I4D7, SEPTEMBRE, BOURGES

Rémission octroyée par Charles VII à Jean le Fèvre, écuyer, tenant garnison au Mont- Saint-Michel, au sujet a' actes de violence et de pillages commis vers 1441, notamment envers un certain Jean Callochie.

Charles, par la grâce de Dieu roy de France, savoir faisons à tous presens et avenir nous avoir receue Fumble supplicacion de nostre bien amé Jehan le Fèvre, escuier, contenant que, le temps passé, des son jeune aage, il nous a servi ou fait de noz guerres en plusieurs voyages, armées, batailles, rancontres, prinses et assaulx de places, chasteaulx, forteresses, à rencontre de noz anciens ennemis et adversaires les Anglois et autres leurs adherens et tenans leur parti et obéissance es compaignies de nostre amé et féal conseillier et chambellain Poton, sire de Santrailles, à présent mareschal de France, de Lahire, de feu Pregent de Coictivi, en son vivant admirai de France, de nostre chier et féal cousin et conseillier le sire d'Estouteville et de plusieurs autres cappitaines et chiefz de guerre, et a tousjours tenu nostre parti et vraye obéissance et esté en frontière en plusieurs lieux, mesmement en la ville du Mont Saint Michel ; à l'occasion desquelles guerres et de nostre dit service il a esté plusieurs foiz prins et constitué prisonnier, tant par

eulx nos ennemis que par aucuns Bretons tenans leur parti et obéissance et autres, et, pour soy délivrer des dictes prisons esquelles il estoit très inhumainement traictié à grant povreté et misère, luy a convenu paier grans et excessives finances et rançons, pour lesquelles finer et aussi pour soy entretenir en nostre dit service il a vendu, engaigé et aliéné ses biens et heritaige dont luy a convenu depuis endurer de grans povretez et indigences. Pendant lequel temps que le dit suppliant s'est employé en nostre dit service et esté en frontière, il a aucunes foiz tenu les champs et vescu sur iceulx, et a fait plusieurs courses, pilleries, prinses de places, de biens, de bestail gros et menu et autres vivres, iceulx venduz, mengiez, butinez et partie rançonné, prins prisonniers et fait plusieurs autres courses, pilleries, roberies, sur plusieurs personnes, tant tenans nostre parti que le contraire, et a esté en compaignie où ont esté faiz murtres, mais oncques ne les fist ne consentist faire. Et mesmement luy estant en garnison au dit lieu du Mont Saint Michel, seize ans a ou environ ', ainsi que Martin le Breton, le dit suppliant et autres traversoient pais, querans leur aventure, comme gens de guerre tenans la frontière ont de coustume de faire, ung appelle Jehan Callochie, qui est du pais de Bretaigne où le dit suppliant avoit esté prins et détenu .prisonnier par aucunes gens d'icelluy, et lequel Callochie estoit suspeçonné d'avoir commis certains grans cas au dit lieu du Mont Saint Michel, porté, favorisé et soustenu aucuns tenans le parti à nous contraire et autres leurs adherens, fut prins et constitué prisonnier par le dit suppliant et le Breton et autres et par eulx mené en la dicte ville, et peut estre que, à l'occasion de ce que icelluy Callochie se mist en deffense, il fut aucunement batu et mutilé par les dessus dis ; auquel lieu du Mont il fut détenu par l'espace de six sepmaines ou environ et jusques à ce que le dit sire d'Estouteville fist comparoir par devant luy les dessus dis à l'occasion de la dicte prinse, par devant lequel le dit Callochie bailla pièges de soy rendre prisonnier dedens certain terme lors ensuivant, moiennant laquelle caucion et plege

i. Comme cette lettre de rémission est datée de 1457, l'incident raconté ici aurait eu lieu vers 1441.

il fut délivré des dictes prisons. Et pour ce qu'il ne se comparu point au dit jour, ses pièges l'ont depuis poursuy pour estre par luy desdommagiez de leur dicte plegerie, et combien que ayons donné abolicion générale à tous noz gens de guerre qui nous ont servi ou fait de nos dictes guerres et tenu nostre parti de tous cas par eulx commis durant les dictes guerres, et par ce le dit suppliant ne doye à l'occasion des dis cas par luy commis estre inquiété ou molesté, néanmoins il doubte que le dit Callochie ou autres ses hayneux, à l'occasion de la dicte prinse et autres cas dessus dis, voulsissent ou temps avenir procéder et faire procéder contre

luy par rigueur de justice Si donnons en mandement par

ces mesmes présentes aux bailliz de Rouen, Caux, Caen et Costentin... Donné à Bourges ou mois de septembre l'an de grâce mil cccc [cinquante] ' sept, et de nostre règne le xx[x]vime. Ainsi signé : Par le roy en son conseil. Rolant.

(Arc. Nat., sect. hist., JJ 187, n° 127.)

1. On lit dans le texte : « quarante», mais c'est évidemment une mauvaise leçon provenant de la distraction du scribe. L'amiral Prégent de Coëtivy, qui est mentionné comme mort dans cette pièce, fut tué au siège de Cherbourg en 1450. Cette année 1457 et l'année suivante scait restées célèbres dans les fastes du Mont-Saint-Michel par la grande affluence de pèlerins, venus surtout des quartiers d'Allemagne, qui vinrent alors visiter la célèbre abbaye ; parmi ces pèlerins, il y avait beaucoup de femmes et même des enfants âgés de moins de neuf ans qui se disaient poussés par une sorte de mystérieuse influence à laquelle ils ne pouvaient résister (Dom Huynes, I, 123 à 127) En avril 1458, Charles VII, non content de confirmer la Charte aux Normands, combla de faveurs les habitants du duché, en récompense de leur fidélité (Arch. Nat., JJ 187, n°s 226 et 235).

CCXGIX