CHAPITRE XVII
Ainsy doncques que l'euesque Vaulthier se raffraichissoit en un sien chasteau , nommé Dapuckeste , auec son armée , qu'il auoit de çà, de là ramassée, un certain matin ceux de Strasbourg, bien . munis d'armes , firent une sortie ; et sitost que l'euesque le sceut, il leur signifia la guerre, tellement que les citoyens firent les approches contre les gens de l’euesque, qui en firent de mesme, en sorte que la guerre ne pouuoit faillir pour ce iour*. Les citoyens s’auoient fait forger des haches de noises, auec lesquelles ils detrancherent si furieusement les soldatz de l'euesque , que ny bouclier, ny corcellet, ny morion, ny autres armures ne pouuoient resister contre eux. Dauantage comme l’escarmouche se renforçoit en ceste sorte, et qu'ils chamailloient en une tuerie intolerable , l’armée des citoyens s'augmentoit de tant plus que les autres perissoient. Or, étant la bataille assez près de la cité, ceux qui pour la garde d'icelle étoient demeurez dedans, voyans les leurs genereusement se comporter à l'extremité de l'escarmouche. poussez du zele de victoire, se vindrent joindre auec eux, et entrez qu'ils furent en la bataille, s'eflorcerent tellement qu'autant des gens de l’euesque qu'ils rencontroient, autant en mettoient ils à mort. Voyans donc les chefs et principaux bommes d'armes qu'ils ne pourroient iamais eschapper de ce conflict sans grand peril de leurs vies , ils esleurent plustost être captiuez par les citoyens de Strasbourg, que en debattans plus outre mourir malheureusement. Et ainsy les citoyens les ayans despouillez d'armes, les enuoyerent prisonniers en la cité ; puis, considerans que Dieu leur auoit fauory en ceste deffaicte, coururent bride abattue à l’escadron où étoit l'euesque Vaulthier, qui consideroit la perte de ses gens , et se iettans dessus , deflirent toute ceste armée , et tuerent le cheual de l’euesque, en sorte qu'il tomba à terre, mais quelques uns des siens le relcuerent sur un cheual et le deschasserent de la meslée. Cependant les citoyens
2 8 mars 1262,
tuerent ceux qu'ils voulurent de ceux là, et les autres ils les menerent prisonniers en la cité. Le lendemain venu, les citoyens sortirent pour aller où la bataille s'auoit donné, afin de depouiller Jes corps morts, et tout ce qu'un chacun en peut emporter étoit pour Juy. Et comme ils tracquoissoient parmy le camp des morts, il auint de fortune que l’un d'iceux trouua un cheualier armé d'armes precieuses et moult riches , qui étoit gisant de son long. et approché qu'il fut de luy, vit qu’il viuoit encor; il l'interrogea, disant : Qui est tu? Le cheualier respondit : Je suis Herman, frere à l'euesque de Strasbourg , dit le gouuerneur de l'Alsace. Puis luy dit: O si tu voulois me conduire en un lieu asseuré et me reseruer la vie, ie t'enrichirois de tous mes biens. Mais l’autre respondit : Vrayment, l'aimerois mieux mourir icy des maintenant que de te laisser la vie: et ce disant l’acheua de mort. Et comme il le ‘ depouilloit deses armes , et qu’il le deuestoit de son corcellet et de ses brassarts iusques aux mains, il les trouua liez de petites chaines, comme Îles hommes d'armes ont accoustumé de faire, et partant s'auisa que s’il demeuroit plus long temps en cet endroit, que mal ne Juy en print: il Juy couppa les deux mains auec les brassarts , et ainsy les porta en la ville. En tel estat, les citoyens laisserent les corps morts despouillez de tous biens, et emmeverent aucuns des viuans caplifs en la cité, où ils les emprisonnerent, les ceps aux pieds, au cloistre de la grande eglise, où ils enfermerent iceux , boucherent et serrerent toutes les fenestres et portes , afin que l'issue ou l'entrée ne fut donnée à nul qui fut, sinon à ceux qui auoient charge de leur nourriture. Le nombre des captifs fut estimé de quatre ving{z , sans ceux qui moururent en la bataille, desquels on n'a encor sceu le nombre certain. Mais pour ce que l’euesque étoit infiniment en peine de sçauoir qu'étoit deuenu son frere, après longue recherche, finalement fut trouué detranché de ses bras, gisant entre les morts ; ce qui donnoit fascherie à le recognoistre. Parquoy l'euesque l'ayant fait charger auec plusieurs autres hommes d'armes . le fit enterrer en un hospital qui est en un village nommé Coroholclen *. Mais encor les citoyens de Strasbourg ne furent contens de ceste victoire, car ils depopulerent et mirent à feu la
* À Dorolzenn, dans la chapelle St.-Jean , commanderie de l'ordre de Malte. L'évèque de Strasbourg voulut y ètre enterré auprès de son frère.
terre du seigneur de Geroltuceche et de l'euesque aussy, comme de tous ceux qui leur fauorisoient ; et d'autre part l'euesque en faisoit de mesme à l'endroit de ceux qui supportoient les citoyens , en sorte que le feu consumoit tout, et le glaiue deuoroit la chair des hommes. La fortune donc s’ayant ioué en ces malheureux debatz, là clemence diuine voulut aucunement pacifier ces guerriers; en sorte qu’il permit l’euesque être detenu d'une maladie, laquelle finalement le conduict au rang des morts". Et ainsy ceste guerre prit fin d’une partie. Mais pour ce que quand r'escriuois ces choses, Ja restauration de paix n'étoit encor remise , ie n'ay voulu presumer d'en discourir dauantage.
Comment un comte de Bar voulut empescher à l'election de Philippe, euesque de Metz.
