LIVRE DEUXIEME

regy et gouuerné, y succeda un certain Adelhard, quatorzieme après le premier fondateur, qui comme malheureux, succedant aux bienheureux et bien fortunez abbez, dissipa par sa negligence les biens, terres, rentes et reuenus dudit monastere: voire ce qui est pis encor, corrompist et la religion et les religieux , que le lieu qui du passé auoit flory en spiritualité et temporahté, comme un paradis plein de tous delices, n'étoit plus aucunement cultiué ny entretenu; à qui bon sembloit, étoit loisible s'emparer du bien de ladite eglise sans resistance. Les moynes n'auoient soin que de toutes meschancetez, et non de Jeur ordre; ils sçauoient mieux le chemin à leurs ieux que à l’eglise ; ils ne tenoient plus compte de leur refectoire, dortoir, ny de leur cloistre, ains les abandonnoient comme un lieu où l’on commet ordinairement meurdre et saccagement , en s’appliquans à commettre lubricités , bancquetz, yurongneries et autres infinies voluptés mondaines, au contraire de quoy ny auoit correcteur aucun. Finablement n'y auoit espece de meschanceté qui ne fut excogitée et exécutée par les insolens moynes dessous le susdit abbé. Et pendant que le trouppeau de Dieu est exposé aux loups, qui y resistera si les estables sont rompues ? En ceste façon, ledit abbé Adelhard gouuernoit l’eglise qui luy auoit été baillée en charge. Voyans donc lesdits moynes que la bride leur étoit laschée, se delibererent viure à leur volonté et non selon Dieu. Un chacun d’eux cherche une demeure pour y viure dereiglement et à son appetit, ainsy que torreaux en trouppeaux assemblez contre les vaches des paysans, se glorifians en leurs meschancetés, dont se treuuent vaincus d’une gloire, ils sont confus , et n'y a aucun remords et sont finablement mocquez d’un chacun. Maudit qui n'a soin que de sa chair, sans auoir aucune espérance en Dieu. Et ainsy contemnans leur oflice diuin, se sont trouuez couuerts de leur iniquité et mmpieté, par laquelle ( suiuant Jeurs affections ) ils ont été confondus, si que iceux se trouuans destitués de tous viures, furent contrains eux pendre après le manche d'une charrue pour faire leur labourage, afin de soulager leur indigence. Et par telle dissipation, ceste eglise de Sennone a : demeuré vague par plusieurs années ; en sorte que les abbez succedant

l'un à l'autre, ne se pouuoient despetrer de ceste miserable

conuersation , qui a duré pendant la charge de cinq abbez succedans l'un à l'autre, iusqu'à ce qu’il a pleu au bon Dieu tout puissant regarder ceste eglise de son œil de pitié, étant arriué le temps d'en auoir commiseration. Et lors Dieu y auoit preordonné un religieux de ce couuent, de sainte vie, et qui n’auoit consenty à la vie dissolue des autres moynes, et se nommoit Rambert. Lors y auoit ià en l’eveché de Metz, un monastere appellé Gorze, bien fourny de religieux, menans une sainte vie et craignans Dieu, en sorte qu'il sembloit être un petit paradis tapissé de belles et plaisantes fleurs. Auquel monastere, ce Rambert ( comme fuyant la pernicieuse conuersation des moynes de ce lieu) delibera se retirer pour illec

viure en la crainte et seruice de Dieu. Auquel licu paruenu, fut

benignement receu par l'abbé et les religieux. Et après qu'il eut en ce lieu assez bonne espace resté, acquit l'amitié de tous et notamment du prieur, nommé Adelbert, homme de non moins sainte vie que de bonne, louable et honneste eonuersation. Et comme cestuy Rambert, diuinement inspiré (comme instruit de Dieu pour un bon œuure à quoy il le preparoit), considera et contempla si diligemment les mœurs et façon de faire et de viure des religieux dudit lieu, ensemble l'ordre qu'ils tenoient en leur religion , auec toutes autres circonstances, que bien volontiers lesdits prieur et religieux, pour son humilité, l’eussent retenu , s'il eut voulu.

Ayant donc pris congé (comme Dieu l’auoit preparé deuoir être le

recteur de ceste eglise), se remit en chemin pour retourner en ce lieu et reuoir les moynes qu'il y auoit laissé en si piteux estat, où il fut benignement receu par l'abbé Rangère, quu lors y étoit. Puis le connoissant de bonne nature et sainte conuersation, peu de temps

après luy confcra l'office de preuost audit monastere, auquel estat

se comporta & genereusement qu’il gagnoit l'amitié d'un chacun. Par quoy peu de temps après, ledit Rangère mort, et assez honorablement intimulé, par le consentement de tous les religieux fut esleu abBé de ladite abbaye, qui reprit pour le temporel de l'euesché de Metz, et du spirituel de l'euesché de Toul. Retournant donc ledit Rambert, abbé , audit monastere , leur vint à remonstrer annablement ce qu'il auoit veu et appris au monastere de Gorze.

leur priant de viure à la façon et aussy saintement que faisoient les

ER mm ln tee ONE NE"

0m ER, AS RER nt ——— —

————. et nn,