Gallardon, Eure-et-Loir, arr. Chartres, c. Maintenon

I442, l6 SEPTEMBRE, AVRANCHES

Mention d'un messager envoyé cTAvranches au bâtard du seigneur de Scales, capitaine de Granville, pour l'informer que Louis sire d'Estouteville, capitaine du Mont-Saint-Michel, faisait des préparatifs pour prendre par mer et par escalade la dite place de Granville.

L'an mil quatre cens quarante deux, le seiziesme jour de septembre, devant moy Guillaume Rose, clerc tabellion poulie roy nostre sire juré eu siège d'Avrenches, fut présent Jehan le Colasel, messagier à pie, qui congnut et confessa avoir eu et receu de Jehan Gourdel, viconte du dit lieu d'Avrenches, la somme de quinze soulz tournois pour sa paine et sallaire d'estre allé de ceste ville d'Avrenches à Grantville devers le bastart de monseigneur de Scalles, cappitaine du dit lieu, luy porter lettres closes lesquelles luy envoiet le dit viconte faisans mencion comment il donnast garde de la dicte place et qu'il estoit nouvellez que le sire d'Estouteville y voulloit faire une entreprinse segrette et qu'il faisoit faire des eschellez, et dévoient faire leur entreprinse parsur la mer, comme l'en disoit, et qu'il vousist faire bon guet de nuyt, car il en estoit nécessité ; ouquel voiage il a vacqué l'espace de deux jours entiers, dont pour chascun jour luy a esté paie sept soulz six deniers qui font la dicte somme de quinze soulz tournois, de laquelle somme il quitta le roy nostre dit seigneur, le dit viconte et touz aultres. En tesmoing de ce, j'ay signé ceste quittance de mon signe manuel cy mis l'an et jour dessus diz. G. Rose.

(Bibl. Nat., Quittances, t. 77,n° 4374.)

Les commissaires ordonnés et députés par le roi Henri VI pour le recouvrement de Granville mandent à Jean Bandulf, écuyer, vicomte de Caen, de se transporter dans les îles de Jersey et de Guemesey pour y organiser une flottille en vue du dit recouvrement.

Les commissaires ordonnez et depputez par le roy nostre sire sur le fait du recouvrement de la place de Grantville, de présent occuppée par les ennemis et adversaires du roy nostre dit seigneur, à Jehan Bandulf, escuier, viconte de Caen, salut. Pour ce qu'il est besoing et neccessité pour le dit recouvrement avoir grant nombre de navire es ysles de Guersy et de Guernesy et ailleurs, où besoing sera, et pour ce fait envoier personne suffisant es dictes ysles, affin de pourveoir d'icelluy navire et de gens de guerre et mariniers à ce neccessaires, nous, eu sur ce advis et deliberacion, confians à plain en voz sens, loyaulté, suffisance et bonne dilligence, vous avons commis et ordonné et par ces présentes commettons et ordonnons pour vous transporter es dictes ysles et ailleurs pour le dit navire et appointer avec tous ceulx qu'il appartendra, ainsi que vous avons ordonné par nostre instruccion. Et pour chascun jour de vostre vacacion, en faisant le dit voyage, vous avons ordonné et tauxé, ordonnons et tauxons par ces présentes la somme de soixante solz tournois oultre et pardessus vos gaiges ordinaires et les fraiz qu'il vous convendra faire eu dit voyage, tant en batelage pour passe de mer, guides et conduite pour la seurté de vostre personne, à compter depuis le jour de vostre parlement de Caen jusques à celluy de vostre retour au dit lieu de Caen, l'un et l'autre jour inclux;du nombre des jours de laquelle vacacion, ensemble des mises et despens par vous

faictes pour battelage, guides et conduit, vous serez creu par acercion de vostre serement, dont vous prendrez le paiement par vos mains des deniers de vostre recepte. Et par rapport tant ces présentes avec cedulle signée de vostre saing manuel.... Donné àGaen soubz nos signetz le unziesme jour de janvier l'an mil cccc quarante deux.

(Arch.de la Manche, fonds Danquin, au mot Granville.)

