DU I" AU 8 OCTOBRE

Mentions de chevauchées des Français à Tinchebray, à Condésur-Noireau, à Villers-Bocage, devant Vire, à Mortain ainsi qu'aux environs de Caen et d'Avranches.

Ensuient par desclaracion plusieurs messageries faictes

PIÈCES DIVERSES I û3

par l'ordonnance et commandement de Huguyn Karyntonne, escuier, connestable de Vire, et Jehan Wroteham, viconte du dit iteu.

Tassin Bardel, messagier à cheval, fut le dit premier jour d'octobre envoie pardevers mon dit seigneur le bailli de Caen lui porter certaines lettres closes contenans que les ennemis estoient es parties de Tinchebrey jusques au nombre de deux ou trois mille chevaulx qui avoient intencion de faire aucune entreprinse, et ne savoit hon quelle, maiz les communes nouvelles estoient qu'ilz voulloient mettre aucun siège ou autrement besoingnier, fut par emblée d'une place, ou pillier et ardre ungs forsbours, lequel messagier vacqua ou dit voiaige par troys jours, dont lui fut tauxé xxxvii solz vi deniers tournois.

Jehan le Michetel, messagier à cheval, fut le ditjjour envoie pardevers mon dit seigneur le bailli lui porter aucunes lettres closes, pour ce que nouvelles survindrent que iceulx ennemis vouloient ardre les forsbours de Caen et mettre le siège devant ceste place, et contenans icelles lettres autres choses touchans le bien, honneur et pourffit du roy nostre sire et de son peuple, lequel messagier vacqua trois jours entiers qui vallent en somme toute, au dit prix de xn solz vi deniers tournois pour jour, xxxvn solzvi deniers tournois.

Jehan le Marchant, dit le Bessinoys, messagier à cheval, fut le second jour d'octobre, après mynuyt, envoie hastivement au dit lieu de Caen pardevers mon dit seigneur le bailli lui porter autres lettres closes contenans en substance que icelle nuyt les diz ennemis, qui estoient à Tinchebray, s'estoient departiz, dont l'une partie estoient allez vers Condé sur Noireaue, l'autre partie estoit passée les Mons de Lencre l pour aller vers Villers ou Boscaige qui estoit le chemin de Caen, et l'autre partie estoient encores demourez ; et contenoient icelles lettres advertissement à mon dit seigneur le bailli pour prendre garde de lui, ses gens et le dit lieu de Caen. Lequel messagier y vacqua troys jours entiers qui

i. Les Monts d'Ancre, dont l'altitude est de 33 1 mètres, sont situés dans la commune de Campandré-Valcongrain, dép. du Calvados, arr. Caen, c. Villers-Bocage.

vallent, au dit prix de xn solz vi deniers tournois pour jour, xxxvn solz vi deniers tournois.

Guillaume Thibault, messagier à pié, fut le dit jour envoie pardevers mon dit seigneur le bailli lui porter autres lettres closes contenans que nouvelles estoient venues que les diz ennemis alloient sur le siège tenu à Tancarville, affin que par mon dit seigneur le bailli fust fait savoir partout où il appartendra, selon sa bonne discrecion ; lequel messagier y vacqua par troys jours entiers qui vallent, à vu sols vi deniers tournois par jour,... xxn solz vi deniers tournois.

Raoul l'Envergié, messagier à cheval, fut le me jour d'octobre ou dit an envoie de Vire à Dompfront pardevers madame de Scales lui porter lettres closes contenans comme les Arminacs avoient esté devant ceste place et avoient escarmuchié et reboutez avoient esté, et après ce qu'ilz avoient ars huit maisons aux forsbours s'en estoient allez à Mortaing où ilz s'estoient tous assemblés

Thommas le Marchant, messagier à cheval, fut envoie à Avranches pour porter les nouvelles dessus dictes par lettres closes et pour essaier à espier que iceulx ennemis vouldroient faire oultre, comme ilz se contendroient et gouverneroient, fust à eulx en aller ou retourner, pour ce qu'ilz s'estoient vantez qu'ilz metteroient ung siège et auroient aucune place ainçoys que retourner ; ouquel voiaige icellui messagier vacqua, tant en allant, séjournant, escoutant sur le pays que en retournant, quatre jours entiers, qui vallent, à icellui prix de xn sols vi deniers tournois par jour, la somme de l sols tournois.

Lesquelles messageries icellui connestable a tesmoingnié devant Michiel le Reculé, tabellion à Vire, avoir esté bien et deuement faictes, ainsi que dit est, et iceulx messagiers envoiez tant par lui que par le dit viconte ; et à sa requeste le dit tabellion a mis à cest présent roulle son saing manuel pour tesmoing de ce le vme jour d'octobre l'an mil cccc xxxvn. M. le Reculé.

(Bibl. Nat., Quittances, t. 72, n° 32g5.)

PIÈCES DIVERSES Io5

1437, ig OCTOBRE, ROUEN

Henri VI accorde un délai d'un an à l'évêque d 'Avranch.es, son conseiller, pour lui faire aveu et dénombrement des fiefs relevant de son évêché et situés tant dans la baronnie d'Avranches que dans celle de Saint - Philbert - sur - Risle , vu que le dit évêque ne connaît pas les Anglais, nouveaux détenteurs de ces fiefs et qu'il ne peut habiter son hôtel épiscopal d'Avranches, en partie brûlé et détruit pour le fait de la guerre, en partie occupé par les soudoyers de la garnison du dit lieu d'Avranches.

. Henry, par la grâce de Dieu roy de France et d'Angleterre, à noz amez et feaulx gens de noz comptes à Rouen et aux. baillis du dit lieu de Rouen, Caen et de Costentin, aux vicontes des dis lieux et d'Avrenches et à tous noz autres justiciers ou à leurs lieuxtenans, salut et dileccion. Receu avons l'umble supplicacion de nostre amé et féal conseillier l'evesque d'Avrenches ' contenant, comme, depuis la descente faicte à Touque en Normendie par feu nostre très chier seigneur et père, cui Dieu pardoint, plusieurs nobles tenans fiefz du dit suppliant à cause de son eveschié soient alez de vie à trespassement, tant en sa baronnie d'Avrenches comme de Saint Philebert sur Rille 2, et aussy que depuis nostre dit feu seigneur et père et nous avons donné les fiefz, que tenoient noblement plusieurs des chevaliers, escuiers et autres du dit eveschié, à plusieurs chevaliers et escuiers de nostre dit royaume d'Angleterre, desquelx le dit suppliant n'a eu encoire aucune congnoissance pour ce que iceulx à qui ont esté faiz iceulx dons ne sont venuz pardevers lui, et si ne les peult à ce contraindre par la prinse et arrestz d'iceulx fiefz et terres, ainsi qu'il appartient, et que son hostel epis-