LIVRE QUATRIEME

tres veritables ), ie m’ay proposé de donner lieu 4 vos conseils. Mais premier ie men iray le signifier à la Royne, afin que

d’icelle ie puisse mieux impetrer licence pour ce faire. Le Roy, venu qu'il fut au Louure, entra en la chambre de la Royne, et luy discourut entierement de ce qui s'auoit passé entre luy et les Freres Prescheurs , et comme il deliberoit de laisser à elle et ses enfans le gouuernement du royaume, et qu'il pretendoit à prendre l’habit de religion , au moyen de quoy 1l peut être prestre , et que pour iceux et pour l'estat du royaume, il ne cesseroit à implorer la grace et clemence de Dieu ; et par telle raison, dit il, ie vous demande licence de pouuoir mettre fin à ma deliberation. La Royne, merueilleusement estonnée , ne luy respondit rien. Mais subitement elle enuoya querir le comte d'Anjou, frere du Roy, etses enfans , auxquels elle dit : Qu'aymez vous mieux , ou d'être appellés fils d'un prestre , ou fils d’un Roy? Les enfans ne sçachans à quel propos elle disoit cela , ne sçauoient comment mieux s’cstonner, quand la mere poursuiuit, disant : Ces maudits Freres Prescheurs ont induit le Roy que laissant le royaume et vous autres ses fils, et se fit prescheur et prestre. Le comte oyant ces nouuelles, se conertit en fureur. et tança impudentement le Roy auec d’autres menaces qu'il improperoit aux Prescheurs. De mesme le fils ainé qui après le Roy deuoit regner, vituperoit par tout moyen qu’il pouuoit mieux les Freres Prescheurs. Le Roy esmeu de leurs vituperes , donna un soufflet à son fils , qui dit: Sire, pour autant que vous êtes mon pere et seigneur, le ne veux vous être ingrat ; mais le iure par St Denis nostre patron , que si par faueur de Dieu , il auint que r'obtienne le gouuernement du royaume , 16 feray tant que tous ces malheureux Prescheurs seront repoussez du royaume. Et comme le Roy eut entendu ce iurement , il fut extremement marry, car 1l le connoissoit être fier de courage.

Cependant le comte, frere du Roy, commanda que de lors à l’auenir aucuns des Freres Prescheurs ne presumassent à prescher au royaume. L'on tient aussy qu'il prohiba qu'aucun ne conferast aucune chose auec iceux; et dit on que cela principalement étoitgrief au Roy, que tous les escoliers qui habitoient à Paris, sortans , se logerent partout où ils trouuoient mieux, et le tout à l'opprobre du Roy. Et pour que ces choses n'étoient encor reduites en certaine fin du temps que l'escriuois ces hystoires , ie n'ay proposé d'en discourir plus outre.