AOUT, FALAISE

Mandement enjoignant de payer quarante sous tournois à un messager qui avait apporté de Falaise au capitaine de Lisieux des lettres de Robert Harling, bailli d' Alençon, de Mathieu Gough et d'autres capitaines faisant mention du siège mis devant la forteresse de Laigle par Jean, duc d' Alençon.

Philippe le Clouttier, lieutenant en la viconté de Faloise de noble homme messire Jehan Harpelley, chevalier, bailli de Caen, au viconte de Faloise ou à son lieutenant, salut. Nous vous mandons et commettons, se mestier est, que des deniers de vostre recepte vous paie's et délivrés à Guillaume Fournier la somme de quarante soulz tournois que tauxés et ordonnés lui advons pour ung voiage par luy fait du dit lieu de Faloise à Lisieux devers le capitaine du dit lieu porter lettres closes à luy escriptes par noble homme messire Thomas Kyngeston, chevalier, lieutenant des chaste! et ville de Faloise, faisans mention du contenu en unes lettres closes à luy escriptes par messire Robert Harling, chevalier, bailli d'Allençon, et Mathieu Go et autres capitaines et gens de guerre et auxi que le duc d'Alençon et autres ennemis et adversaires du roy nostre sire estans devant la place et forteresse de Laigle, en intencion de prendre et avoir icelle place, affin que le dit capitaine de Lisieux et sa compaignie se tenissent et fussent prests pour estre en la compaignie des diz bailli et capitaines pour le reboutement des diz ennemis

et adverssaires Donné à Faloise le xxvie jour d'aoustl'an

mil cccc trente deux. P. le Cloutier.

(Bibl. Nat., Quittances, t. 65, n° 18 go.)

ô CHRONIQUE DU MONT-SAINT-MICHEL

1432, DU l5 AOUT AU 29 SEPTEMBRE, SAINT-Lo

Contrôle de la garnison de Saint- Lô faisant mention : i° d'une chevauchée faite du 28 août au 10 septembre contre Jean, duc d'Alençon, que Von disait être à Laigle,par Hue Spencer, écuyer, capitaine de la dite garnison, avec 5 lances et 24 archers à cheval; 20 d'une expédition accomplie du 21 au 2 5 août par Robert Sc&t, homme d'armes à pied, et 18 compagnons de la dite garnison contre certains brigands cachés dans les bois, expédition qui avait abouti à la prise et à l'exécution d'un brigand nommé Michelet le Breton.

C'est le contreroulle de la garnison de Saint Lo depuis le quinziesme jour d'aoust l'an mil mie xxxn que noble homme Hue Spencer, escuier, à présent capitaine du dit lieu de Saint Lo, fist ses premières monstres pour icelle garnison jusques au vint neufiesme jour de septembre ensuivant par moy Nicolas Franceys, contrerouleur d'icelle garnison.

Et premièrement le dit capitaine et cinq lances et vint quatre archiers à cheval de la dicte garnison en sa compaignie se partirent du dit lieu de Saint Lo le xxvme jour du dit moys d'aoust pour aller au reboutement des anemis du roy nostre seigneur dont estoit chief Jehan, qui se dit duc d'Alençon, que l'en disoit estre à Laigle, et retournèrent au dit lieu de Saint Lo le dixiesme jour de septembre.

Gaings de guerre :

Robert Scot, homme d'armes à pie, et xvni compaignons de la dicte garnison en sa compaignye se partirent du dit lieu de Saint Lo le vint ungiesme jour du dit moys d'aoust, par l'ordonnance du dit capitaine, pour aller cersser par les boys certains brigans et anemis du roy nostre dit seigneur qui estoient sur le pais, comme l'en avoit rapporté au dit capitaine, et relornèrent le xxve jour du dit moys, et prindrent

et admenèrent ung brigant, nommé Michiellet le Breton, qui fut exécuté pour ses démérites, et lequel fut prins par le dit Robert Scot.

