CHAPITRE XVIIL

En l'an de salut mil vingt six, Herman, euesque de Toul , termina vie par mort, et à iceluy, Bruno, fils du comte d'Asporg , succeda, qui par après fut fait pape nommé Leon [1048]. Au mesme temps, chose admirable suruint, scauoir, qu'ez pommes et poires, les pepios, selon leur grosseur et petitesse, representoient figures humaines . et n'ay iamais pu sçauoir que presageoit tel euenement. En ce mesme temps, un certain homme, nommé Symeon, venant du mont Sinay, étant arriué à Treues, à la porte Noire (ainsy appellée ), fut retenu par Pepon, lors archeuesque de ladite cité; et par ledit Symeon furent faits en après de merueilleux miracles. En l’an mil quarante quatre, Humbert, abbé de Moyenmoustier, comme il étoit homme d'esprit, composa en vers les respons qu'on appelle les laudes des saints Cyriaque, martyr; Colombain, Odille, vierge; Gregoire, pape; Hydulphe, et de St Dlhié, eucsque. Desquels respons il fit present audit Bruno, pour les chanter ez solemuitez desdits saints et saintes. Cinq ans après, fut assemblé un concile à Mayence, y étans plusieurs euesques , prelats et autres plusieurs personnes , y assistant l'Empereur Frederich, où le susdit Bruno , euesque de Toul , par l'aduis et consentement de tous, fut esleu Pape de Rome. Puis étant en chemin pour y aller, passa par ceste contrée, où 1] consacra une chapelle en l'honneur de St Jean Baptiste, au deuant de la porte de l’abbaye de Moyenmoustier, et de là emmenæauec soy, à Rome . Humbert , abbé dudit monastere. Lequel étant venu audit Rome, il decora de la dignité archiepiscopale de Cicile, luy donna encor un chapeau de cardinal, le faisant demeurer auec luy à Rome, pour le soulager à satisfaire au deuoir de son pontificat. Consequemment, comme ledit pape, appellé Leon , retournoit par decà , en l’année mil cinquante, il consacra l'eglise de St Arnoulf à Metz. Deux ans après, reprenant son chemin deuers la Gaule , enleua du tombeau les os du bienheureux

St Gerard, euesque de Toul.