Il veut due Jérusalem

à eulx au plus tost qu'il peult; et prirent port ensemble à Duara ( Durazzo ) , et la ville leur fut rendue; et firent féance à Alexes, puis allèrent à Corfol ( Corfou ) en Romenie ; sy se logèrent en la ville qui moult estoit plantureuse , et y demoerèrent bien trois sepmaines ; et puis se partirent du port la vigille de Pentecouste, l'an mille deux cent et quatre; et la contesse de Flandres et de Haynau, qui estoit demourée encheinte, se délivra d'une fille qui eult à nom Margueritte ; et après qu'elle en fut relevée, elle fit appareiller son navée et s'en alla après son mari, et vint à Acre en tempore ( à temps ); et puis fit sçavoir sa venue au conte Bauduin son mary, qui estoit à Constantinoble.

Quand les messagers vinrent au conte Bauduin, ils lui dirent que la contesse sa femme estoit venue après lui pour faire le saint voyage comme elle avoit en volenté, qu'elle estoit en Acre; et en fut le conte Bauduin bien joyeulx. Et quant les messages revindrent à Acre vers la contesse , ils la trouvèrent trespassée, dont ils firent grant doel( deuil).

Cestuy Alexes, fils de l'empereur Kyr-Sac, estoit encachiet ( chassé ) de sa terre par ung sien oncle qui eult nom Alexes , lequel oncle print l'empereur Kyr-Sac de Constantinoble en une abbaye ou il estoit allé jouer, datez une cité qu on nomme Philippe, où saint Pol fist ses espitres. Et luy creva les yeulx; et toutesfois estoit-il son frère; et puis se fit couronner à empereur, et mist l'empereur Kir-Sac son frère en prison ; pour la quelle chose Alexes le josne n'osoit entrer en la terre.

EN DIALECTE ROUCHY. 28 1

Tant singlèrent les Venissiens et les pèlerins avoec le fils de l'empereur, qu'ils vindrent devant Constantinoble ; et quand ils furent arrivés ; ils mistrent par conseil Alexes, le fils de l'empereur, en une galye , et allèrent devant les murs de Constantinoble , et le montrèrent à ceulx de la cité qui estaient aux murs; et crioient ceulx qui avoec luy estoient : « Seigneurs, vecy votre droiturier Sei- « gneur! » mais nuls ne respondirent.

A lendemain, ordonnèrent nos gens leurs batailles pour prendre le pont contre ceulx qui le gardoîent, dont il y avoit grant plenté ( quantité ). Sy eur ent six batailles ; et fut entre eux ordonné que le conte Bauduin aroit la première bataille , Henry son frère la seconde , le conte Hue de Saint-Pol la tierche, le conte Loys de Blois la quarte, Mathieu de Montmorency la quinte, et y eult avec lui Othon de Canlite , Joffroy de Ville-Harduin, Milles de Braibant, Michiel de Saint-Minehault, Jehan Fromon, Guy de Capes, Clarembault son nepveu et Robert de Roussy ; la sixte bataille fut le marquis de Montferrant ; et les Venissiens estoient en l'eawe ( eau ) pour assaillir par là.

Et quand nos gens eurent prins terre, Alexes qui se faisoit empereur estoit logié aux champs; sy fit grant semblant de luy deffendre, car moult avoit de gens plus que les nostres n'estoient. Mais quand il vit nos gens approchier, lui et ses gens fuirent en la cité de Constantinoble; et nos gens y entrèrent et s'y logèrent.

