JUILLET, AVRANCHES
Mention d'un message envoyé d'Avranches à Granville vers Thomas, seigneur de Scales, pour l'informer qu'André, seigneur de Lohéac, était logé à Lonlai-V Abbaye.
L'an mil quatre cens quarante deus, le vint sixiesme jour de juillet, devant moy Guillaume Rose, clerc, tabellion juré pour le roy nostre sire en la viconté d'Avrenches, fut presens Jehan Verable, messagier à pie, qui congnut et confessa avoir eu et receu de Jehan Gourdel, viconte d'Avranches, la somme de vingt soulz tournois pour sa paine et sallaire d'estre allé de ceste ville d'Avrenches à Grantville porter lettres closes à monseigneur de Scalles faisans mencion comme les nouvelles estoient que le sire de Loheac estoit à l'aboie de Lonloy ', comme il avoit esté rapporté par certaines gens qui venoient de Vire qui disoient que les nouvelles y avoient esté rapportées environ dix heures de nuyt, laquelle somme lui a esté paiée par marché fait avec luy; de laquelle somme il quitta le roy nostre dit seigneur, le dit viconte et touz aultres, presens pour tesmoings Jehan Lemoigne et Jehan Duhamel. En tesmoing de ce, j'ay signé ceste quittance de mon signe manuel l'an et jour dessus diz. G. Rose.
(Bibl. Nat., Quittances, t. 78, w> 4604.) 1 . Lonlai-1' Abbaye, Orne, arr. et c. Domfront
1442, l5 SEPTEMBRE, AVRANCHES
Jean Gourdcl, vicomte d'Avranches, envoie un messager et poursuivant d'armes nommé Michel de Saint-Martin, informer Jean Lampet, lieutenant d'Avranches, se trouvant alors à Gallardon, que les Français et les Bretons concentraient leurs forces aux environs de Vitré pour venir attaquer la dite ville d'Avranches.
L'an mil quatre cens quarante deus, le quinziesme jour de septembre, devant moy Guillaume Rose, tabellion juré eu siège d'Avrenches, fut présent Michel de Saint Martin, messagier et pourssuyvant d'armes, lequel confessa avoir eu et receu de Jehan Gourdel, viconte du dit lieu d'Avrenches, la somme de soixante soulz tournois pour sa paine et sailaire d'estre allé, par le commandement du dit viconte et par l'advis des aultres officiers et mareschal du dit lieu d'Avrenches, porter certaines lettres closes par devers Jehan Lampet, escuier, lieutenant d'Avrenches, estant pour lors à Galardon ' ; icelles lettres faisans mencion qu'il estoit nouvelles et avoit esté raporté que les Bretons faisoient grande assemblée de gens d'armes avecques les ennemis du roy nostre sire es parties de Vittré et eu pais d'environ, en intencion de venir mettre le siège devant la dicte ville d'Avrenches... tesmoings Jehan Vivien et Jehan Gaultier. En tesmoing de ce, j'ay signé ceste quittance de mon seing manuel l'an et jour dessus diz. G. Rose.
(Bibl. Nat., Quittances, t. jg, n° 4638.)
