I444 (N. ST.), 5 FÉVRIER, COUTANCES
Certificat de Roger Guernesey, contrôleur des gens d'armes et de trait de la garnison des ville et forteresse de Coutances, attestant que Thibaud de Gorges, chevalier, a pris possession de la capitainerie du dit Heu de Coutances le 3i décembre 1443.
Je Rogier Guernesey, contrerolleur des gens d'armes et de trait estans en garnison en la ville et forteresse de Coustances, certiffie à tous à qui il appartient que, le derrain jour de décembre derrain passé, noble homme messire Thibault de Gorges, chevalier, ordonné pour le roy nostre sire garde et capitaine du dit lieu de Coustances, print possession et sai-> sine de la dicte ville et garde, à laquelle possession fut receu. Et pour valoir ce que raison devra, m'ont esté ces présentes requises par Richart Cursun, escuier, n'a guères lieutenant du dit lieu de Coustances pour messire Guillaume Oldhalle, chevalier, paravant capitaine du dit lieu. En tesmoing de ce, j'ay seellé ces présentes de mon seel et signé de mon signe manuel le cinquiesme jour de février Tan mil quatre cens quarante trois. Rogier.
(Bibl. Nat., Quittances, t. 81, n° 4941 ■)
Mandement de Henri VI adjoignant maître Michiel Piot, l'un de ses secrétaires, aux trois commissaires, maître Philippe de la Rose, Jean de Clay et Griffith Donn, chargés de faire une enquête sur les exactions commises par les capitaines, gens de guerre et de justice du bailliage de Caen et allouant à ce titre au dit Michel une indemnité quotidienne de 40 sous tournois.
Henry, par la grâce de Dieu roy de France et d'Angleterre, à noz amez et feaulx les trésoriers et generaulx gouverneurs de noz finances en France et en Normendie, salut et dilection. Comme par noz autres lettres données à Caen le troiziesme jour d'avril derrainement passé nous eussions commis et ordonné noz bien amez maistre Philippe de la Rose, maistre des requestes de nostre hostel, Jehan de Clay et Griffith Donn, escuiers, à eulx informer de plusieurs crimes, murdres, mutilemens, abuz, roberies, pilleries, exactions et autres delitz et maléfices faiz et commis ou bailliage de Caen et es mettes d'icelluipar aucuns capitaines, gens de guerre, officiers, gens de justice et autres personnes sur plusieurs noz subgiez demourans es fins et mettes du dit bailliage, et de tout ce que fait et trouvé en auroient rapporter par escript feablement cloz et seellé pardevers nostre très chier et très amé cousin Richard, duc de York, nostre lieutenant gênerai et gouverneur de par nous de noz royaume de France et duchié de Normendie, pour y eslre pourveu; et il soit ainsi que, par l'ordonnance de nostre dit cousin et lieutenant, nostre amé et féal clerc de notaire et secrétaire maistre Michiel Piot ait en grant diligence vacqué et entendu journelement avecques les dessus nommez ou les aucuns d'eulx pour escripre, signer et faire escripre les informacions, mandedemens et autres lettres et escriptures qu'il a convenu faire
PIÈCES DIVERSES l^Z
et expédier ou fait et deppendances de la dite commission, et soit encores besoing et neccessité pour le bien de nous que ainsi le face ; auquel maistre Michiel Piot, pour aucunement aidier à supporter les fraiz, charges et autres despens qu'il lui a convenu et convendra faire pendant l'occupacion dessus dite, nous, par l'adviz et deliberacion de nostre dit cousin et lieutenant, ayons ordonné et tauxé, par chascun jour qu'il aura esté et sera d'ores en avant occupé ou fait de la charge dessus dite, avoir et prendre la somme de quarante solz tournois des deniers de nos dites finances, à commencier du dit troiziesme jour d'avril et de là en avant, tant et si longuement que le dit maistre Michiel Piot affermera avoir esté occupé ou fait et charge dessus dite... Donné à Rouen soubz nostre seel ordonné en l'absence du grant le vingtdeuxiesme jour de avril l'an de grâce mil quatre cens quarante quatre, et de nostre règne le vingtdeuxiesme. Par le roy, à la relacion de monseigneur le duc de York, lieutenant gênerai et gouverneur de France et Normandie. Ma-
NESSIER.
{Bibl. Nat., Quittances, t. 81, n° 4gSi.)