Item, l'un d'iceulx compaignons, nommé Thomas Fouler, archier, et demeurant avec Thomas Osmondrelaw, escuier, homme d'armes d'icelle garnison, print et gaigna au dit voyaige ung cheval de poil gris, qui estoit au dit Breton, et vendu soysante saluz d'or.

Item, Jehan Homborne, archier du dit Robert Scot, gaigna au dit voyaige deux chevaulx lesquelz furent venduz dix livres quinze solz tournois.

Toutes lesquelles choses je Nicolas Franceys, contreroleur dessus dit, certiffie estre vrayes. En tesmoing de ce, j'ay mis en ce présent contreroulle mon seing manuel. Fraunceys.

Somme des dictes guaingnes de guerre faictes par archiers : lx saluz valant imxx v livres tournois et x livres xv sous tournois en monnoie ; pour ce, niixx xv livres xv sous tournois : dont au dit capitaine, pour ce que c'est butin commun, apartient le tiers montant xxxi livres xvm sous mi deniers tournois, duquel tiers au roy apartient le tiers montant x livres xn sous ix deniers tournois.

(Arch. Nat., Sect. hist., K 63, n° ig~.)

I432,3l OCTOBRE, PARIS

Rémission octroyée par Henri VI à Jean Ouville, prêtre, chapelain mercenaire du diocèse de Coutances, qui, au retour d'un pèlerinage fait au Mont- Saint- Michel à la faveur d'un saufconduit délivré par le capitaine de Tombelaine et en compagnie de Thomas Baudouin, des Perques, et de plusieurs autres pèlerins dont un était nu, s'était chargé d'un message adressé par la soi disant dame de Bricquebec, femme du capitaine du Mont,

à Landry Falaise, procureur du seigneur du dit lieu de Bricquebec et y demeurant, afin de presser l'envoi de 120 saluts d'or dont elle avait besoin pour s'acheter une robe.

Henry, par la grâce de Dieu roy de France et d'Angleterre, savoir faisons à tous presens et advenir nous avoir receu l'umble supplicacion des parens et amis charnelz de . Jehan Ouville, prestre, chapellain mercenaire ' du diocèse de Coustances, contenant comme , depuis un an ença ou environ, le dit Jehan Ouville, aiant en sa garde une sienne niepce de l'aage de huit ans ou environ, de laquele il estoit tuteur, qui lors avoit une grande maladie, pour avoir garison d'icele, à la grant fiance qu'il avoit à monseigneur saint Michiel, la voua au dit monseigneur saint Michiel au mont de Tombe. Après lequel veu ainsi fait, par la grâce de Nostre Seigneur, fu sa dicte niepce restituée à sa bonne santé. Pour quoy ycelui Jehan Ouville, désirant acomplir son dit veu, se tira pardevers le capitaine de Tumbelaine ou aucuns de ses gens, pour avoir d'eulx congié et licence de aler au dit lieu du Mont Saint Michiel acomplir son dit veu. Après lequel congié ainsi obtenu, se parti du dit lieu de Tumbelaine, sa dicte nièce avec lui, en la compaignie de Thomas Baudouin, de la parroisse des Perques 2, et de plusieurs autres pèlerins, entre lesquelz en avoit ung tout nu, qui pareillement avoient obtenu congié au dit lieu de Tumbelaine pour aler au dit lieu du Mont faire leur pelerinaige. Lequel pèlerinage par lui fait et les autres de sa dicte compaignie, ainsi qu'ilz se cuidoient partir du dit lieu du Mont pour eulx en retourner chascun en son lieu, la femme du capitaine du dit lieu du Mont, qui se disoit dame de Briquebec 3, demanda le dit Jehan Ouville et les autres pèlerins avec lesquelz il estoit aie. Ausquelz elle dist qu'il convenoit qu'ilz

1. Un chapelain mercenaire était un prêtre gérant une cure moyennaut une rétribution qu'il recevait du titulaire de cette cure. Les chapelains remplissaient au moyen âge les mêmes fonctions que nos vicaires actuels en l'absence des curés.