et le B

[1371] DU XlV^ SIÈCLE. 199

devant lui, mais il les poursuivit et fist poursuivre par tele manière, que la greigneur partie en furent mors et prins. Et vint passer Loire à Saumur, et là oy nouvelles que des Englois, qui estoient partiz des forteresses devant dictes, avoient passé Loire à l'abbaie de Saint Mor, qui siet sur Loire, où leurs gens avoient fait une forteresse, et s'en aloient iceulz Englois droit à Bressieres. Et lors le dit Bertran monta à cheval à tout ce que il pot prestement avoir de ses gens, et estoit environ mienuit quant il parti de Saumur et chevaucha à merveilles grant chemin. Et quant il vint devant Bressieres, il trouva les diz Englois, qui estoient passez à Saint Mor, bien xii''% lesquelz se mistrent dedens la barrière, car ceulz de la ville ne les voulurent recuieilir. Et lors le dit Bertran et ses gens les assaillirent par tele manière que ilz furent tous mors et après prindrent la ville d'assaut. Assez tost après traitierent ceulz qui estoient en l'abbaie de Saint Mor et s'en alerent par traitié^.

1. Récit des opérations de du Guesclin jusqu'à la prise de Bressuire d'après 5610 : Apprés che que li connestables Bertrans ot pris Thommas de Granson et les aultres capitaines dessus diz à Pontvillain, il retourna au Mans, et moult tost apprés alla assallir l'abeye de Laval en Ango, que Robers CanoUe avoit conquis et y avoit laissiet me Engles, et lu l'abeye prise. Et à chel assault fu li mareschaulz d'Audrehem grevez de caut et fu menez mallades à Saumer en Ango et là morut. Et quant Engles sceurent que l'abbeye estoit conquise, chil du fort de Saint Mor sur Loire et d'un autre fort se partirent et s'en allèrent à Brissuere en le conté de Poitiers, et bien estoient inic lances. Et Bertrans et Jehans de Vienne et Raoulz de Raineval et pluiseurs Franchois les siuirent si prés que chil de le Bruissiere ne laissèrent mie entrer les Engles en le ville pour doubte que li Franchois n'entraissent avec iaulz, et furent droit daiez le porte li Engles combatu et descontit, et en

Environ le temps que la bataille de Pontvalein fut, le duc de Lenclastre mist siège devant Montpaon, et estoit une ville que François a voient prins de nouvel, qui estoit close de pal et estoit bien avant vers Bordeaux. Et estoit dedens Fouques Boules, sire d'Assi, et Sevestre Budes et estoient le plus de ceulz de dedens Bretons, et moult très vaillanment tindrent et défendirent la ville, et moult firent de grans saillies et escarmouches sur ceulz de l'ost et aussi furent durement assaillis, et longuement atendirent le secours de France que ilz^ avoient mandé. Et assembla Bertran du Guesclin grans gens pour aler lever le siège, mais avant que il feust en la moitié de son chemin, ceulz de la ville se rendirent, sauves leurs vies, car plus ne se povoient tenir tant par faultes de vivres que autrement, ne plus n'atendoient le secours, pour ce que tant avoit demouré, et avoient bien tenu la ville l'espace de....^

y ot bien me que mors que pris. Apprés celle battaille fist li connestables assallir le ville de le Brissuere et en che jour fu prise par forche d'assaut, mais grand plenté de le gent se retrairent ou castel, qui moult estoit fors. Et Franchois et Breton pillèrent che qu'il trouvèrent en le ville dehors le castel. Et puis manda li connestables à chiaux qui estoient ou castel, qu'il renchonnassent leur ville ou il le feroient toute ardoir, et fu renchonnée à x mille frans. Puis retournèrent li connestables et li Franchoiz à Saumer, et fu faiz li serviches du marischal d'Audrehem. Et assez tost apprés ala li connestables à Paris. — En che tamps fu Robers de CauoUe allez en Bretaigne au castel de Derval et demoura là toute le saison sans faire guerre, et li Engles s'en rallerent par mer en Engleterre. Le ms. 5610 passe immédiatement après à l'année 1371 el omet toute la fin de la chronique normande.