CHAPITRE XI
Finablement , comme le cœur de nostre vastateur s'endurcissoit contre nous, ainsi que le cœur de Pharaon contre le peuple de Dieu fut endurcy en Egypte . nous en telle extremité n'auions aucuns qui
CS
nous consolassent. Mais quoy? Nous consultasmes nos affaires aux chanoines de Metz , implorans leur ayde tres instamment ; toutefois aucun ne se trouua deliberé de nous secourir. Ainsy doncques que Je seigneur de Salm molestoit et nous ct nostre “eglise ( comme dit est), après longues altercations les esleus, sçauoir le venerable Philippe et Thiebault, furent appellezen la presence de l'archeuesque de Treues , par l'industrie duquel ils furent , ie ne sçay quellement, pacifiez ; en sorte que ledit Thiebault vint à ceder, et fut le venerable Philippe confirmé pour l’euesque, et depuis étant consacré obtint l'euesché. Or, nostre reuereud abbé Baldouyn, assisté de quelques uns de nos freres , allerent trouuer l’euesque nouuellement institué , et luy intimerent de mot à mot nos calamitez entierement comme cy deuant entendu ; mais il se monstra tant tiede et nonchalent à leur endroit, qu'on l'eut peu iuger pour un homme de nulle vigueur. Bien promit :l quelque chose de parolles qui ge sortirent leur effect. Quoy voyant, nos freres se transporterent: au venerable Gillon, euesque , que le Tout Puissant auoit esleué à la dignité episcopale de Toul. Et bien expressement luy firent entendre nos necessitez et extremitez , dont l’euesque en fut infiniment marry. Et ayant appellé un notaire , escriuit à Alexandre, abbé de Moyenmoustier, que personnellement il allast en la maison du seigneur de Salm , et que diligemment il l'admonestast que d'une tant enorme et detestable iniquité il se deportast et rendist les choses qu’il auoit tollues , et qu'il ne differast à satisfaire à Dieu et l'Eglise d'un fait tant impieux. L'abbé doncques, receu qu'il eut ce mandemement, non paresseux mais esmeu d'un zele louable , s'acheminoit à faire ce qui luy étoit enioint, et étant venu à Badonuiller , trouua cet ange de Sathan., Reguauld , ballif du seigneur de Salm, trop excité en sa malice , lequel interrogea l'abbé de ce qu'il cherchoit ou demandoit , auquel l'abbé declara la commission qu'il auoit de l'euesque. Regnauld , entendant cela, tout transporté de colere ; mit les mains sur luy, le retint et le mit à la garde de ses satellites, pour être emprisonné en quelque maison ; ce qu'ils execulerent , faisans grandes despenses pour sa garde, en sorte qu'en deux iours et deux nuicts , Üs despenserent Juut sols toullois ; car ils pensoient bien que l'abbé payeroit tout. Cependant, les freres de Moyenmoustier , entendans que leur abbé. étoit detenu captif, accoururent hastiuement vers Godefroy ,
ne — =
