Londal B

Englois de Becherel^ le poursuivirent saigement et lui vindrent courre seure en la ville, et trouvèrent lui et ses gens logiez et espartis et en prindrent grant foisoii et tuèrent, et y fut mort un chevalier nommé Griseau de Champs, et se retrait le dit mareschal à Pontorson. Et une autre journée ala le dit mareschal chevaucher vers Becherel, et trouva assez prés de Monmuron Hue de Ceverly^ et la plus grant partie de la garnison de Becherel, et estoit un jour de jeudi absolu. Et descendirent à pié l'une partie et l'autre et combatirent moût durement, et fut prins le dit Hue de Cauveley^ et bien VII'"' Englois mors et pris, et ceulz qui reschapperent s'en refuirent à Becherel.

Et en celle saison eut à Dinain unes grans joustes de fer de glaive de François contre Englois, et y eut bien de joustez en un jour xix paires, et les mist sur du costé des François Guillaume Martel et Jehan Martel, son frère, qui moût estoient amez du roy Jehan, et du costé des Englois Guillaume de Lussi, Mahieu de Gournay et pluseurs autres. Et tua Jehan Martel aux joustes Jennequin Standon. Et unes autres joustes de guerre avoit eues, n'avoitgueres', à Pontorson et non pas si grandes, que avoit mis sus Bertran de Guescîin et Baudouin d'Ennequin, qui depuis fut maistre des arbalestiers. Et tantost après conibati Eriq de Ridcbourt\ qui estoit Alemant et estoit du costé devers les Englois, Acquieret de Voincourt, qui estoit Fran-