I446 (H. ST.), 8 MARS, CAEN
Mandement de Henri VI allouant une somme de 100 livres tournois, en sus de ses gages, à Foukes Eyion, écuyer, capitaine de Caudebec, adjoint depuis le mois de février précédent aux commissaires préposés au gouvernement de France et de Normandie, lesquels commissaires s'étaient transportés d'abord de Rouen
1. La date du mois a été laissée en blanc. Mais la charte suivante, par laquelle Charles VII fonde deux foires annuelles à Granville, l'une le jour Saint-Biaise au mois de février, l'autre le lendemain de la Nativité ou Notre- Dame de septembre, et un marché le samedi de chaque semaine, cette charte, disons-nous, qui semble avoir été octroyée en même temps que la précédente, est datée de Chinon en mars 1446 (n. st.).
ig6 CHRONIQUE DU MONT-SAINT-MICHEL
à Argentan, ensuite de cette dernière ville à Caen, pour mettre un terme aux désordres des bandes d'aventuriers qui vivaient auparavant sur le pays de Normandie.
Henry, par la grâce de Dieu roy de France et d'Angleterre, à nostre amé et féal conseillier Jehan Stanlawe, escuier, trésorier et gênerai gouverneur de noz finances en France et Normendie, salut et dilection. Comme, pour mettre et tenir en règle et bon gouvernement grant nombre de gens d'armes et de trait qui, soubzumbre de ce que despieçà ilz n'avoient eu de nous gaiges et soudées, vivoient et estoient n'a gaires sur noz bons et loyaulx subgetz de nostre duchié de Normendie, sans ordre, faisans grans et détestables maulx et dommaiges innumerables à nos diz subgetz en telle manière que à l'ocasion de ce et de plusieurs autres choses justice ne fust délaissée, ains peust estre mise sus et gardée et que noz diz subgetz peussent vivre en transquilité soubz nous, noz amez et feaulx conseilliers les commis par nous ordonnez au gouvernement de France et de Normendie soient ou moys de février darrenierement passé partis de nostre ville de Rouen, alez à Argenten et d'illec venus en ceste ville où ilz sont de présent; et en leur compaignie ait esté et soit nostre amé Foukes Eyton, escuier, cappitaine de Caudebec, lequel, tant au dit lieu d'Argenten comme en ceste dite ville, se soit exposé en nostre service, ainsi que par les diz commis lui a esté ordonné, et encores par eulx soit ordonné aler pour le bien de nous et de nostre seigneurie en plusieurs autres lieux en la compaignie de nostre amé et féal cousin Robert Roos, chevalier, l'un des diz commis. Par quoy, pour aider au dit Eyton à soy deffraier des despens qu'il a fais et fera durant le voyage dessus dit, tant au dit lieu d'Argenten, en ceste ville que ailleurs, lui ayons ordonné avoir et prendre de nous la somme de cent livres tournois, oultre et pardessus tous autres gaiges et regars qu'il a et prent de nous. Nous vous mandons et enjoingnons que par nostre amé Pierre Baille, receveur gênerai des dites finances, vous faictes paier, bailler et délivrer des deniers de sa recepte au dit Eyton ou à son certain commandement la dite somme de cent livres tournois... Donné à Caen le huitiesme jour de mars l'an de grâce mil quatre cens qua-
PIECES DIVERSES IQ7
rante cinq, et de nostre règne le vingtquatriesme. Par le roy, à la relacion de messeigneurs les commis par lui ordonnés au gouvernement de France et Normendie. La Preuse.
{Bibl. Nat., Quittances, t. 83, n° 5412.)
CGLVII
1446 (n. st.), i5 mars, coutances
Mandement de Hue Spencer, écuyer, bailli de Coteniin, relatif au payement d'un messager à cheval qui avait porté de Bayeux à Granville des lettres closes adressées par Robert Roos, chevalier, l'un des commissaires ordonnés par Henri VI au gouvernement de France et de Normandie, à Jean de Lorraine, capitaine du dit lieu de Granville, et à Louis d'Estouteville, chevalier, capitaine du Mont- Saint- Michel, et qui avait rapporté à Bayeux la réponse des dits capitaines.
