Cahagnes, Calvados, arr. Vire, c. Aulnay-sur-Odon

par trahison Caen, Bayeux, Neuilly-V Évêque ou Saint-Lô et que l'on tient ces nouvelles de six soudoyers du Mont- Saint-Michel faits prisonniers par les Anglais d 'Avranches.

Très chier et honnouré seigneur, je me recommande à vous tant comme je puis. Vous plèse savoir que présentement ay receu une cedule de credence par un messagier à cheval que m'envoyet le lieutenant d'Avrenches lequel messagier m'a dit de bouche de par celui lieutenant que yer, après nonne, les gens de la garnison du dit Avrenches prindrent six de ceulx du Mont Saint Michel sur les grèves, par lesquieulx l'en a seu de certain que celuy qui se dit duc d'Allençon entra eu dit jour d'ier en Normendie par devers Sainte Suzanne ', acompaignie' de plusieurs et grant nombre d'anemis, tantcappitaines de gens que aultres, et que icellui d'Allençon a intencion de prendre par moyen et de fait par vendicion de quatre places l'une, c'est assavoir Caen, Baieux, Nully 2 ou Saint Lo. Et pour ce je vous escrips ces choses affin que en avertisses les bourgois des bonnes villes de vostre bailliage et par especial ceulx de Caen affin de faire bonne garde jour et nuit. Et des nouvelles qui me sourvendront vous feray savoir de temps en temps, et pareillement vous plèse me faire savoir les vostres. Très chier et honnouré seigneur, se aucune chose est pardeça que pour ,vous puisse faire, faites le moy savoir, et je l'acompliray à mon poair. Ce seyt Nostre Sire qui vous ait en sa sainte garde. Escript à Saint Lo en haste cest vendredi matin xxe jour de novembre. Le vostre Hue Spencer, bailli de Costentin et cappitaine de Saint Lo. Et dessus les dictes lettres est escript : A mon très chier et honnouré sire Guillaume Breton 3, chevalier, bailli de Caen.

(Bibl. Nat,, Quittances, t. 66, n* 21 85.)