AVRIL, PARTS

Rémission octroyée par Henri VI à Laurent Odion, tabellion, demeurant au Pont-l'Abbé en basse Normandie , sénéchal de la baronnie d'Orglandes pour Jean d'Ouessey, chevalier et baron d'Or glandes, au sujet du meurtre du valet d'un Anglais nommé Fildelin, neveu ou du moins parent de Raoul Nevill, seigneur d'Émondeville.

Henry, par la grâce de Dieu roy de France et d'Angleterre, savoir faisons a tous presens et advenir nous avoir receu l'umble supplicacion de Laurens Odion, tabellion pour nous et demourant en la ville de Pont l'Abbé i en Constantin, chargié de femme etmesnage, contenant que, lexv« jour du mois de mars derrain passé, vint au dit lieu du Pont l'Abbé, en la viconté de Valongnes, ung Anglois nommé Fildelin, qui se dit ou que l'en dit estre nepveu ou parent de Raoul Neuville, chevalier, seigneur d'Emondeville 2, icellui Anglois, acompaignié d'un varlet nommé Guillaume natif, comme il disoit, de nostre bonne ville de Rouen, et d'un petit page, pour soy logier et repaistre au dit lieu du Pont l'Abbé, comme il disoit, lequel Anglois, en soy portant et alant du dit lieu du Pont l'Abbé, ses diz varlet et page en sa compaignie, trouva ung jeune homme nommé Richard le Gigan qui estoit pour gangnier sa journée avecques le dit suppliant, lequel Gigan estoit aie sur le cheval du dit suppliant porter trois ou quatre boisseaux de froment pour mouldre au moulin du dit lieu du Pont l'Abbé. Lequel Anglois, en venant et alant contre les ordonnances royaux et en vilipendant et froissant icelles, print de fait et de force, oultre le gré et voulenté du dit le Gigan, icellui cheval et

1. Pont-l'Abbé, auj. section de la commune de Picauville, Manche, arr. Valognes, c. Sainte-Mère-Eglise.