Sans doute Sacey, Manche, arr. Avranches, c. Pontorson

ce qu'il leur promist porter cedules de appatissemens a aucunes parroisses d'emprès Caen, c'est assavoir Coulumbelles I, Saint Contest 2^ Herouville 3, Perriers 4, Estrehan S, et Branville 6, duquel lieu de Saint Contest il est natif, pour appatissier les parroissiens et habitans des dictes parroises a nos dis ennemis du dit lieu du Mont, et ce fait retourner pardevers eulx au dit lieu du Mont pour leur porter response de ce qu'il auroit fait, lesquelles cedules le dit suppliant par sa simplece présenta sans le congié et sceu de justice aux habitans des dictes parroisses a qui elles se adreçoient, ainsi que promis Favoit, pour lesquelles causes le dit suppliant eust esté prins par nostre bailli de Caen et mis à gehine et tourment très durement ou il eust confessé les choses dessus dictes, et aussi qu'il vouloit retourner pardevers nos dis ennemis leur pourter response de ce qu'il avoit fait et des nouvelles, pour ce qu'il avoit promis par la foy de son corps de y retourner, et ou cas qu'il feust retourné au dit lieu du Mont, oye sa dicte response par nos dis ennemis, se icelle ne leur eust esté aggreable, ilz feussent venuz courir et piller les dictes parroisses. Et combien que son entention ne feust onques de retourner et ne soit retourné pardevers les dis ennemis, supposé que promis leur eust et que sa confession le porte, neantmoins pour les dis cas, dès le dit mois de février mil ccccxii, il fut condempné par le lieutenant de nostre dit bailli de Caen a estre pugni et exécuté a mort par nostre justice laye comme de crime de leze majesté, ce qu'il ne fut pas, obstant ce que par l'ordonnance de la cour de nostre Eschequier lors séant il fut rendu a nostre amé et féal conseillier l'evesque de Bayeux, comme son juge competant et ordinaire, es prisons duquel il a depuis esté et encore est detenu prisonnier, moult durement enferré en grant povreté, peine et misère de son corps et est en adventure de y finer en brief misérablement ses jours, se nostre grâce et miseri-

1. Colombelles, Calvados, aiT. Caen, c. Troara. 3. Calvados, arr. et c. Caen.