LIVRE PREMIER

couverture que le ciel et l’air tourbillonnant par dessus et à l'enuiron de luy, où il demeura comme à demy mort, tourmenté du vent, debattu de la gresle et du tonnerre ensemble, presque suffoqué de la pluye ruisselante par dessous luy gisant couché sur la plaine, et en cest estat piteusement palpitoit tout proche de la mort. Quoy entendu comme le villageois étoit chastié , tout le peuple du village y accourut, non moins curieux que diligent à chercher si par telle tempeste les biens gysans et pendans sur terre étoient point desgatez et endommagez. Ils trouuerent que non, mais chargerent le villageois gisant près de son char sans apparence de vie et le transporterent en sa maison , sous l’opinion . neantmoins que telle defortune luy étoit auenue pour ses demerites , notamment pour ce qu'il n'auoit pas gardé l'honneur et reuerence deue à Dieu et audit St Hydulphe , et qu'assurement son incredulité luy auoit causé si rude punition. Dont euidemment appert comme ledit saint chastie aigrement ceux qui l'ont en mespris et defend ceux qui le reuerent et honnorent. Ô miserable pecheur! en ce l'auray confiance, si le Tout Puissant punit en ce monde present si rigoureusement les contempteurs de son nom et de sa puissance , et resalarie ceux qui luy conferent l’honneur qui luy est deu. Qu'estime tu du siecle à l’auenir, veu que toutes choses presentes sont transitoires et de petite durée, mais celle du siecle ne se passeront jamais, ains seront etcrnelles et sans fin, soient celestes pour les iustes les ayans meritées, et les choses terriennes seront æespandues sur ceux qui auront fait leurs tresors en terre. Or retournons à nostre premier but touchant les choses qui méritent exposition. auenues en nostre eglise de Sennonce, où nous traiterons chacun en son lieu des autres eglises et des fondations d'icelles ; situées par le voisinage de ladite église. Mais d'autant que nous auons traité autant que possible nous a été de nostre fondateur Gondebert, nous passerons outre à descrire de ses successeurs abbez, et des actes par eux executez pendant le cours de leur abbatiat.

* De saint Legier , Euesque.