Hue Spencier, escuier, bailli de Costentin, au viconte de Coustances, salut. Nous vous mandons que des deniers de vostre recepte vous paies et délivrés à Jehan Tatesalle, natif du pais d'Angleterre, messagier à cheval, la somme de soixante diz soulz tournois que tauxé lui avons pour son droit, paine et salaire, travail et despens de avoir porté par nostre commandement et ordonnance de Coustances à la place de Grantville devers Jehan de Lorraine, capitaine du dit lieu, et devers Loys d'Estouteville, chevalier, capitaine du Mont Saint Michiel, les lettres closes de hault et puissant et mon très honnouré seigneur, monseigneur Robert Roos, chevalier, l'un des commissaires ordonnés par le roy nostre sire au gouvernement de France et de Normendie, par lui rescriptes aus diz capitaines touchansle bien
ig8 CHRONIQUE DU MONT-SAINT-MICHEL
du roy nostre dit seigneur et de sa seigneurie, ainsy que par lui en avions esté chargiés ; et pour d'iceulx capitaines avoir raporté des dites places pardevers le dit monseigneur Robert Roos en la ville de Baieux la recepcion et lettres de responce, ainsy qu'il appartenoit et que commandé avoit
esté au dit messagier Donné au dit lieu de Coustances
soubz le petit seel aux causes du dit bailliage le quinziesme jour de mars l'an mil quatre cens quarante cinq. Lefèvre.
(Bibl. Nat., Quittances, t. 83, n° 5420.)
Montre de la garnison de Coutances composée de 1 lance à cheval, de 7 lances à pied et de 24 archers.
Monstres des gens d'armes et de trait estans en garnison en la ville de Coustances prinses par nous Nicolas Dixnis, lieutenant gênerai du bailli de Costentin, Pierre Osber, viconte de Coustances, et Jehan Wynslow, contrerolleur du dit lieu, commissaires du roy nostre sire en ceste partie, ainsy que par lettres roiaux données à Rouen le xne jour de novembre l'an mil 1111e xlvi apert, pour un quartier d'an commenchant à la Saint Michiel en septembre derrain passé, icelles monstres prinses le vie jour de décembre l'an mil cccc xlvi, pour noble homme messire Thibault de Gorges, chevalier, capitaine de Coustances. Premièrement.
Lances à cheval :
Robert Nyther, escuier, lieutenant du dit capitaine, anglois.
Lances à pié :
Jehan Wynslow, contrerolleur, anglois. Thomas Nyther, anglois. Guillaume Hugues, anglois. Robert Mareschal, anglois. Robert Willequinsson, anglois. Pierre Fournier, normant. Rogier Guernesay, anglois. Somme : vu lances à pié.
Archiers :
Arthua Hylles, anglois. Pierres Wyld, anglois. James Cat, normant. Guillaume Spencier, anglois. Jehan Mareschal, anglois. Robin Taileur, anglois. Jehan Pain, anglois. Jehan Warecourt, anglois. Wat Halles, anglois. Jehan Basquier, anglois. Jehan Bircsop, anglois. Robin Boulot, anglois. Robin Adclef, anglois. Nicolas Belami, anglois. Colin Frère, normant. Richart Clerc, anglois. Guillaume Achambre, anglois. Henry Havart, anglois. Guillaume Wardel, anglois. James Ahault, anglois. Guillaume Wynslow, anglois. Jehan Cornoway, anglois. Thomas Alson, anglois. Jennequin Amorlay, anglois. Somme : xxim archiers.
Tous lesquelz hommes d'armes et archiers dessus nommés estoient armés, montés et habilliez bien et suffisanment, chascun selon son estât, et ce certifiions à tous à qui il appartient, tesmoings noz signes manuelz cy mis le dit vie jour de décembre l'an mil cccc xlvi. Dixnis. Osber. Wynslow.
(Arch. Nat., sect. hist., K68, n° 1828.)
