I437, 23 AVRIL
Guillaume Bosquet, receveur des aides en la vicomte de Bayeux, ayant à porter de Bayeux à Caen le produit de sa recette, se fait accompagner tant à l'aller qu'au retour par une escorte de 4 lances à cheval et de 20 archers de la garnison de Bayeux par crainte des garnisons françaises du Mont-Saint-Michel et de la Gravelle.
A tous ceulx qui ces lettres verront, Pierres Tailieboys, garde du seel des obligacions de la viconté de Baieux, salut. Savoir faisons que pardevant Thomas Ogier, tabellion roial à Baieux, furent presens Louis du Hamel, Jullien Hébert, Jehan des Acres et Jouen Malbon, hommes d'armes à lance à cheval ; Guiot le Fevre, Jehan Garey, Jehan Duval, Jehan Rivier, Jehan Jacques, Denis de Tour, Jehan le Miere, Jehan Hardy, Thommas du Soussy, Richart Vingneur, Jehan Vincent, Robin Benoist, Henry le Vautier, Jehan Morouyt, Raoullet Desmaresqz, Thommas Leconte, Jehan Gauquelin, Jehan Adam, Thomas Houel et Guieffroy Durant, tous gens de guerre, archiers et cousteilliers, lesquieulx congnurent et confessèrent avoir eu et receu de Guillaume Bosquet, receveur des aides en la viconté du dit Baieux, la somme de vint deux livres deux soulz six deniers tournois qui deubz leur estoient pour leur paines, sallaires et travail de eulz et de leurs chevaulx, et par pris et marchié à eulz fait par le dit receveur en la présence du dit tabellion, d'avoir conduit et mené seurement, pour obvier aux dangiers des renconstres des chemins, en la compaignie d'icellui receveur, du dit lieu de Baieux en la ville de Caen, en cest présent moys d'avril,
la finance dont mencion est faicte ont vacqué, en allant,
séjournant que retournant, pour atendre le retour du dit receveur qui, pour l'ocasion du grant péril et dangier qui à présent est sur le pais et chemins par les gens des garnisons
du Mont Saint Michiel, de la Gravelle et ailleurs, n'eust ozé retourner sans icelle compaignie ou grigneur, chascun par troys jours...., Ce fut fait le vint troisime jour d'avril après Pasques l'an mil cccc trente sept. T. Ogier.
(Bibl. Nat., Quittances, t. 7 1, n° 3i5j.)
