An i2o

2. Les Cumains, ou Comans, habitaient les bords de la mer Caspienne. Ceux dont il est question ici s'étaient fixés en Moldavie, sur les bords du Danube. Nicétas donne aux Comans le nom générique de Scythes.

DE VJLLE-HARDOIN. f 39

Por la destrece de la viande, al la forre H cuens Loeis de Blois et de Chartain le jor de la Pasque florie : avec lui ala Estenes del Perche , le frère le conte del Perche, et Renaut de Monmirail, qui ère frère le conte Hues de Nevers, et Gervaise del chastel, et plus de la moitié de tote l'ost. Si alèrent à un chastel que on apelle Pentaces1, et le troverent mult bien garniz de Grex, et y assaillirent mult grant assalt et mult fort. Ne ni porent rien faire ? ainz s'en revindrent arriéres sans nule conqueste. Ensi furent la semaine des deux Pasques; et fisent engins chapuisier de mainte manière, et mistrent mineors qu'il avoient par desor terre, por le mur trenchier. Et ensi fisent la Pasque devant Andrenople à pou de gent et à pou de viande.

Lors vint novelle que Johans li rois de Blakie, venoit sor als por secorre la vile. Si ordenèrent lor afaire;et fu devisé que Joffrois li mareschaus , et Manessiers de l'Isle garderoient l'ost : et l'empereur Baudoins et tuit li autres istroient fors, se Johannis venoit à bataille. Ensi demorèrent trosque al maicresdi des foiriez de Pasques; et Johannis fu jà si aprochiez, qu'il fo logiez bien à cinq lieue d'als , et envoia corre devant lor ost ses Comains ; et li criz liève en l'ost , et s'en issent à desroi , et chacierent les Comains une mult bone lieue mult

i. Il est question ici d'une ville située près d'Andrinoplc , et nommée Ileu-rÇa par Anne Commène ( Al. , p. 278 et 279). Nicétas (Alex., L. 9), la nomme Toi IUuxu*, et dit qu'elle était audessus de Chalcédoine.

l4° CHRONIQUE

folement. Et quant il s'en voldrent venir, li Comain comencièrent à traire sor als mult durement : si lor navrèrent de lor chevaus assez. Ensi s'en revindrent en l'ost, et furent mandé l'empereor Baudoin , et pristrent conseil , et distrent que mult avoient fait grant folie, qu'il avoient tant chacié tel gent qui estoient si ligierement armé.

La somme del conseil fu tels, que se Johannis venoit mais* que il istroient fors , et se rengeroient devant lor ost, et que enqui l'atendroient, et que d'enqui ne se mouveroient;et yfisent crier par tote l'ost, que nus ne fust si hardiz qu'il passast cel ordenement por cri ne por noise que il oïst. Et fu devisé que Joffrois li mareschaus garderoit devers la cité, et Manassiers de l'Isle. Ensi trespassèrent cele nuit trosque al joesdi matin des foiries de Pasques; et oïrent la messe, et mengierent al disner; et li Comain corrent trosque al lors paveillons : et li criez liève, et il corent as armes, et s'en issent de l'ost totes lor batailles ordenées, si com il avoient devisé devant.

Li cuens Loeys s'en issi des premiers à la soe bataille. Et comence li Comains à porsevre ;-et mande à l'empereor Baudoin que il le porseust. Halas ! com malement il tihdrent ce que il avoient devant devisé le soir, que ensi poursuirent les Comains bien près de deux lieues loing, et assemblèrent à als et les chassent grant pièce. Et li Comain recueroient sor als, et comencièrent à huer et à traire. Et il orent bataille d'autre gent que de chevalier qui ne savoient mie assez d'armes. Si se comencent à effréer et à

DE VILLE-HARDOIN. l^l

desconfire ; et li cuens Loeis qui fu assemblez premiers, fu navré en deus leus mult durement; et Ji cuens ot esté chus, et un suen chevalier, qui otnon Johan de Friaise, fu descenduz, si le mist sur son cheval. Assez fu de la gent li cuens Loeys qui li distrent : « Sire, alez voz en , quar trop malement « navrez estes en deux leus. « Et il dist : « Ne plaise « dam le Dieu que jamès me soit reprové que je « fuie de camp , et laisse l'empereor. »

L'empereor qui mult ère chargiez en droit lui , rapeloit sa gent ; si lor disoit que il ne fuiroit jà , et qu'il ne le laissent mie : et bien tesmoingnent cil qui là furent, que onques mes cors de chevaliers mielz ne se defendi de lui. Ensi dura cil estors longuement. Tels y ot qui bien le firent, et tels y ot qui le guerpirent. A la parfin,sicumDiexsueffre les mésaventures, si furent desconfit. Iqui remest ei champ l'empereor Baudoin qui onques ne volt fuir, et li cuens Loeys : l'empereor Baudoin fut pris vifs1, et li cuens Loeys fu ocis.

