JUIN, BOIS DE VINCENNES

Henri VI donne à Thomas le Bourg, demeurant à Bayeux et lieutenant du vicomte du dit lieu, les biens confisqués des rebelles y dénommés.

Henry, par la grâce de Dieu roy de France et d'Angleterre, savoir faisons a tous presens et avenir que nous, considerans les bons et aggreables services que Thomas le Bourg, nostre homme et lige subget demourant a Bayeux, a fais a feu nostre très chier seigneur et père, cui Dieu pardoint , a nous et a nostre très chier et très amé oncle Jehan, régent nostre royaume de France, duc de Bedford, ou fait et exercice de Justice, tant en l'office de lieutenant de nostre viconte de Bayeux qu'il a exercé longuement comme autrement, fait chascun jour, et espérons que face ou temps advenir, et que, en hayne et contempt de la bonne justice qu'il nous a faicte et acomplie sur les brigans et autres noz ennemis et adversaires, ses hostelz, manoirs et autres édifices qu'il avoit au plat pays lui ont esté et sont destruiz et desers par les dis ennemis, et ses heritaiges et possessions demourez en non valoir pour ce qu'il n'a trouvé ne trouve aucun qui pour doubte des diz brigans, qui chascun jour repairent et conversent es lieux ou les diz heritaiges sont assis, les ait osé ne ose labourer, et que pour ce il n'a eu de feu nostre dit seigneur et père ne de nous aucun don ne autre remuneracion, et autres causes et consideracions a ce nous mouvans, au dit Thomas [le] Bourg i, poiir lui et ses hoirs masles légitimes descendans de lui en droicte ligne, avons, par

I. En décembre 1421, Thomas le Bourc, lieutenant général de Jean Burnel, vicomte de Bayeux, avait fait vendre aux enchères à Sainte-Croix sur la Mer et à Banville, en la vicomte de Bayeux, les biens meubles de Thomas et de Gringore Bourgueze et de Thomas Fillot, par le ministère de Raoul de Mathan et de Jean Lenterin, sergents [Bibl. Nat., Quitt., t. 53, no 5686).

l'advis de nostre dit oncle, donné, cédé, transporté et delaissié, donnons, cédons, transportons et délaissons, de grâce especial, par ces présentes, toutes les terres, cens, rentes, revenues, héritages et possessions, que Jehanne de Cuilly, vefve feu Guillaume d'Octeville, et Jehan de Villiers souloient avoir et tenir ou bailliage de Caen et en la viconté du dit Bayeux et ailleurs a l'environ, avecques leurs appartenances et appendances quelzconques, ensemble un hostel que Jehan du Boscq, prestre, souloit avoir et possider au dit lieu de Bayeux, en la' rue de Saint Nicolas de Courtilz, avecques les court, jardins, louages et autres appartenances, ainsi que tout se comporte et extend, le tout a la valeur de soixante douze livres tournois de rente ou revenue par an, eu regart a ce qu'ilz valoient ores quinze ans a, a nous advenues, escheues et appartenantes, parce que la dicte vefve et aussi les diz de Cuilly, de Villiers et du Bosq se sont absentez de nostre seigneurie et renduz a nous rebelles et desobeissans... Si donnons en mandement aux bailli de Caen et viconte de Bayeux... Donné au bois de Vinciennes ou mois de juing l'an de grâce mil ccccxxiii, et le premier de nostre règne. Ainsi signé : par le roy, a la relacion de monseigneur le régent le royaume de France, duc de Bedford. R. Veret.

(Arch. Nat., sect. hist., JJ ij5, n» 274.J

1423, 3o JUILLET, MANTES

Henri VI, sur le rapport de son oncle Jean, duc de Bedford, régent de France, charge son cousin Jean de la Pôle, chevalier, de recouvrer la place, forteresse et église du Mont- Saint-Michel, soit par voie amiable, grâce à l'entremise de l'abbé du Mont et de Jean Popham, chevalier, seigneur de Torigni, ses conseillers.

soit par la force et au moyen d'un siège en vue duquel il autorise le dit Jean à appeler sous les armes tous les nobles des bailliages de Caen et de Cotentin.

