L'HISTOIRE DE VILLE-H ARDOIN
C'EST DE HENRI , LE FRERE l'eMPEREOUR BAUDUIN , COMMENT IL FU ERÎPEREOUR DE CONSTANTINOBLE APRÈS SON FRÈRE BAUDIJIN QUI DEMOURA DEVANT ANDRINOPLE.
H enri de Valencienes dist que , puisque li hom s'entremet de biel dire et de traitier , et il en est gracyés de tous discrés et autorisiés , bien se doit à cou travailler que il en sierche le vou de sa grâce par traitement de plaine vérité; et pour ce voelt-il dire et traitier chelle chose dont il ait garant et
t. Tiré du manuscrit 207 , supplément. , de la Bibliothèque royale.
tiesmoing de vérité, od les prudommes ki furent à la desconfiture de Henri l'empereour de Constantinople, et de Burile, et voet que li hounours que nostre sire fist à l'empereour illoec et à chiaus de l'empire, soit seue communaument; car Henris vit oël à oël tous les fais ki là furent, et sot tous les consaus des haus homes et des barons; si dist en son premerain commenchement : Quant nostre sires voit que li hom et la feme sont en péchié et il tournent à repentanche , et puis vont à lavement de confiession, plourant en vraie repentanhe de coer et soupirant , donkes esteut-il sour iaus la largheche de sa grâce et de sa majesté; et quant il voit k'il s'atournent à malisse en persévérant cascun jour plus et plus en lor mauvaise errour, dont en prent il si cruel venganche comme nous trouvons en la divine page de sainte escripture. Non pour quant, au juer, ne ou rire, ne ou solacyer ne çist mie tous li maus ; ne tous li biens ne regist mie d'autre part ou plourer, ne ou simple abyt porter, anchois se gist au ceur de chascun.Et Diex,ki set et voit apertement les reputailles des coers, rend à chascun sa déserte selonc le devin jugement. Mais pour cou que je ne voel mie que il à aucun tort ou anui soit de tant traitier sor mon prologue, est-il mestier que jou retourne à traitier ceste oevre , dont Diex me prest par son plaisir, sens, forche et discresion dou parfournir.
Il avint, chou dist Henris, à une Pentecouste,que li empereres estoit à séjour en Constantinoble , tant que nouvelles li vinrent que Cornai n estoient
entré en sa terre, et Blacois, et mult mau-menoient sa gent. Dont fist erraument li empereres semonre ses os ; et quant elles furent assamblées , il commanda que tout s'en ississent après lui , et il fisent son commandement. Puis fist tant li empereres que il vint à toute s'ost en un prés ki sont par delà Salembrie ; si commanda s'ost à logier , et tant atendi iloec que tout furent asamblé , poi s'en faloit. Adont se mut de Salembrie, et chevaucha li empereres tout adies avant contre Comans et Blas; et tout adies croissoit li os de jour en jour. Que vaut che ? Tant erra que il vint en uns prés par delà Andrenople. Et dont primes fut toute sa gent parvenue , si se logièrent. Lors prisent conseil que il iroient vers Blaque pour requerre la force et le aide d'un haut homme, qui avoit nom Esclas 1 , et estoit en guerre contre Burille qui ses cousins germains estoit, pour cou que cil Burille2 li avoit tolue sa terre en tràïson ; et s'il pooient avoir l'aide de celui, il envaïroient Burille seurement. Lors commanda li empereres que li os chevauchast, corne cil ki avoit mult grant désirier de trouver Burille son anemit ; car Johannis ses oncles li avoit ochis son frère l'emperour Bauduin , dont il fut moult très-grant domages à la gent de Flandres et de Heinau. Que vous diroie-je ? Li em-
1. Azan , roi des Bulgares après Borylas , ou son frèrç Alexandre, fils d'Azan Ier du nom.
