LIVRE QUATRIEME

l'enfant à une nourrice , se paissoit entierement de pleurs et gemissemens. Les sages femmes ayant emmaillotté la defunte , la remirent au cercueil. Cependant le mari commanda à ses seruiteurs qu'ils allumassent force luminaires , et en tel estat la fit porter en l'eglise du village où ils étoient. Le cercueil étant disposé en ladite eglise auec abondance de cierges allumez autour du corps, et que les femmes du village, comme elles ont de coustume en ces quartiers là, venoient à la poursuite funeraille , le mari non encor immemoratif de son deuil s'approcha de la biere , et pitoyablement lamentant et iettant beaucoup de hauts soupirs , vint à prononcer tels mots : O mon Dieu , pitoyable plasmateur de tous les mortels, qui a dit , lorsque tu formais Adam , qu'ils debuoient retourner en terre ! s'il me fut été loisible de pouuoir inhumer ceste femme que l'aymois tant entre mes parens defunts en la terre de ma nattuité, pour le moins r'eusse peu espandre une fois toutes larmes et douleurs que ie conçoy en mon triste cœur, en contemplant tous les iours son sepulchre: et certes ceste douleur seroit un rafraichissement de mon ame. O tres pitoyable matrone , o noble Élisabeth ! o que subitement tu as presté l'oreille à mes petitions ! o , dis ie , tres heureuse, qui en me donnant lignée as meslangé aussy à mes ioyes une extresme tristesse. Que me profitera lignée, si par la perte de mon espouse, i’auois la tristesse compagne tout le reste de ma vie! Hélas! pourquoi n'as tu aboly mon enfant, quant et la mere , afin que d'un double deuil , ie puisse mieux haster mes miserables iours et m'adioindre à leur sepulchre! Que me profitera le viure, quand ie me sçauray destitué d'une compagne tant desirée ct agreable. Quelles graces te rendray ie, o tres pitoyable Elisabeth, veu que premier que r'eusse eu lignée , 1e viuois heureusement , et maintenant par la perte de mon espouse

tu m'as comblé d'une perpetuelle affliction Quelles louanges de tes. vertus pourray ie annoncer à mon pays ? J'ai voné à te presenter.

la mere auec l’enfant : ce que ie t'ay promis, le le feray. Mais quelle communauté pourroit être de la ioye auec le pleurer? Je sçay que ie feray ioÿe auec pleurs, car ie te laisseray l'enfant vif auec Ja mere morte , et moy seul , comme une tourterelle ayant perdu sa parie, ie m'en retourneray à mon propre domaine. Et en tel estat ie meneray mes cheueux gris aux lieux tenebreux de là bas. Par telle complainte il eemouuoit-uu chacun à pleurer. Et comme la my nuit

fut passée, le pauure homme se retirant, fut surpris du sommeil pour être tant las du chemin. Ceux aussy qui étoient autour du cercueil le voyant dormir, commencerent à sommeiller. Êt comme ils eussent dormy environ une demi heure, la femme qu étoit étendue morte en la biere subitement commença à s'escrier d'une petite voix , disant : Bon Dieu, qu'est ce? pourquoy suis ie ainsy liée? pourquoy suis ie enueloppée de ces linges tant estroitement ? Parmi ces propos , son mari, qui par sa douleur ne pouuoit dormir d'un profond sommeil , l’entendit parler, et cognut à la voix que c'éloit sa femme, laquelle 1l auoit ouye souuentes fois; par quoy se : Jeuant d'un sursaut , esueilla tous les autres qui là entour dormoient, et luy s'approchant hastiuement de la biere , sentit que sa femme se mouuoit et ne pouuoit se denouer , car elle étoit enveloppée de drap pour être ainsy inhumée. Il luy demande ce qu'elle vouloit ? Elle respond qu'elle vouloit être deliée, pour ce qu'elle s'estonnoit de se trouuer ainsy emmaillottée , ne sçachant comme la chose auoit allée. Quelques femmes la voyant ainsy reuiure, s’enfuyoient, estimant être un fantosme: les autres, de meilleur iugement, s'approcherent , et la desliant, l'assirent sur la biere ; elle commença à demander où’elle étoit et ce qui luy étoit auenu. Cependant son mani d'estonnement étoit raui en extase, et renenu qu'il fut à luy, voyant sa femme assizesur la biere, commençaäpleurer abondamment, et l'embrassant ne pounuoit parler à force de ioye. La femme luy demandoit d’où luy procedoit de pleurer ainsy. Une bonne matrone qui sembloit plus excellente que les autres, luy discourut entierement de tout ce qui luy étoit auenu. Elle entendant que l'enfant auoit été tiré de son ventre, sentit ses flancs et trouua la playe qu'on luy auoit faite, et maniant partout son ventre n'y sentit rien auoir qu'elle eut conceu ; et comme elle s’enqueroit que l'on auoit fait de l'enfant , subitement la nourrice , qui étoit presente, luy mit en son gyron ; elle voyoit l'enfant qu’elle tenoit plustost entre ses bras qu'elle ne l'auoit enfanté , le baisoit mille fois, et se leuant de la biere le donna à sa nourrice pour le tenir, et elle s'habilla des plus sumptueux habillemens qu'elle auoit apporté quant à elle, et appellant son mari et prenant son enfant en ses mains , s'en allerent à petit pas où la tres pitoyable matrone reposoit en corps, suiuis d'une bonne troupe d'hommes et femmes. Et entrant à l'eglise , se presenta auec sa portée à Ste Elisabeth. Elle donc et son mari

I PT Re SU de 0 ee A OU Ua do GA. à PU À à … . «4 Ê

presenterent beaucoup de dons à ladite eglise, puis rendant graces à Dieu et à Ste Elisabeth. s'en retournerent en leur domaine auec autant de ioye que l'on peut presumer en telle maniere. Ce bon seigneur iouyt de l’heritier tant desiré et recouura sa femme defunte , auec laquelle il vesquit beaucoup de iours ioyeusement.

* De deux demoniacles qui se debattoient en l'eglise de Ste Elisabeth.