Les Perques, Manche, arr. Valognes, c. Bricquebec
3. Jeanne Payne], femme de Louis d'Estouville, capitaine du Mont-Saint- Michel, à qui elle s'était mariée vers 1425, était en effet dame de Bricquebec (Manche, arr. de Valognes).
portassent de par elle à ung nommé Landry Faloise, demourans au dit lieu de Briquebec, une cedule en papier contenant recommandacion et qu'ilz lui envolassent la somme de six vins saluz d'or pour avoir une robe, et que, s'il y avoit faulte, qu'il lui en souvendroit ou autres paroles semblables. Lesquelz Jehan Ouville et autres pèlerins respondirent à la dicte dame que ce ne seroit pas chose licite à eulx à faire, et qu'ilz estoient pèlerins, et que le congié qu'ilz avoient du dit capitaine de Tumbelaine ne faisoit point de mencion qu'ilz peussent prendre ne porter aucunes cedules ne aussi faire aucuns rapors de bouche ne autres pour aucuns du parti contraire à quelques personnes que ce feussent de nostre parti, et que, s'ilz le faisoient, ce seroit pour eulx destruire. Laquele femme du dit capitaine, veant le refuz que faisoient les diz Jehan Ouville et autres pèlerins, leur dist pleinement que, s'ilz ne la portoient, qu'ilz demoureroient prisonniers et qu'elle leur feroit faire desplaisir. Et leur dist oultre que, se elle n'avoit nouvelles qu'ilz eussent baillée la dicte cedule, qu'ilz se gardassent bien que jamais ne feussent rançonnez par aucuns de la garnison du dit lieu du Mont Saint Michiel. Lesquelz Jehan Ouville et autres pèlerins, oyans les dictes menaces, prindrent la dicte cedule laquele lors fu baillée au dit Jehan Ouville. Et ainsi se partirent le dit Jehan Ouville et autres pèlerins. Et ainsi qu'ilz furent entre le dit lieu du Mont Saint Michiel et le dit lieu de Briquebec, ycelui Jehan Ouville bailla la dicte cedule au dit Thomas Baudouin, en lui disant que plus ne la porteroit et qu'il estoit prestre, et qu'il la portast à justice ou en feist ce que bon lui sembleroit, ou autres semblables paroles en effect. Lequel Thomas Baudouin print la dicte cedule laquele il garda par aucun temps, et depuis la bailla à la justice du dit lieu de Briquebec, comme le dit Jehan Ouville a entendu. Et ycele veue par les gens de la dicte justice, fu fait commandement au dit Jehan Ouville par le dit' Faloise qu'il se rendist ou chastel de Briquebec. Lequel Jehan Ouville, ne cuidant en ce avoir mesprins ne autrement, vint incontinent ou dit chastel ouquel, si tost qu'il y fu entré, fu arresté prisonnier en ycelui. Lequel arrest venu à la congnoissance de noz gens et officiers à Valoignes, a esté par nos diz gens arresté prisonnier ou dit chastel de Briquebec duquel chas-
tel il s'en est aie et départi, doubtant estre durement traictié par les gens du seigneur du dit chastel contre lequel il est en procès pour son héritage et aussi contre le dit Faloise, procureur du dit seigneur. Pour lesquelles choses... Si donnons en mandement au bailli de Coustentin .. Donné à Paris le derrenier jour du mois d'octobre l'an de grâce mil cccxxxn, et de nostre règne le xime, seellées de nostre seel ordonné en l'absence du grant. Ainsi signé es requestes tenues du commandement et ordonnance de monseigneur le gouvernant et régent de France duc de Bedford, esqueles l'evesque de Beauvais, mestre Guillaume Leduc, président en parlement, messire Jehan de Pressy, chevalier, et autres estoient. J. de Drosay.
(Arch. Nat., Sect. hist., JJ iy5, n° 164.)
