LIVRE QUATRIEME
lesquels des leur commencement furent beaucoup authentiques et prisez du monde. Mais en après. inclinant peu à peu de leur proposé, auec succession de temps , ont semblé deschoir aucunement de leur estat, comme en diuerses façons il a été clairement apparu par leurs faits et principalement en un debat auenu et esmeu de nouueau à Paris. Duquel nous tascherons à en discourir quelque peu en ceste opuscule. Il adumt donc qu'une dangereuse querelle [1256] surgit entre les Freres Prescheurs , de nouucau instituez , et entre les éscoliers residans de bonne antiquité à Paris , pour quelques definitions de leurs questions et approbations de leurs maistres lecteurs ; car les Freres Prescheurs disoient que les definitions des questions se deuoient par eux proposer , d'autant que la doctrine principale florissoit aux personnages de leur ordre , et que la dignité de prescher leur étoit confcrée par l'authorité de definir. Les escoliers au contraire affirmoient que d'ancienneté ils auoient eu des maistres et definiteurs , qui auoient été recteurs des escoles et des escoliers. Et encor est il approuué que le pape , leur escriuant , les appelle recteurs des escoles, et qu’à l'ordre des Freres Prescheurs n’est aucune charge commise , sinon qu'ils insistent et vacquent plus : diligemment à leur predication et au salut des ames. Mais comme quelque temps 1l fut debattu entre eux , et ne pouuant se pacifier, firent appel au pape. Or, les Freres Prescheurs composerent un hure des Euangiles , dans lequel on disoit être contenues aucunes choses contre k-foy. Mais les escoliers, ie ne sçay par quel art, procurerent tant qu'ils eurent copie dudit liure , duquel ils tirerent tous les points contraires à la foy, et les escriuirent les retenant auprès d’eux. Ils s’esleurent aussy un certain personnage prudentement discret, appellé Willaume*, qui sur tous autres étoit reputé grand philosophe. Iceluy cstably qu'il fut pour procureur, fut enuoyé en la cour de Rome par les escoliers ; étant venu auprès du pape , ils debattirent longuement de leur motif, et entre autres choses, maistre Willaume monstra au pape le liure que les Freres Prescheurs auoient composé, qui l'ayant veu et leu, le
* Guillaume de Saint-Amour, théologien fameux , qui publia alors un ouvrage
intitulé: Des Périls des derniers temps.
Aa
condamna aussytost . et commanda qu'il fut brulé, et imposa silence à mastre Willaume , pour ce que par son eloquence aucun ne luy pouuoit resister en parlant. Et de fait , ceste querelle n'auoit encor pris fin, quand les escoliers qui pour lors estudioient à Paris , s'en parürent tous. Et certes de ce temps mesme que les Freres Prescheurs commencoient à deteriorer, leur auint une infortune non moins dangereuse que la premiere ; car le Roy de France qui de l’autre an étoit retourné des parties d'outre mer, étoit tres familier auxdits Freres Prescheurs , et ainsy que iournellement iceluy pour être fort religieux frequentoit leur maison, ils penserent entre eux de le pouuoir attirer en leur religion. Et comme un certain iour ils deuisoient des Saintes Escritures et du Fils de Dieu, l’un d'iceux, qui sembloit être plus hardy que les autres , dit au Roy : Sire, ne voudriez vous pas bien tenir autant du Fils de Dieu entre vos mains tous les iours, que la Vierge Marie en tient aucunement en son gyron? Le Roy bien esmerueillé respondit: Qui est celuy qui le refuseroit ? Car 1l ignoroit que l'autre parlast du Saint Sacrement du corps de Jesus Christ. Le Prescheur repliqua, disant: S'il vous plaist , ie vous en enseigneray le moyen , comme il vous sera loisible de le pouuoir faire. Il me plaist vrayment , dit le Roy. Le frere dit : N'entendez vous pas Nostre Seigneur en l'Euangile, qui dit : Si aucun à laissé son pere ou sa mere , ou sa femme, ou ses fils, ou ses possessions pour mon nom , il en receura cent fois autant , et possedera la vie etcrnelle. Je l'ay ouy, dit le Roy, et le sçay bien. Le frere dit: Sire, vous auez des fils heritiers et des freres qui gouuerneront bien votre royaume , aussy auez vous soustenu beaucoup de labeurs pour le nom de Dieu , et auez exposé votre vie aux dangers de mort. Et ainsy ne reste autre chose , sinon que vous laissiez toute chose , et que vous choisissiez nostre croix , c'est à dire, nostre habit, et ainsy de degré en degré vous serez promeu et auancé à l’estat sacerdotal , et serez dignement habile à receuoir le Fils de Dieu. Le Roy, à ces mots, discourant à part soy, se va proposer les tribulations de ce monde, les grands et infinis trauaux auec la sollicitude du royaume , et au contraire luy vient en memoire les belles promesses euangeliques et le sacrifice desirable et delectable du corps de Jesus Christ, et reuenu qu'il fut à luy, dit aux Freres Prescheurs : Si les choses que i'ay maintenant entendues sont vrayes ( comme de vray ie les estime et croy être
