Granville, Manche, arr. Avranches

T. II i3

nous aient fait dire et remoustrer que en la dicte place de Grantville a petit nombre de marchans et gens de mestier, et que, pour la garde et seurté d'icelle, est expédient etneccessaire d'y en tenir et avoir plus grant quantité, et que autrement la dicte place ne porroit longuement estre ne demourer en nostre dicte obéissance, mais pourroit legierement estre occuppée de nos diz ennemys, mesmement que partie des habitans qui souloient estre en la dicte place s'en sont partiz et alez demourer autre part puis les trêves prinses avecques nostre nepveu d'Angleterre, et les autres qui encores y sont demourez s'en veulent semblablement aler, dont, se pourveu n'y estoit, se pourroit ensuir la perdicion d'icelle place et d'autres places et pays voisins ; et que, en donnant quelque exempcion et affranchissement à toutes manières de gens qui vouldront y venir demourer et leur baillant au dit lieu places à rente pour y ediffier et faire leurs maisons et habitacions, plusieurs venroient habiter la dicte place, et par ce moyen seroit en plus grant seurté et ou temps avenir pourroit estre cause du recouvrement de nostre dit pays de Normandie. Pour ce est il que nous, les choses dessus dictes considérées et le grant et évident proufit qui puet venir à nous, à nos diz royaume et seigneurie, en bien gardant en nostre dicte obéissance icelle place de Grantville et au contraire les grans maulx et inconveniens qui vraissemblablement se pourroient ensuir par la prinse d'icelle, que Dieu ne vueille, et pour autres causes et consideracions à ce nous mouvans, avons, par l'adviz et deliberacion des gens de nostre conseil, voulu et ordonné, voulons, ordonnons et nous plaist que toutes manières de gens, de quelque estât qu'ilz soient, qui vouldront venir demourer et faire résidence au dit lieu de Grantville, soient d'ores en avant frans, quittes et exemps des aides ordonnez pour la guerre, ensemble de toutes tailles, emprunctz et autres subvencions et reddevances quelconques par nous mises ou à mettre sus, et que par noz bailli, viconte et procureur et autres officiers de Coustentin places vuides leur soient baillées et délivrées pour ediffier et faire habitacions et estre le propre heritaige d'eulx et de leurs hoirs et successeurs perpetuelment et à tousjours, en nous faisant pour ce par les diz habitans telz cens et rentes qui par nos diz officiers et

PIÈCES DIVERSES ig5

les diz habitans sera convenu, ensemble les solempnitez en ce requises, gardées et observées, lesquelz cens et rentes voulons estre paiez chascun an à la requeste de nostre dit viconte de Coustentin à deux termes, c'est assavoir moitié à la feste de Saint Jehan Baptiste, et l'autre moitié à la Nativité Nostre Seigneur, et que nostre dit viconte de Coustentin soit tenu de porter en la chambre de noz comptes à Paris le bail qui ainsi se fera des dictes places deuement signé et approuvé par les diz bailli et procureur de Coustentin. Si donnons en mandement par ces mesmes présentes à noz amez et feaulx les gens de noz comptes et trésoriers... Donné à Chinon ou mois de [mars J] l'an de grâce mil cccc quarante cinq, et de notre règne le xxmr3. Ainsi signé : Par le roy, nous, les sires de Pressigny, de Blainville et de Maupas et autres presens. E. Chevalier. Visa, contentor. E. Duban.

(Arch. Nat., sect. hist., JJ 777, n° 164.)