CGXXV

1443 (n. st.), 3i janvier, villedieu

Thomas, sire de Scales et de Nucelles, vidame de Chartres et sénéchal de Normandie, mande à Robert Sullivan, écuyer, de s'adjoindre le vicomte de Villedieu afin de prendre les montres de tous les gens d'armes et de trait qui tiennent garnison à Villedieu pour faire frontière aux ennemis occupant les places de Granville et du Mont-Saint-Michel.

Thomas, sire de Scalles et de Nucelles, vidame de Chartres et seneschal de Normandie, à Robert Sullivan, escuier, salut. Nous vous mandons et commettons que vous prenés les monstres de tous les gens d'armes et de trait de nostre charge ordonnés par nous estre à Villedieu pour tenir frontière aux ennemis et adverssaires du roy nostre sire occupans les places de Granville et le Mont Saint Michiel, appelle avecques vous le viconte du dit lieu de Villedieu ', en pas-

1. Villedieu-les-Poèles, Manche, arr. Ayranches. A la date du 27 avril 1442, le sire de Scales ayait sous ses ordres 1 homme d'armes à cheval et 23 archers qui tenaient garnison au château de Chanteloup (Manche, arr. Coutances, e. Bréhal) contre les Français de Granville fBibl. Nat., Pièces originales, au mot Scales).

sant à icelles monstres ceulx que verres en vos consciences estre à passer et cassant à icelles ceulx que verres estre à casser. Et à iceulx qui aux dictes monstres seront passés, tant lances comme archiers, mandons au dit viconte de Villedieu faire paiement de leurs gaiges pour quinze jours sur les deniers yessans de la première assiete qui, par vertu de nostre mandement, sera faicte sur les vicontés d'Avrenches, Vireet Mortaing... Donné à Villedieu soubz nostre seel le derrain jour de janvier l'an mil mie xui.

(Bibl. Nat., Pièces originales, t. 2 65 g, au mot Scales.)

GCXXVI

Mandement de Henri VI ratifiant une décision prise par Yévêque de Bayeux, Andrieu Ogard et Simon Morhier, institués commissaires pour le recouvrement de Granville, et allouant à Mathieu Goth, écuyer, une somme de 1000 livres tournois une fois payée pour les frais d'entretien de 60 lances à cheval et de 180 archers enrôlés en vue du recouvrement de la dite place de Granville.

Henry, parla grâce de Dieu roy de France et d'Angleterre, à noz amez et feaulx conseilliez les trésoriers et generaulx gouverneurs de noz finances en France et Normandie, salut et dilection. Comme, pour trouver voyes et moyens de avoir aide de finance à aidier au conduict de noz besoignes et afaires, et mesmement à procéder et entendre, la grâce de Dieu préalable, à la recoeuvre des villes, lieux et places de Dyepe et de Grantville, noz amez et feaulx conseilliers, l'evesque de Bayeux, Andrieu Ogard et Simon Morhier, chevaliers, eussent esté ordonnez commissaires et de par nous envoyez es basses marches de nostre pays et duchié de Normandie,

chargiez entre autres choses de communiquer et apoinctier sur le fait de la recoeuvre du dit lieu et place de Grantville avecques nostre amé et féal conseillier et seneschal de Normandie, Thomas, sire de Scalles, nostre amé Mathieu Goth, escuier, et autres capitaines, pour résister aux ennemis et adversaires detenans et à présent ocupans icellui lieu et place de Grantville, faire et tenir frontière contre eulx et trouver moyen de recouvrer et réduire la dicte place de Grantville en nostre vraye seigneurie et obéissance ; lesquelz noz commissaires, veans que le dit Mathieu Goth avoit en sa compaignie le nombre et quantité de soixante lances à cheval et neuf vings archiers qu'il avoit entretenuz pour certain temps en nostre service et que pour le bien de la besoigne il estoit expédient que le dit nombre de lances et archiers feust encores continué et entretenu en nostre dit service et à la cause dessus declairée jusques à Pasques prouchain venant, traictèrent et apoinctèrent avecques le dit Mathieu Goth qu'il entreprinst la charge défaire la dicte entretenue, et durant le temps dessus dit, d'icellui nombre de soixante lances à cheval et neuf vings archiers. Lequel Mathieu Goth accorda et promist ce faire par ainsi que, pour lui aidier à supporter ses fraiz, despenses et autres ses neccessitez, il auroit et prendroit de nous, pour une et ceste foiz, la somme de mil livres tournois. Pour ce est il que, les choses dessus dictes considérées et ayans le dit traictié et apoinctement agréable, nous, par l'adviz et deliberacion de nostre très chier et très amé cousin Richart, duc de York, nostre lieutenant gênerai et gouverneur de par nous de noz royaume de France et duchié de Normandie, vous mandons et expressément enjoingnons par ces présentes que par nostre bien amé Jehan de Semilly et, sur ce qu'il recevra de l'aide et otroy de la somme de soixante mil livres tournois présentement miz sus en noz duchié de Normandie et pays de conqueste pour le fait de la recoeuvre des dictes villes et places de Dyepe et de Grantville, et des deniers de sa recepte touchans le fait d'icellui lieu de Grantville, vous faites payer, baillieret délivrer à icellui Mathieu Goth la dicte somme de mil livres tournois... Donné à Rouen le neufiesme jour de février l'an de grâce mil quatre cens quarante deux, et de nostre règne le vingtungiesme. Par le roy, à la relacion de monseigneur le duc de York,

