avril

autres vaissials vers La ville, si com ordené ère, et comance li assals mult fors et mult durs. En mains leus descendirent à terre étalèrent trosque as murs; et en main leus refurent les eschieles des nés si approchies, que cil des tors et des murs et cil des eschieles s'entreféroient des glaives demantenant. Ensi dura cel assals mult durs et mult fors et mult fiers trosque vers hore de none en plus de cent leus; mais par nos péchiez furent li pèlerins ressorti de l'assaut; et cil qui estoient descendu à terre des galies et des vissiers furent remis enz à force. Et bien sachiez que plus pardirent cil de l'ost cel jor que li Grieu, et furent li Grieu resbaudi. Tels y ot qui se traistrent arrière de l'assault, et les vassials en quoi ils estoient; et tels y ot qui remistrent à ancre si près de la ville, que il gettoient à perrieres et à mangonials li uns as autres.

Lors pristrent à la vesprée un parlement cil de l'ost et li dux de Venise , et assemblèrent en une yglise d'autre part de cele part où il avoient esté logié. Là ot maint conseil doné et pris; et furent mult esmaié cil de l'ost por ce que il lor fu le jor devant mescheu. Assez y ot de cels qui loèrent que on alast d'autre part de la ville , de cele part où ele n'ère mie si hordée ; et li Venisien, qui plus savoient de la mer, distrent que ; se il y aloient , li corrans de l'aiguë les enmeneroit contreval le Braz ; si ne porroient lor vaissiaus arrester. Et sachiez que il avoit de cels qui volsissent que li corrans les enmenast les vaissials contreval le Braz, ou li venz;à cels ne chausist, mais qu'ils partissent de la terre et

DE VILLJï-H A.RDOIN. g5'

alassent en voie ; et mult n ère mie mervoille, que mult èrent en grand péril. Assez y ot parlé et avant et arrière; mais la somme del conseil si fu telx : que il ratorneroient lorafaire lendemain, quisemadière, et le dimanche tote jor, et le lundi iroient à l'assaut; et Ioieroient les nés où les eschieles estoient, deux à deux. Ensi assauroient deux nés à une tor, porce qu'il orent veu que à cel jor n'avoit assailli que une nés à une tor, si estoit trop grevée chascune par soi, porce que cil de la tor estoient plus que cil des eschieles ; et por ce si fu bon porpensement que plus greveroient deux eschieles à une tor que une. Ensi com il fu devisé, si fu fait; et ensi attendirent le semadi et dimanche.

L'empereres Morchufles s'ère venus herbergier devant l'assaut à une place à tôt son pooir, et ot tendues ses vermeilles tentes. Ensi dura cil afaires trosque à lundi matin; et lors furent arivé cil des nés et des vissiers et cil des galies; et cil de la ville les doutèrent plus que il ne firent à premières; si furent si esbaudi , que sor les murs et sor les tors ne paroient se genz non ; et lors comença li assaus fiers et merveilleus, et chascuns vaissiaus assailloit endroit lui. Li huz de la noise fu si granz , que il sembla que terre fondist. Ensi dura li assals longuement, tant que NostreSire lor fist lever un vent que on appelle Boire (Borée) ; et bota les nés et les vaissiaus sor la rive plus qu'il n'estoient devant, et deux nés qui estoient loiées ensemble, dont l'une avoit nom la Pèlerine et li autre li Paradis, apro-

chièrent à la tor Tune d'une part et l'autre d'autre, si corn Diex et li venz les mena, que l'eschiele de la Pèlerine se joinst à la tor; et maintenant un Venisien et un chevalier de France qui avoit nom André d'Urboise , entrèrent en la tor, et autres genz comencent à entrer après als; et cil de la tor se desconfisent et s'en vont.

