LIVRE CINQUIEME

il auoit ietté sa bourse en la riuiere ; et retourné qu'il fut à soy commença à s'escrier, disant : O moy malheureux ! pourquoy ay ie voulu obuier à la volonté diuine? Pourquoy voulois ie decliner ses iugemens et fleaux, veu que nul ne m'eut sceu dehurer de ses mains ? O moy trop infortuné de m'être trop demesurement confié à mon engin et finesse, veu qu'auec iceluy r'ay voulu sauuer tout ce que l'auois, et l'ai entierement perdu ce que sans Dieu cuidois me reseruer. Celuy est donc bien miserable qui ne iette son penser au Seigneur, et qui se fie en la force de son bras. Comme il se complaignoit ainsy, voyant qu'il ne profitoit rien, retourna en son logis. De là pouuons nous facilement cognoistre que Dieu est partout puissant, et qu'il preuoit toutes choses, selon que dit le prophete royal Dauid : Si ie monte au ciel, Seigneur, tu y es, et si ie descends aux enfers, tu t'y trouueras. En cest endroit demonstre appertement Dauid que nul ne peut eschapper les mains de la puissance diuine , à laquelle aussy sont manifestez les plus secrets des cœurs des hommes , et fol celuy qui cuide eschapper de sa iustice.

De l'immaturité et congelation des vendanges.