LIVRE CINQUIEME

de l'euesque de Metz plus que de coustume. En après, pour ce qu'il étoit contraint à toute extremité de ses crediteurs ; et la troisieme, pour n’auoir de quoy à satisfaire et appaiser son seigneur l'euesque , appaiser ses crediteurs, et se releuer d'indigence. Se voyant doncques reduit sous le ioug de tant d'affhictions, et ne trouuant aucune voye pour se depetrer, pensa qu'il ne luy restoit plus que deux chasteaux seulement , sçauoir Pierre Percée, qu'on disoit être son aloz, et le chasteau de Salm, que Henry de Blamont , ayeul dudit Henry, bastit en la terre de l’eglise, auec lesquels il pensoit releuer ses angoisses. Il s'en alla auprès de leuesque de Metz et luy vendit ces deux chasteaux par la mesme teneur qu'il auoit fait Morhanges au duc de Éorraine. Ce fait , ledit euesque , asssisté d'hommes bien entendus , se transporta à l'un et l'autre chasteau, et y coucha pour y ordonner des gardes des tours. et concierges des maisons , et ayant sur toutes ces choses obtenu: priuileges , les rapporta à son euesché. Et des lors l'euesque se moostra plus doux à l'endroit dudit comte de Salm. Mais toutefois . il n'obtint licence de reparer les forges à fer. Cependant . de iour en iour , tantost çà et ores là. en presence de l'euesque ou de ses. conseillers , nous inuitoit à traiter la paix: et combien qu'il nousait demené maintes fois. si est ce que rien fut ordonné de la paix. Or, comme le debat d'entre ledit seigneur de Salm et l'abbé Beaudouin , auec le couuent, eut perseueré iusques à quatorze ans, et que par l’exigence de nos pechez , nulle fin ne s'y imposast , le tres puissant Renumerateur voulut nous punir plus griefuement à car par son vouloir et permission , le seigneur de Salm ne craignit de nous opprimer, de sorte que l'on eut creu être le prince des cuisiniers du Roy de Babylonne , qui demolit les murs de Jerusalem , comme cy apres nous demonstrerons plus amplement.

Du rabaissement des images sacrées et de la proclamation qui se faisoit tous les iours.