Ricquebourc B

çois, el fut la bataiUe en champ clos à Ponlorson devant le maréchal d'Odenehen. Et combati Eriq de Ridebourc' moût vaillanment et pourchaçoit fort^ son ennemi, car il estoit appelleur, mais en la fin il fut desconfit et mort en champ ^.

Bientost après avint que le roy Charles de Navarre, qui moût durement haioit Charles d'Espaigne, qui estoit connestable de France, fist tuer le dit connestable en son lit en la ville de Laigle. Et d'icelle mort fut le roy Jehan très courroucié et en prist le roy de Navarre en grant haine. Mais la paix en fut pourchacéepar la royne Jehanne^ et par la roine Blanche. Et estoit la royne Jehanne ante au roy de Navarre et la royne Blanche estoit sa suer, et sa femme estoit fille du roy Jehan.

Et bien brief après envoya le roy Jehan le sire de Garencieres à tout cinquante hommes d'armes françois en messagerie en Escosse pour mettre les Escoz en mouvement de faire guerre aux Englois. Lesquelz Escoz commencierent et firent guerre contre les Englois. Et y ot une grant besoingne, où bien vu cens Englois furent desconfiz et mors, et y fut prins Thomas de Beaumont, et y ot pluseurs autres besongnes où Englois perdirent, et s'en revint en l'obéissance des Escoz ii contréez de pais, qui avoient esté en la seigneurie du roy d'Angleterre puis la bataille de Duresme, où le roy David d'Escosse fut prins, et y