JUILLET, ROUEN

Décharge donnée par Henri VI à Guillaume Poisson, son receveur es vicomtes de Carentan et de Valognes, au sujet du payement d'une somme de 420 livres tournois, imputée sur le dernier payement de l'aide votée par les trois États de Normandie à Rouen en septembre 1434, et remise à Jacques Paynel, chevalier, pour la solde de 20 lances à pied et de 60 archers composant la garnison de la bastille commencée à Saint- Jean-le- Thomas.

Henry, par la grâce de Dieu roy de France et d'Angleterre, à noz amez et feaulx conseilliers les gens de noz comptes à Rouen, salut. Receu avons l'umble supplicacion de Guillaume Poisson, nostre recepveur es vicontez de Carenten et Vallongnes sur le fait de noz aides et octroiz ordonnez pour la guerre, contenant comme puis n'a gueres et pour lors que vivoit feu Michiel Durant nostre recepveur gênerai de Normendie, en otemperant aux lettres de nostre bien amé Jehan Stanlowe, escuier, nostre trésorier et gênerai gouverneur de noz finances de nostre dit pais de Normendie, et du dit feu recepveur, signe'es de leurs saings manuelz, par lesquelles les diz trésorier et recepveur mandoient et chargoient expressément au dit suppliant que il paiast et delivrast à Jaques Painel, chevalier, pour vingt lances àpié,

sa personne comprinse, et soixante archiers, la somme de quatre cens vingt livres tournois, en prest et paiement de leurs gaiges, pour aider à commencer la bastille ordonnée estre faicte à Saint Jehan de Thomas ', et par icelles lettres et mandement lui promettoient, par rapportant les monstres des dictes lances et archiers avesques quittance du dit chevalier faicte au nom du dit feu recepveur, lui en baillier descharge souffisant sur sa recepte du quart et derrain paiement de l'aide et octroy à nous fais par les gens des trois estas de nostre dit pais de Normendie en l'assemblée faicte en ceste ville de Rouen eu moys de septembre l'an mil iiiic xxxim, il paia au dit chevalier la dicte somme de mic xx livres tournois, laquelle descharge... Donné à Rouen soubz nostre seel ordonné en l'absence dugrantle xxmejour de jullet l'an de grâce mil cccc trente sept, et de nostre règne le quinziesme. Par le Conseil. Ferrebouc.

(Arch. Nat., sect. hist., K 64, n° 12^.)