Quant ce virent li chevalier qui estoient ès vissiers, s'en issent à la terre et drecent eschiele à plain del mur, et montent contremont le mur par force, et conquistrent bien quatre des tors; et il comencent à assallir des nés et des vissiers et des galies, qui ainz ainz, qui mielz mielz; et dépècent bien trois des portes et entrent enz; et comencent à monter; et chevauchent droit à l'herberge l'empereor Morchuflex; et il avoit ses batailles rangies devant ses tentes. Et com il virent venir les chevaliers à cheval , si se desconfissent ; et s'en va l'empereres fuiant par les rues al chastel de JBoukelion. Lors veissiez Griffons abatre , et chevaus gaaigner, et palefroi, muls et mules et autres avoirs. Là ot tant des mors et des navrez qu'il n'en ère ne fins ne mesure. Grant partie des halz homes de Grèce guenchirent vers la porte de Blaquerne ; et vespres y ère jà bas; et furent cil de l'ost lassé de la bataille et de l'ocision ; et si comencent à assembler en une place granz qui estoit dedenz Constantinople; et pristrent conseil que il se herbergeroient près des murs et des tors que il avoient conquises , que il ne cuidoient mie que il eussent la ville vaincue en

DE VTLLE-HARDOIJN'. y]

un mois, les forz yglises ne les forz palais, et le pueple qui ère dedenz. Ensi com il fu devisé, si fu fait.

Ensi se herbergierent devant les murs et devant les tors près de lor vaissials. Li cuens Baudoins de Flandres se herberja ès vermeilles tentes l'empereor Morchuflex qu'il avoit laissies tendues, et Henris ses frères devant le palais de Blaquerne; Boniface li marchis de Montferrat, il et la soe gent, devers l'espès de la ville. Ensi fu l'oz herbergié com vos avez oi, et Constantinople prise le lundi de Pasque florie1. Et li cuens Loeys de Blois et de Chartein avoit langui tôt Fiver d'une fièvre quartaine, et ne se pot armer. Sachiez que mult ère grant domages à cels de l'ost, que mult il estoit bon chevalier de cors, et gizoit en un vissiers. Ensi se reposèrent cil de l'ost cele nuit , qui mult èrent lassé. Mais Pempereres Morchuflex ne reposa mie, ainz assembla totes ses genz; et dist que il iroit les Frans assaillir; mais il nel' fist mie com il dist , ainz chevaucha vers autres rues plus loing qu'il pot de cels de l'ost, et vint à une porte que on appelle Porte Oirce2;

i C'est-à-dire, le lundi 12 avril 1204, avant le dimanche di s Rameaux , et non après.

2. La porte Dorée. Sur cette porte, qui, depuis deux cents ans, n'avait pas été ouverte, était une inscription ainsi conçue :

QlJANDO VENJET 1\EX FLAVUS OcCIDENTALIS , EGO PEU MtlPS VM

aperiar. On ne manqua pas d'en faire l'application à cet événenoent, qui fut regardé comme l'accomplissement de la prophétie. Elle ne paraît pas avoir été faite après coup, puisque

ChROKXQ., t. lit. VlLf..-HAKI>. 7

CjO CHRONIQUE

par enqui fui et guerpi la cité, et après lui s'enfui qui fuir en pot ; et de tôt ce ne sorent noient cil de l'ost.

En <5ele nuit, devers la herberge Boniface limarchis de Montferrat, ne sai quel genz, qui cremoient les Grex qui n'es assaillissent, mistrent le feu entr'aus et les Grex; et la ville comence à esprendre et à alumer mult durement; et ardit tote cele nuit et lendemain trosque al vespre; et fu li tiers feu en Constantinople desque li François vindrent el pais; et plus ot ars maisons qu'il n'ait ès trois plus granz cités del roialme de France. Celle nuit trespassa; et vint li jors, qui fu al mardi maitin; et lors s'armèrent tuit par l'ost, et chevalier et serjant, et traist chascun à sa bataille; et issirent des herberges, et cuiderent plus grant bataille trover que il n'avoient fait, qu'il nesavoient mot que l'empereres s'en fust fui. Ce jor si ne troverent onques qui fu encontre als.

Li marchis Bonifaces de Montferrat chevaucha tote la marine droit vers Bokedelion ; et quant il vint là , se li fu rendu , salves les vies à cels qui dedenz estoient. Là fu trové li plus des haltes dames del monde qui estoient fuies el chastel; que làfu trovée la suer le roi de France, qui avoit esté empererix1,

Raoul de Diceto, historien anglais, qui la rapporte pag. 642, sous l'année 11 89, était mort avant 1200, à moins qu'on ne dise que e'est une interpolation faite à son Histoire.