qui estoit ajoute B

III estaz, que on laissast le roy de Navarre oultre passer paisiblement par la cité. Adonc fîst le roy de Navarre assembler le commun d'Amiens et leur dist que moult avoit^ souffert de griefz maulz sanz desserte, et se mist en la bourgoisie d'Amiens par le conseil d'aucuns de ceulz de la ville, qui le jurèrent à estre de son aliance. Quant Charles le régent sceut la délivrance du roy de Navarre, il se doubta moult de trahison, car ceulx^ de Paris le tenoient et gardoient de si prés, que il ne s'en povoit partir. Lors manda secrettement son maistre charpentier et le maistre de ses eaues, et ceulz firent tant par commandement du régent que ilz le mistrent hors de Paris par nuit en une nef, et s'en ala à Meaulz et manda de ses amis et de ses chevaliers.

Pour la départie du régent se doubta le prevost des marchans et ses aliez. Lors manda le dit prevost au roy de Navarre que il venist à Paris, et si fîst. Et il fut receuz à grant feste, et fîst assembler grant partie du peuple de Paris es prez Saint Germain, et leur prescha et monstra la haulte lignée dont il estoit venuz, et que mieulz lui appartenoit par droit de ligne^ le royaume de France que au roy Jehan, qui emprisonné l'avoit, et pluseurs autres belles'^ paroles dist au peuple en se plaingnant du roy Jehan et en blasmant le régent et ses faiz. Dont aucunes gens tenoient ses paroles estre fausses et decevables, mais contredire ne