'était une maxime reçué parmi les Français. (Voyez le vieux roman (l'Aie d'Avignon,

Roi qui fet traïson ne doit estre esgardé, Ne tenir le royaume, ne coronne porter.

Filée avoit nom, et la pristrent ; et firent grant gaieng de proies, de prisons, de robes, de viandes, qu'ils envoierent es barges à l'ost contreval le Braz , que la ville séoil sor la mer de Rassie. Ensi séjornèrent deux jors en cele ville, à mult grant plenté de viandes dont il en y avoit à grant plenté. Li tiers jorz s'en partirent à tôt lor proies et à toz lor gaiens, et chevauchièrent arrières vers l'ost. L'empereres Morchuflex oï dire les novelles que cil estoient issuz de l'ost; et partit par nuit de Constantinople à grant partie de sa gent ; et lors se mist en un agait où cil dévoient revenir; et les vit passer à totes lor proies et à toz lor gaains, et les batailles l'une après l'autre, tant que Tarrière-garde vint. L'arrière faisoit Henris, le frère le comte Baudoin de Flandres, et la soe gent; et l'empereres Morchuflex lor corrut sore à l'entrée d'un bois, et cil tornent encontre lui; si assemblèrent mult durement. À l'aie de Dieu fu desconfis l'empereor Morchuflex; et dut estre pris ses chars d'armes; et perdit son gonfanon impérial, et une ancone qu'il faisoit porter devant lui, où il se fioit mult il et li autre Grieu. En cele ancone ère Nostre Dame formée; et pardit bien trosque à vingt chevalier de la meillor gent que il avoit. Ensi fu desconfis l'empereres Morchuflex com vos avez oï; et fu grant la guerre entre lui et les Francs; et fu jà de l'iver grant partie passé, et entor la Candelor fu, et approcha le Quaresme I.