JUILLET, AVRANCHES

Mention de préparatifs faits par la garnison française du Mont- Saint-Michel pour s'emparer par escalade de quelques-unes des places occupées par les Anglais.

L'an mil quatre cens quarante deux, le sixiesme jour de juillet, devant moy Guillaume Rose, tabellion du roy nostre sire juré ou siège d'Avrenches, fut présent Guillaume Guillochet, messagier à pié, lequel congnut et confessa avoir eu et receu de Jehan Gourdel, viconte du dit lieu, la somme de dix soulz tournois pour sa paine et sallaire et par marché fait d'estre allé au Mont Saint Michel enquérir et savoir segretement des nouvelles des ennemis que l'on disoit avoir eschailles et abillemens pour prendre aucunes places de ceste obéissance par emblée, lequel avoit rapporté les dites nouvelles estre vraies. De laquelle somme il quitta le roy nostre sire, le dit viconte et touz aultres. En tesmoing de ce, ay signé ceste quittance de mon signe manuel l'an et jour dessus diz. G. Rose.

(Bibl. Nat., Quittances, t. 7$, n° 4586.)