Henry i, par la grâce de Dieu roy de France et d'Angleterre, a tous ceulx qui ces présentes lettres verront, salut. Savoir faisons que, pour la singulière confiance que nous avons es sens, vaillance, loyaulté et bonne diligence de nostre amé et féal' cousin Jehan la Pôle 2, chevalier, icellui, par l'advis de nostre très chier et très amé oncle Jehan, régent nostre royaume de France, duc de Bedford, avons commis, ordonné et depputé, commettons, ordonnons et députons et lui avons donné et octroyé et par ces présentes donnons et octroyons povoir et auctorité de requérir de par nous et nostre dit oncle ceulx qui détiennent et occuppent ia place, forteresse et église du Mont Saint Michiel que ilz la rendent et mettent en nostre obéissance, de icelle place recevoir avecques ceulx qui la détiennent qui se vouldront mettre en nostre dicte obéissance, de leur remettre et pardonner, se mestier est, tous crimes et delicts par eulx commis a l'occasion de la guerre, excepté de la mort de fevi nostre cousin de Bourgongne, de recevoir d'eulx le serement de la paix final et qu'ilz demourront noz bons et loyaulx subgez et de leur baillier sur ce ses lettres, lesquelles nous conserverons, se requis en sommes, de procéder par toutes voyes et manières possibles, soit par force d'armes, par voye amiable ou autrement, pour avoir et recouvrer l'obéissance de la dicte place et de povoir mettre et establir siège pour ceste cause, tant par mer comme par terre, de povoir pour ce mander et assembler tous les nobles et autres des bailliages de Caen et de Costentin qui ont acoustumé aler en armes, soient gens d'armes ou gens de trait, tant des garnisons des diz bailliages comme autres, de les contraindre a aller devers lui pour la cause dessus dicte, les veoir,

1. Nous publions cette pièce diaprés un vidimus de Girard Pigonche, vicomte de Cou tances, en date du i6 août 1423.

2. Jean de la Pôle, comme nous avons eu déjà l'occasion de le faire remarquer (voyez plus haut, p. 98, note i), avait été gratifié, le 10 avril 1419, de baronnie de Moyon confisquée sur Jeanne Paynel, femme de Louis d'Estouteville.

conduire et gouverner durant le temps du dit siège et qu'ilz seront en sa compaignie, les pugnir et corriger, selon ce que les cas le requerront, toutesfoiz que ilz feront faulte et n'obéiront a ce qui leur sera commandé et ordonné pour le bien du dit siège et de ce qui leur sera chargié de par nous ou nostre dit oncle, de faire faire et ordonner tous abillemens de guerre neccessaires a fait de siège. Et avecques ce lui avons donné et donnons povoir de traictier et composer avecques ceulx qui détiennent et occuppent la dicte place du Mont Saint Michiel ou autres que besoing sera, pour icelle avoir et recouvrer par voye amiable, appeliez a ce faire noz amez et feaulx conseilliers l'abbé du dit lieu du Mont et Jehan Pophain, chevalier, seigneur de Thorigny i, ou l'un d'eulx, et par leur bon advis et conseil. Et generalment avons donné et octroyé, donnons et octroyons a nostre dit cousin Jehan la Pôle povoir, auctorité et mandement especial de faire et exécuter toutes choses neccessaires et convenables pour la recouvrance de la dicte place, ce que l'en peut et doit faire en tel cas. Si donnons en mandement, par ces mesmes présentes, a nostre dit cousin que en toute diligence il mette a execucion les choses dessvis dictes a lui commises, comme dit est, et a touz nos vassaulx, justiciers, officiers et subgiez et a chascun d'eulx, que a lui et a ses commis et depputez en ceste partie obéissent et entendent diligemment et lui prestent conseil, confort et aide, chascun endroit soy, selon ce qu'ilz en seront requis. En tesmoing de ce, nous avons fait mettre a ces présentes nostre seel ordonné en l'absence du grant. Donné a Mante le xxx^ jour de juillet l'an de grâce mil quatre cens vint et trois, et de nostre règne le premier, scellé de nostre seel ordonné en l'absence du grant. Ainsi signé : Par le roy, a la relacion de monseigneur le régent, duc de Bedford. J. Milet.

(Bibl. Nat., Quittances, t. 55, n" g4.)

I. Le 5 mai 1418, Henri V avait donné à Jean Popham Torigni (Manche, arr. Saint-Lô) et Planquery ( Calvados , arr. Bayeux , c. Balleroy ) valant 2,000 couronnes par anpfem. de la Soc. des Ant. de Norm., XXIII, n» i32; Reg, des dons, p. 24). Les Popham étaient seigneurs de Wellington, dans le comté de Somerset (Camden, Britannia,p. i63).