LIVRE CINQUIEME

telle angoisse de mort, rendit l'esprit, et fut en ce lieu mesme enscuely. Et comme le bruit de ce faict fut paruenu iusques à Henry, euesque de Strasbourg, iceluy touché. d’une extreme douleur pleura amerement, Et incontinent se fit appeller aucuns messagers, par lesquels 1l fit venir à luy les fils de ceste femme, auxquels il usa de tel langage : O sots personnages, qui vous a encouragez à ce faire, que de mettre la main sur le christ de Nostre Seigneur, et le mettre à mort et oser l’enseuelir si ineptement? Mais iceux tous d'une voix proposerent l'iniure de leur mere et leur honte. Doncques l’euesque les interrogea , sçauoir si ce prestre auoit : inferé quelque force à leur mere. Iceux toutefois contredisans : Car soit , disoient 1ls , que la chose soit faite par force ou volonté, si est ce que le bruit du faict nous est tourné , par le moyen de ce prestre, à grand deshonneur et vitupere. L'euesque repliqua, disant que la iustice ne leur eut manqué s'ils se fussent plaints aucunement à luy de l'iniure du prestre, veu principalement qu’iceluy iouyssoit de la iustice spirituelle et temporelle. Et de fait la ville de Sauerne est de sa iurisdiction et située en l’euesché de Strasbourg. Iceux donc ne pouuans pas contredire ni respondre au contraire, il s'enquit d’eulx si, pour l'egard de ce fait, ils vouloient obéir aux mandemens de l'Eglise et au sien. Eux doncques considerans que l’euesque étoit leur seigneur spirituel et temporel, et que par ce moyen ils ne pourroient decliner son iugement, se soumirent à faire sa volonté. À ceste raison, l'eucsque ayant pris le serment d'iceux , leur commanda de construire un honneste tombeau à leurs dépens au lieu où le prestre étoit vilaynement enseuely, et là mesme ils y edifiassent une chappelle, à laquelle ils deuoient conferer tant et si suflisamment de reuenus pour qu'un presire en peut être substenté pour y celebrer l'office diuin. Ce qui fut ainsy fait. Enfin, l'euesque ayant de rechef appellé ces deux freres , traita finement auec eux de leur salut. Vous, mes fils, disoit il, qui auez promis d'amender ce crime tant enorme sous l’asseurance d'un serment, vous êtes, comme ie voy. assez prets d'obéir aux mandemens de l'Eglise. Jusques icy, pour le remede du prestre qui a été meurdry, a été fait œuure assez meritoirement competente. Toutefois, pour le peché commis, on ne vous a encor enioint aucune penitence.

Et pour ce que nous sommes tenus de prouueoir à la iustice spirituelle et temporelle, suiuant le iurement que vous auez presté à l'Eglise et à moy estroitement , ie vous enioins que vous, quatre freres , vous vous hastiez à nauiguer et visiter le sepulchre de Nostre Seigneur . afin d’effacer ce grand peché, et ne retourner en vos propres biens que premier n'ayez autre mandement de moy. Les freres susdits, pour ne pouuoir entreprendre autre chemin sans preiudice de leurs personnes et de leurs biens , se mirent en voyage et paruindrent aux regions d’oultre mer. Mais quant à leur retour, je n’en ay appris aucune chose. Considere, amy lecteur, de quel zele de Dieu. de l'Eglise et du Clergé, ce g'aud euesque contraignit les freres susdits, tant riches et extraicts de si noble race, par le glaiue spirituel et temporel , tellement qu'il les incita à mettre à fin leur penitence, non pas en leur pays, mais aux externes regions de l'Orient, et de là ne retourner sans expres mandement. Mais premier que mettre fin à mes escrits , ie tascheray à discourir d'un autre prestre qui fut aussy tué, et prudentement vengé par le mesme euesque , afin que le lecteur en puisse profitablement iuger.

D'un autre prestre qui fut tué.