LIVRE CINQUIÈME
president du duc de Lorraine , et luy firent entendre que leur abbé étoit detenu prisonnier. Quoy entendu , le president , ayant choisy quelques hommes d'armes , se transporta à Badonuiller, où étoit detenu l'abbé ; mais venu qu'il fut au milieu du chemin, fut aduisé par quelques uns qu'il ne s'auançast dauantage sans auoir aduerty les aduersaires qu'ils rendissent l’abbé de son seigneur , et que alors qu’ils en feroient refus , qu'il pourroit auec raison en faire sa volonté. Le president , usant de ce conseil , enuoya promptement deux hommes d'armes qui redemanderent l'abbé. Mais le bailly, oyant que le preuost du duc de Lorraine redemandoit cest abbé . eut peur, et tantost le laissa; qui alors solemnellement exposa le mandement qu'il auoit de l'euesque, le denonçant pour excommunié, selon les statuts du conseil de Treues:; declarant aussy par mesme moyen Île seigneur de Salm, et aflirma sa terre être mise sous defense et prohibition, excepté le viatique des morts et le baptesme des enfans. En ceste sorte , l'abbé et le prenost, auec les leurs , retournerent en leurs propres. Cependant , l'euesque de Toul , qui tousiours s'a fait muraille pour la tuition de l'Eglise de Dieu, supplia à l'euesque de Metz, que comme pour la defense de Sennone il auoit besongné contre le seigneur de Salm en l’euesché de Toul, il voulut faire de mesme en son euesché de Metz. Ce que entendant, l'euesque donna commission patente au sicur Nemerique, gouuerneur de Vic, pour aller exploiter son mandement à Morhanges ; quiayant leu ses lettres , et étant arriué au chasteau dudit lieu , admonesta le seigneur de Salm qu'il reslituast les choses qu'il auoit tollues et emblées à l’eglise de Sennone , et que par mesme moyen, il feisse satisfaction de son demerite. autrement qu'il auoit charge de le denoncer pour excommunié auec tous ses fauteurs , coadiuteurs et adherens , auec sa famille ,; comme 1l faisoit aussy toute sa terre par l'authorité de l’euesque de Metz , et l'affirmant être soubmise à la deffence et prohibition des statuts de Treues. La famille du chasteau, entendant tels propos, mirent les mains sur luy et l'emprisonnerent, Je garotterent et lierent aux ceps de fer. Le gouuerneur se voyant ainsy mal mener, pour n'être longuement detenu , se mit en hostage en leurs mains pour la somme de soixante et dix liures, et ainsy se retira d'eulx. Reuenu qu’il fut auprès de l'euesque , luy fit entendre le beau traictement qu'il auoit receu de sa commission. Le seigneur de Salm doncques fut tellement excommunié et toute
sa terre mise en deflence, que l’on ne permettoit seulement la sepulture catholique aux habitans qui y mourroient. Et de fait, la sentence de l'archeuesque de Treues ne perdit ses forces en son endroit , non plus qu'elle fit à tous ses fauteurs et adherens. Et comme iceluy s'en trouuoit extremement empesché , Regnauld , ce malheureux bailly de sa perdition, voire mais plustost de l’Ante Christ , commença à excogiter nouuelles concussions et oppresses À nostre eglise ; car aduenant la saison d'automne, au mois de septembre ; auquel les laboureurs ont de coustume labourer les champs et heritages , il (dis ie inuenteur de tous maux) fit deffence aux hommes de nostre eglise de Sennone , qu'ils n'eussent à fournir les crouuées qu'ils doiuent , et qu'ils ne cultiuassent les champs et lardins comme ils auoient accoustumé. Entens, lecteur, la malheureuse inuention de cest homme. Nous lysons aux annales des hystoires , que les champs de quelques citez que l'on auoit assiegéez , furent par les ennemis semez et poudrez de sel , afin que l'ardeur du sel ne permit qu'aucune semence peut germer ou pulluller en icelles terres. Et que par ce moyen , les champs en étant faits steriles ,. ne rapportassent aucun fruict, et que les habitans d'icelles citez , contraincts de famine , se rendissent à leurs ennemis. Ainsy, ce detestable bailly fit deffence de ne cultiuer nos champs. afin, qu'affligez de disette, vinssions plus facilement à nous soumettre à la volonté de son maistre. Mais en cecy le baïllif delibera en vain; car comme ce venerable personnage Gillon , euesque de Toul , eut entendu ceste prohibition. par lettres patentes commanda que partout son diocese. tous les iours de dimanches et festes., en l'eghise , on denonçast pour excommumié ledit seigneur de Salm, ses baillifs et adherens,
Du traité de paix entre leglise de Sennone et le Seigneur de Salm. CHAPITRE XI.
Voyant donc le seigneur de Salm , que ny par sa malice, ny par l'oppression qu'il donnoit à nous et à nostre eglise, ny par le moyen de l’archeuesque de Treues , auquel il se fioit largement, ny par l'euesque de Metz, qui mesme craignoit l'offenser, ny encor par
FAQ Ver jo ane S RE, PS , PEN