Si assaillirent puis par maintes fois la cité et

eurent assez de rencontres et de sailyes où ils perdirent et gaingnèrent. Mais au darain, Alexes qui se faisoit empereur s'en uy ; et ceulx de la cité mistrent l'empereur Rir-Sac hors de prison et le vestirent de robe impérial; et firent savoir en l'ost à Alexes fils de l'empereur ceste chose. Et quant nos gens le sceurent, ils entrèrent tantost en la cité; et sans faille les Vénisiens prinrent à force par leurs nefs qu'ils joindirent aux murs pluseurs tours de la cité. Et dit-on que le confanon St-Marc fut en une «tour veu anchois (avant) qu'on peust sçavoir que nuls de nos gens entrassent en la cité. Et quand nos gens furent en la cité venus, l'empereur Ryr-Sac les rechut à grant joye ; et peu après s'assentirent que Alexes fils de l'empereur fut couronnez ; et quand il fut couronnez, il prit de nos gens et s'en alla reconquerre son pays. Si en veut si bien ce chief que quant il s'en retourna à Constantinoble il coeilla (conçut) si grant orgueul qu'il ne volt tenir les convenances qu'il avoit faites à nos gens. Si les commencha à tretter sy dur que en derrain nos gens luy mandèrent qu'il accomplisist les convenances qu'il leur avoit en couvent, ou ils querroient leur raison , et si se garst ( gardast ) d'eux ; mais il n'en veult rien faire. Sy n'eult puis nulle amour à eulx et commencha la guerre. De quoy ïls eurent maints puingnies ( combats) ensemble; mais toujours perdoient les Grecqz de Constantinoble plus que les pèlerins.

Et entre ces choses eult ung grecq qui avoit nom Morçuffle qui moult estoit privé de l'empereur

EN DIALECTE ROUCHY. ^83

Alexes et autres siens compaignons eurent conseil de le trayr. Si le prinrent (prirent) en son palais de Constantinoble et le mistrent en prison; puis menèrent Morçuffle à l'église St-Suplice et là le couronnèrent à empereur. Et quand l'empereur Kir-Sac le sceult il en eult grand doel et sy grant paour qu'une maladie le print, sy grande qu'il en morut. Et ne demeura gaires après que Morçuffle estrangla le josne empereur Alexes en la prison où il l'avoit mis, et fist dire qu'il estoit mort par maladie.

Il fist le corps enterrer honorablement comme à empereur appartient; mais le murde ne peult estre celez, ainz fut bien tou sceu des Grecqz et des Latins ; et adonc s'assamblèrent les pèlerins et les Vénisiens. Et les preslast de l'ost qui avoient le pooir du saint-père de Rome distrent aux barons et aux pèlerins que, s'ils avoient vraye intencion de conquerre la terre de Constantinoble pour mettre en la subjection de l'église et la foy de Rome, ils leur octroyoient le pardon d'oultremer tout entier, car celuy qui avoit son seigneur murdry n'avoit en la terre nul droit, et ceux qui le soutenoient et aidoient estoient excomeniés et hors de la compaignie de l'église nostre seigneur.

De ceste chose eurent les pèlerins moult grant joye; et distrent qu'ils entreprendroient volontiers la guerre. Et quand le quaresme fut entrez, les barons et les pèlerins appareillèrent leurs engiens et les dreschèrent, et ceulx de la cité se hourdèrent et ratournèrent leurs tours et leurs murs. Et

les barons parlèrent ensemble ; et fu devisez enu ^ eux que, s'ils pooient la cité prendre à force, trestout le gain et le butin seroit apporté avant, et départy en l'ost par commun conseil, et après prenderoit on six hommes des pèlerins et six des Vénissiens qu'ils juroient sur Saints qu'ils esliroient à leur escient le plus proufitable de l'ost, et qui milleur seroit pour gouverner la terre, et celuy seroit empereur de Constantinoble. Et adonc seroient prins douze hommes de l'ost et douze des Vénissiens qui départiroient les fiefs et les rentes, et diviseroient quel service chascun debvroit à l'empereur.