lieutenant gênerai et gouverneur de France et Normandie. J. Drosay.

(Bibl. Nat.f Quittances, t. y g, na 4j3i.)

1443 (N. ST.), l8 FÉVRIER, ROUEN

Henri VI, sur le rapport de Richard, duc d'York, son lieutenant général et gouverneur au royaume de France, nomme Jean de Semilly receveur général dans les bailliages de Caen et de Co~ tentin de l'aide de 60,000 livres tournois levée pour le siège de Dieppe et le recouvrement de Granville.

Henry, par la grâce de Dieu roy de France et d'Angleterre, à tous ceulz qui ces présentes lettres verront, salut. Comme, en certaines commencions derrain faictes tant en noz villes de Bayeux, Saint Lo, Carenten que autres lieux, des députez des gens des estatz de noz duchié de Normandie et pays de conqueste, pour en especial communiquer, adviser et conclure voyes et manières requises à entretenir l'armée estant à pre« sent en nostre service devant la ville de Dyeppe et aussi pour mettre sus gens d'armes et de trait à procéder et entendre, la grâce de Dieu préalable, à la recoeuvre du lieu et place de Grantville, à présent détenue et occuppée par noz ennemis et adversaires, et autres affaires survenues et touchans noz seigneurie, pays et subgietz, ait esté délibéré, par octroy, ordonnance et conclusion, la somme de soixante mil livres tournois estre imposée, cueillie et levée par forme de aide en gênerai et pour la cause devant dicte en nos diz duchié de Normandie et pays de conqueste à certains termes ordonnez, et, pour les deniers du dit aide et octroy recevoir et faire venir ens, mesmemement en tant que touche la part,

cote et porcion qui sera assise et imposée es bailliages de Caen et Costentin, et aussi pour en faire la distribucion et en tenir le compte, ait semblé et semble expédient que aucune personne, congnoissant le fait de recepte, y soit de par nous commise et ordonnée, savoir faisons que, pour la bonne relacion faicte des sens, loyaulté, habilité, souffisance et bonne diligence de nostre bien amé Jehan de Semilly, de par nous ordonné et commis receveur gênerai es diz deux bailliages de Caen et Costentin pour faire les comptes et paiemens des gens des garnisons d'iceulx deux bailliages de Caen et Costentin, nous icellui Jehan de Semilly, par l'adviz et deliberacion de nostre très chier et très amé cousin Richart, duc d'York, nostre lieutenant gênerai et gouverneur de par nous de noz royaume de France et duchié de Normandie, avons ordonné, commis et establi et par ces présentes ordonnons, commettons et establissons receveur gênerai du dit aide et octroy, au regard seulement de la somme que assise et imposée en sera en iceulx deux bailliages de Caen et Costentin... Donné à Rouen le dixhuitiesme jour de février l'an de grâce mil cccc quarante deux, et de nostre règne le vingt ungiesme. Par le roy, à la relacion de monseigneur le duc de York, lieutenant gênerai et gouverneur de France et Normandie. J. de Drosay.

(Arch. Nat., sect. hist., K 6-j-, nu 20 bis.)