Jean de Saint-Avit, évêque d'Avranches de 139 1 à

2. Saint-Philbert-sur Risle, Eure, arr. Pontaudemer, c. Montfort-sur-Risie.

copal du dit lieu d'Avrenches a esté ars et destruit en partie pour le fait de la guerre, et le demourant pour logier les compaignons souldoiers de la garnison du dit lieu d'Avranches telement qu'il n'y peult demourer et au dit lieu de Saint Philebert ne oseroit aler ne soy tenir pour doubte des ennemis, brigans et autres, et pour ce ne nous pourroit baillier au vray son dénombrement ou adveu , que tenu est de nous baillier à cause du temporel de sa dicte église jusques à ce que le temps fust et soit seur ou du moins que iceulx chevaliers et escuiers engloiz et autres à qui iceulx fiefz et terres sont ainsi donnés aient fait devoir envers lui et qu'il ait temps et delay de à ce les contraindre, en nous humblement requérant que sur ce lui vueillons gracieusement pourveoir. Pour ce est il que nous, ces choses considérées et en faveur de nostre dit conseillier et de sa dicte église, à icelui nostre conseillier avons donné et octroyé, donnons et octroyons de grâce especial par ces présentes terme, respit et souffrance de nous baillier le dit dénombrement ou adveu jusques à un an prouchain venant à compter de la date de ces présentes, en payant toutes voyes les droiz et devoirs acoustumez... Donné à Rouen le xixme jour d'octobre l'an de grâce mil cccc trente sept, et de nostre règne le quinziesme. Par le roy, à la relacion du Conseil. Ferrebouc.

(Arch. Nat., sect. hist., K 64, n° 12".)