Geste chose fut jurée de tous, et sy escomenièrent les prélats tous ceulx qui contre ceste devise seroient. Et quant vint le merquedy après la myquaresme , les Vénissiens et les pèlerins entrèrent es nefs, et s'appareillèrent d'assaillir au costé devers l'eawe (eau), et avoit bien le front de l'assaut demy lieue franchoise.

x^ssez y eult trait et lanchiet, et des morts et des navrés d'une part et d'aultre; et ainsi dura cel assault tout ung jour, et au vespre se retrayrent arrière. L'empereur Morçuffle avoit ses merveilles tentes fait tendre en une place vers l'assault par devers la ville. Si estoit là herbergiez à tout son pooir. Et le lundi après recommencha l'assault moult fier, moult grant, et moult fort périlleus, et dura longuement. En la fin leva ung grand vent qui bouta les nefs plus près des murs. Adonc dreschèrent les eschelles chascun en droit soy, et commen-

EU DIALECTE ROUCHY. a85

chèrent à monter ans murs, et les premiers qui entrèrent dedens che furent ung Venissien et ung chevalier du conte de Flandres qui avoit nom Andrieu de Durboise ; si prindrent une tour, et ceulx qui la gardoient si desconfirent et laissèrent les murs.

Adonc commenchèrent les pèlerins à monter par les eschelles victorieusement aux murs. Si gaingnèrent quatre tours. Et les Vénissiens qui estoient ès nefs sallirent hors et despiéchèrent les portes qui estoient endroit euix. Et aclonc firent les pèlerins tirer hors les chevaulx des nefs, et montèrent les chevaliers et chevaucheurs, et entrèrent en la ville et s'adreschèrent vers l'empereur Morçuffle qui avoit ses batailles ordonnées devant ses tentes, et faisoit grant semblant d'attendre les pèlerins; mais quand il les vid approchier, il tourna le dos, et les siens ossy, et s'enfuit au pallais de Bouckolyon.

Les barons allèrent jusques aux tentes; si eurent conseil qu'ils n'eslongeroient point les murs. Sy se logea le comte Baudouin de Flandres et de Haynault ès tentes de l'empereur Morçuffle , et Henry, son frère, devant le pallais de Blakerne, et le marquis de Montferrant et les Vénissiens devant la ville. Le conte Bauduin de Blois n'y estoit pas , car il avoit grande espasse languy d'une quais taine (fièvre quarte.)

Et quant l'empereur Morçuffle fut à Bouckolion, il ralia ses gens et dit qu'il yroit assaillir lee pèlerins ; mais il entra en une aultre rue , et s'en alla à la porte qu'on nomme Porte Oire, et par là s'en

fuy; et après luy fuirent ceulx qui fuir peurent.

Les barons qui de ce ne sçavoient rien se reposèrent cele nuit, fors tant qu'ils se firent eschaugaitier ( faire le guet); et au matin s'appareillèrent les pèlerins, atrait chacun à sa bataille, comme ceux qui cuidoient avoir assez à faire. Ils chevauchèrent parmy les rues, mais ils ne trouvèrent qui contre eulx fust, ains leur dist-on que l'empereur Morçuffle et ses aidans s'en estoient fuys. Si prindrent nos gens très-grans richesses. Chascun print ostel à sa volenté , car assez en y avoit.

Si se reposèrent jusques à la Pasques en grant joye, loant Nostre -Seigneur par quele ayde ils avoient sy grant besongne achevée; car ils n'avoient point plus de vingt mille hommes à armes, et sy avoient pris une des plus fortes villes du monde et des mieulx fermées contre plus de quatre cent mille hommes armés.

Après la Pasque , fu commandé que chascun apportast avant le gaing qn'il avoit fait; mais bien puet-estre que tous ne le firent mye. Toutes fois en eurent les pèlerins en leur part bien la vaileur de six cent mille bons ducats d'or; et dix mille chevaucheurs qui d'entour les pays tant Allemans , Hongrois , Rodiens , Chipriens , Sésiiliens , Pouillois, Galabroiset plusieurs Napolitains en eurent autant que les aultres, pour ce qu'aidiet et servîtes avoient. Et quand le gaing fut départy, les barons s'assemblèrent et nommèrent les douze qui deb« voient eslire l'empereur ; et ces douze, après moult de parolles et consultations, nommèrent de corn-

EN DIALECTE ROUC1FÏ. 287

mun accord le conte Bauduin de Haynau et de Flandres empereur. Sy en fist-on grant joye parmy l'ost, car moult s'estoit bien maintenut en celle guerre.