Là fu perduz li évesques Pierre de Bethléem, et Estenes del Perche , li frère le conte Joffroi , et Renaut de Mommirail, le frère le conte de Nevers, et Mahius de Vaslencort , et Robert de Ronçoi , Johans de Friaise, Gautiers de Nuilli, Theris de Aire, Johan ses frères, Eustaices de Chaumont, Johans ses frères, Baudoins de Nuevile , et mult des autres, dont li livres ne parole mie ci. Et li autre qui po-

i. Nicétas ajoute qu'il fut conduit en Mysie , et de là à Ternovo, où il fut mis en prison et chargé de chaînes.

ifa CHRONIQUE

rent scanper, s'en vindrent fuiant à l'ost. Et quant ce vist Joffrois, Il mareschaus de Champaigne, qui gardoit devant unes des portes de la cité, si s'en issit plutost que il pot à la gent que il ot : et manda Manassiers de l'Isle , qui gardoit l'autre porte, que il le suyst isnellement. Et chevaucha à tote sa bataille encontre les fuiant grant alehure ; et li fuiant se recueillirent tuit à lui; et Manassiers de l'Isle qui vint au plus tôt que il pot à la soe gent, si se joint à lui : et lors orent plus grant bataille; et tuit cil qui vindrent en la chace, qu'il porent retenir, si les mistrent en lor bataille. Et ceste chace si fu entre noue et vespres ensinques retenue.

Li plusor furent si effrée, que il fuient par devant als trosque enz ès paveillons et enz ès hostiels. Et ensi cele chace fu recovrée com vos avez oï. Et li Commain s'arrestèrent, et li Blac et li Grieu qui chaçoient : et hardièrent à cele bataille as ars et as sagettes ; et cil de la bataille se tindrent quoi devers als. Ensi furent trosque à vespres bas . et li Comain et li Blac se recommencièrent à retraire.

Lors manda Joffroi de Ville-Hardoin , le mareschal de Champaigne et de Romenie, le duc de Venise en l'ost, qui vieils hom ère et ne véoit gote , maismult ère sages et preusetvigueros; et lui manda que il venist à lui en sa bataille , où il se tenoit el camp, et il si fist. Et quant li mareschaus le vit , si l'apelle à conseil d'une part tôt seul, et si li dist: « Sire, vosvéez la mésaventure qui nos est avenue: « perdu avons l'empereor Baudoins et le conte Loeis,

DE VILLE-HARDOIN. j/j3

« et lo plus de nostre gent, et de la meillor. Or pence sons del remanant garir,que seDieu n'en prent pice tiez, nos sommes perdu.» Ensi fu la fins de lor conseil que s'en riront en l'ost, et conforteront la gent ; et chascuns fust armez de ses armes, et se tenist coi en sa herberge et en son paveillons. Et Joffroi li mareschausremandroit en sa bataille, et de fors l'ost tuitordené, tant que il seroit nuit; si se moveront devant la vile. Li duc de Venise s'en iroit devant, et Joffrois li mareschaus feroit l'arrière-garde , et cil qui avec lui estoient. Ensi que attendirent trosque à la nuit. Et quant il fu nuiz , li dux de Venise se parti de J'ost , si com devisé ère ; et Joffrois li mareschaus fist l'arriére garde; et s'en partirent le petit pas, et emmenèrent totes lor gent à pié et à cheval , et navrez et altres , que onques ne laissièrent nulli. Et chevauchièrent vers une cité qui siet sor mer que l'on apele Rodestoch1, qui bien ère trois jornées loing de qui. Ensi se partirent com vos avez oï Ceste aventure si avint en l'an de l'incarnation Jesus- Christ mil deux cens cinq ans2. Et cele nuit que l'ost se parti d'Andrenople , il y en ot qui alèrent plus droit et plus tost , dont il en recorrent grant blasme. En cele compaignie fu un cuens de Lombardie, qui avoit nom li cuens CrasJ, de la terre