LIVRE CINQUIEME

constituerent les uns pour être sommeillers , les autres portiers , et les autres gardes de la cour. Cela fait, Mathieu. le prieur , ieune homme de bonne conuersation , et tous les autres freres, considerant qu’icy n’y auoit aucun lieu commode à habiter dauantage. la croix deuant et marchant par ordre de procession , sortirent tous dehors, pleurans et supplians à Dieu tout puissant vouloir conduire leurs pas à la voye. de salut. Et ainsy marchans, passerent la nuict à Moyenmoustier. Au partir de là , par le commandement de l'abbé, se retirerent en diuers lieux. Car‘de tous les religieux ne demeura dans le cloistre que moy et un autre. nommé Bertrand, qui étoit griefuement detenu par maladie. Mais pour autant que Dieu ne veut Ja mort du pecheur, ains qu’en se conuertissant il viue , voulut bien ædmonester ce cruel violateur de nostre eglise par une correction assez digne de son denrrite. Car sa femme allant mal d’enfant , premier que le temps de sa couche fut venu . elle enfanta un enfant desià tmort., dont la vengeance de Dieu bien grande se demonstrant par ceste infortune deuoir être deplorée pour trois raisons. L'une. qu’un auorton non baptizé selon la foy ne peut entrer au royaume des cieux; secondement, pour ce que les parens perdirent tant miserablement l'auorton qui deuoit être leur heritier et successeur, car ils n’auoient encor eu autre enfant du sexe masculin que cestuy cy; la troisieme raison est que nonobstant ceste punition manifeste, ils ne desistoient pourtant du trac de leur malice. Mais ce Regnauld, malheureux satellite dù dyable, depouilla tellement la famille de nostre monastere . et signamment encor de nos laboureurs, charpentiers , lauandiers et pescheurs, qu'à peine les murailles droites se pouuoient soustenir en leurs logis.

De la sentence prononcée et publiée contre le seigneur de Salm, par le venerable Gillon, euesque de Toul.