CHAPITRE X

À Ja verité, pour ce que le temps de misericorde n'étoit encor venu , et afin que nous cognoissions combien mieux valoit se fier en Dieu que aux hommes, et que maudit est celuy qui se repose à la force de ses bras , en moins de rien le secours de l'euesque Jacques nous fut osté. Et pour autant que nous adioustions beaucoup aux aydes et faueurs de ce dit euesque, nous esprouuasmes qu'il valoit trop mieux s'arrester aux promesses du Seigneur que des princes. Car, comme nous esperions que par son moyen nous serions mis hors des mains du seigneur de Salm, iceluy euesque, frappé de maladie mortelle, principalement d'une dissenterie mortelle et flux de sang , mourust. Et par tel moyen nous fusmes descheuz de nostre attente. Les chanoines de Metz le voyant mort, l’enseuelirent deuant un autel de l’eglise du bienheureux premier martyr saint Estienne. Mais pour ce que ï'ay honte à raconter Ja pauureté et vilité de sa mort ,1e diray briefuement cecy, que celuy qui de son viuant auoit tellement depouillé tous les-prestres, clercs, moynes et laïcs suiets à luy, de tous leurs biens propres, iceluy fut trouué n'auoir de quoy couurir son corps. L'on raconte toutefois aucunes choses dignes de memoire et louange qu'il fit de son viuant: car il commanda que de son temps les prisonniers fussent relachez, et qu'on rendit la rapine de sel qu'il auoit faite, non pas ce qu'il en auoit porté quant à luy , mais bien qu'il ne pouuoit transporter, et sur ce en fit inscrire des ptiuileges qui eurent force quelque temps, comme cy après 3l sera clair à voir. Le seigneur de Salm creut qu'il pourroit mieux s’usurper et attribuer l'eglise ct biens de Sennone, et de fait 1] commença à nous impugner plus asprement ; car, ayant appellé son Regnault auec quelques autres, nous les enuoya, et ayant assemblé tous les freres . dit : Monscigneur m'a enuoyé vers vous dire que si voulez, prendra la sauuegarde de vous contre tous autres, etsurce aduisez vous. Cela fait, nous entrasmes en chapitre, et deliberans des choses , les unes pour les autres; quelques uvs disoient : Nostre abbé n’est présent, et parlant pouuons nous bien

accepter ceste protection pour quelque temps , si l'abbé le trouuoit bon ; et les autres n'y vouloient rien entendre. Et par tel moyen nous refusasmes nostre bonheur, comme depuis nous l’auons bien suffisamment esprouué. Car les gens d'armes dessus dits, étant retournez bien courroucez. saisirent toute l'abbaye et nos granges. Cependant les chanoines de Metz conuenoient souuentes fois ensemble afin d'eslire un euesque , mais ne se trouuant d'accord , n°y profitoient rien, iouxte aussy qu'ils en étoient empeschez par le comte de Bar: finablement étant conuenus en eslirent deux. Une partie esleut le noble Philippe de Florehenges, qu'on disoit être cousin du duc de Lorraine , et preuost de St Dhié et tresorier de Metz : l’autre partie esleut un de leurs chanoines, nommé Thicbault de Parcelles , infiniment riche , mais au reste gros et pesant de corps ; entre lesquels longtemps fut debattu pour l'euesché. Or, le seigneur de Salm voyant que le temps de mal faire opportunement luy étoit preparé. fit bastir et restaurer les forges à fer qui auoient été ruinées par le commandement de l'euesque defunt, et fit couper nos forestz pour y faire du charbon, ordonnant certains forgerons à billonner le fer. D'autre part , nostre couuent ne cessoit à proclamer ses excommunicalions accoustumées contre ledit seigneur de Salm etses adherens, ce qui luy deplust extremement; et afin de mieux s'en venger , enuoya ses satellites armez auec sou Regnauld , qui vindrent subhaster et enleucr tous nos biens meubles, cheuaux, bœufs, vaches, brebis, pourceaux, et les emmenerent où ils voulurent. Aussy firent ds de mesme-en nos granges , et qui pis est, le mesme iour, ce Lyran commanda.qu'on. depouillat de tous biens nostre prieuré de Brunstanual et nostre maison d’Auseruiller ; et cela fut fait le sainedi plus prochain de Septuagesime. Mais ainsy que nous pensions qu'ils se pourroient contenter de telles choses , le lendemain matin, voicy venir ledit Regnauld anec ses complices, quidemanderent à entrer dedans l'abbaye. ce qui: ne leur fut concedé: de facon qu'iceux auec eschelles. passerent la muraille, et passant deuant la chambre de l’abbé , entrerent au cloistre, et saisissant les clefz de l'eglise, du cloistre et de la caue, enleuerent toute la vaisselle, mesnage et meubles de nostreabbaye. En après ils chargerent plusieurs chars de nos liéts , pots de cuiure et poesles de la cuisine, et tout ce qui se deuoit distribucraux pauures fut par eux emporté, En après ils ordonnerent de leurs. gens à garder. les tours de l’abbaye; ils