CHAPITRE IX

Ainsy doncques que le seigneur de Salm tant miserablement afligeoit l'eglise de Sennone, et qu'icelle n'auoit aucun vray propugnateur ou defenseur, par l'aduis et conseil du venerable

Gillon , euesque de Toul, et d'autres prudens personnages , auec grands pleurs et aspres soupirs, nôus mismes bas les ymages tres sacrées de Nostre Redempteur, de St Symeon septieme , ladis maintes fois illustré par les miracles de St Clement, euesque de Metz, et les ayant posées sur terre, commençasmes à nous escrier , disant : Nous auons soutenu la paix, et elle n'est venue ; nous auons cherché les biens, et voicy la turbation. O Seigneur Dieu, nous cognoissons assez nos fautes , ne sois courroucé contre nous à iamais. En après, suiuant les priuileges des hommes apostoliques et papes de Rome, qui excommunient tous les malfaicteurs de nostre Eglise et les separent du gyron d'icelle nostre sainte mere et uniuerselle, et alienent de la communion du corps et du sang tres precieux de Jesus Christ, et les soumettent estroictement à comparoistre au iour du jugement diuin:; ainsy nous tous, un chacun iour, nous declarions pour excommuniés le Ssr de Salm et tous ses adherens. Mais principalement aux iours du dimanche ct des festes, en pleine face de l’eglise . et signamment à la grande messe, deuant les Ægnus Dei , nous étans tous à genoux , ladite proclamation se recitoit par

, le diacre de la messe , et en laquelle iceluy Henry de Salm et ses

complices étoient appertement nommez. Quoy fait, le chœur chantoit le respond qui se dit : Æspice Domine , auec son verset ; puis un chacun, prosterné à genoux, disoit le psalme : Deus, nusereatur nostri, et Kyrie eleison ; Pater noster. Et le prestre qui celcbroit la messe. prosterné à genoux deuant le corps et sang de Jesus Christ, adioustoit dauantage le verset: Exurgat Deus , et la collecte Ecclesiæ tuæ preces , ou une autre conuenante à temps de tribulation. Ce fait , la messe se paracheuoit*. Et pour cela, encor ne desistoit ledit seigneur de Salm à nous faire beaucoup de maux.

* Il arrivait aussi dans des cas semblables, qu'on descendait à terre les chasses des saints et qu'on les déposait sur des fagots d’épines. En 947, les religieuses de Remiremont ayant été obligées de fuir nuitemment devant les Huns, instituërent, en commémoration , une messe de minuit , le 20 août, nommée la Messe piteuse, parce qu'elles la chontaient d'une voix basse et lugubre , dit D. Calmet, comme personnes dans le danger et dans la frayeur, et qui n'osent élever leur voix.