De l'année

DE V1LLE-HAKDOIN. 9I

Or vos lairons de cels qui devant Constantinople furent; si parlerons de cels qui alèrent as autres porz, et de le estoire de Flandres qui avoit l'iver devant sejorné à Marseille , et furent passé en l'esté en la terre de Surie tuit ; et furent si granz genz que il estoient assez plus que cil qui estoient devant Constantinople. Or oïez quex domages fu , quant il ne furent avec cele oste , qu'à toz jorzmais fust la chrestientez alcie ! Mais Diex nel volt por lor péchiez ; li un furent mort de l'enfermeté de la terre ; li autres tornèrent en lor pais arrière, ne onquesnul esploit ne firent, ne nul bien, là où il alèrent en la terre. Et une compagnie de mult bonne gent s'esmut por râler en Antioche al prince Buimont, qui ère prince d'Antioche et cuens de Triple , et avoit guerre al roi Lion, qui ère sires des Hermins 1 ; et cele compagnie aloit al priuce en soldées ; et li Tur del pais le sorent , et lor firent un agait par là où il dévoient passer , et vindrent à els. Si se combattirent et furent desconfit li Franc, que onques nus n'escapa qui ne fust ou morz ou priz. Là si fut morz Villains de Nuilli, qui ert uns des bons chevaliers del munde , et Giles de Traisignies , et maint autre ; et fu pris Bernarz de Monmoroel, et Renaus de Dampierre , et Johans de Vilers, et Guillelmes de Nuilli, qui colpes n'y avoit.

i. Livon, roi d'Arménie. Dans une lettre ( Epîtres d'Innocent III) il prend ce titre : Léo, per Dei et romani imperiigratiam, rex omnium Armeniorum.

Et sachiez que de quatre-vingts chevaliers que il avoit en la rote , onques n'en remaint uns qu'il ne fussent ou morz ou pris. Et bien tesmoigne li livres vraiement que onques uns n'eschiva l'ost de Venise, que mal ou honte ne lor venist ; et por ce, si fait que sage , qui se tient devers le mielx.

Or vos lairons de cels , si parlerons de cels qui devant Constantinople remestrent , qui mult bien firent lor engins atorner, et lor perrières et les mangonials drecier par les nés et par les vissiers , et toz engins qui ont mestier à ville prendre , et les eschielles des antaines drecier sur le haut des mas des nés, qui estoient si haltes que n'ère se merveille non. Et quant ce virent li Grieu , si recomencièrent la ville à rehorder endroit als, qui mult ère fermé de hait murs et de haltes torz ; ne n'y avoit si halte tor où il ne feissent deux estages ou trois de fust por plus halcier ; ne onques nule ville ne fu si bien hordée. Ensi laborèrent d'une part et d'autre li Grieu et li Franc grant partie del Quaresme. Lors parlèrent cil de l'ost ensemble et pristrent conseil comment il se contendroient. Assez y ot parlé et avant et arrière ; mais la summe del conseil fut tel , que , si Diex donoit qu'il entrassent en la ville à force , que toz li gaains qui y seroit fait, seroit apportez ensemble et départis communelment, si com il devroit; et se il estoient poestez de la cité , six homes seroient de François et six de Venisiens; et cil jureroient sor sains que il esliroient à empereor celui cui il cuideroient que fust plus à profit de la terre; et cil qui emperercs

DE VILLE-HA RDOIN. g3

seroit par l'eslections de cels , si aroit le quart de tote la conqueste et dedenz la cité et deforz, et aroit le palais de Bouchelion et celui de Blaquerne 1 ; et les trois pars seroient parties parmi la moitié as Venisiens et la moitié à cels de l'ost. Et lors seroient pris douze des plus sages de l'ost des pèlerins et douze des Venisiens, et cil departiroient les fiez et les honors por les homes, et deviseroient quel servise il en feroient à lempereor. Ensi fu ceste convenance asseurée et jurée d'une part et d'autre des François et des Venisiens, qu'à l'issue de mars en un an s'en porroit aller qui voldroît; et cil qui demoreroient en la terre seroient tenu de servise à lempereor, tel corn ordené seroit. Ensi fu faite la convenance et asseurée, et escomunié tuit cil qui ne la tendroient.

Mult fu bien li naviles atornez et hordez, et recueillies les viandes totes as pèlerins. Joesdi après Mi-Quaresme 2 entrèrent tuit ès nés et traistrentles chevaus ès vissiers; et chascune bataille si ot son navile par soi; et furent tuit coste à coste arrangiés; et furent départies les nés d'entre les galies et les vissiers, et fu grant mervoille à regarder; et bien tesmoigne li livres que bien duroit demi-lieue françoise liassals, si cum il ère ordenez. Et le vendredi matin si traistrent les nés et les galies et les

1. Les conventions arrêtées alors entre les Français et les Vénitiens sont du mois de mars 1204. Voyez Appendice.