LIVRE CINQUIEME

et de fait demanda secours aux citoyens de Strasbourg , qui toutefois n'y voulurent entendre , ains firent estat seulement de garder leur cité. L'euesque leur manda qu'à pis aller ils fournissent de marchandise à son exercite. Les citoyens respohdirent qu'à peine auoient ils suflisance de munitions pour la garde de leur cité. Et finablement l'euesque se sentant delaissé de ses concitoyens, fit mener hors de la cité aucunes choses necessaires qu'il y auoit pour les faire venir à luy. Ce que les citoyens ne voulurent permettre , ains renuoyerent les messagers de l'euesque tout comme ils étoient venus. Ce qui fut un grand scandal aux euesques, et signamment à tout le pays d'Alsace. À la fin, l'euesque desirant auoir force de gens d'armes, manda à l'archeuesque de Treues , qui luy étoit proche parent. qu'il luy vint en ayde. Amassé doncques qu'il eut tout ce de gens d’armes qu'il peut , et considerant qu'il ne pouuoit resister à l’armée de l’euesque de Metz, commença à traiter de la paix , laquelle, selon le commun bruit, fut ordonnée en ceste maniere : le seigneur de Lietemberg se soumit à la diction et volonté de l’euesque de Metz, et de vray il étoit son homme. En après, il promit à l’euesque qu'il rebastiroit de nouueau entierement le bourg qu'il auoit saccagé (comme auez entendu cy deuant), situé deuant le cloistre de Neuuille, et qu'il restitueroit les choses qu'il auoit rauies çà et là , et d'habondant, qu'il destruiroit le chasteau qu'il auoit basti peu auparauant. Ceste paction étant ordonnée par les principaux de ce pays là , et confirmée en après par lettres patentes, le seigneur de Lietemberg, pour plus grande satisfaction , donna à l'euesque des fiderusseurs et respondans capables et fideles, tellement quelechasteau qu'il auoit basti au territoire de l'eglise messaine fut incontinent mis à bas. Le tout ainsy bien appaisé { comme dit est), l'armée se dispersa et chacun retourna en son propre. Mais pour autant que cy deuant ray fait mention des citoyens de Strasbourg et de leur euesque , ie tascheray de laisser la memoire à la posterité des choses plus remarquables executées en la cruelle guerre demenée entre eux pour causes assez legeres, ainsy que ie Fay appris d'hommes dignes de foy. Car si ie faisois estat d'escrire toutès les choses qui se firent plusieurs fois en diuers lieux, ray peur, la prolixité de l'hystoire engendreroit fascherie au lecteur.

Du commencement de la guerre de Vaulthier, euesque de Strasbourg, contre les citoyens de ladite cité.