mai

que il avoit l'aage de environ xiiri ou xv anz, avoit aidé à son père, qui avoiL eu à faire pour certain riot et débat contre Pierre Garda, icclui Pierre, environ viii anz a, avoit batu li qui parle en venent de Tescole, et non contemptde ce l'avoit depuis assailli et voulu oster raisiaux que il qui parle faisoit porter, contre lequel il qui parle s'estoit deffendu et tant que il l'avoit navré et villené, le dit Pierre se mittrent en point de grever li qui parle ; pour laquele chose il qui parle se tint garni, et pou de temps [après], environ un sepmaines ou un mois, ainsi comme il qui parle aveques li un vallet, appelle Jehan Faure, s'en venoient de la parroisse de Ghont, avoient trouvé emmy le chemin Garda Garda, frère dudit Pierre, aveques lesquels estoient m hommes que il ne scet nommer, qui avoient leur harnois comme espées et boucliers, lequel Garda assailli li qui parle et gita pluseurs cops contre lui de s'espée, lesquels il qui parle recupt sus une taulasse que il avoit, et en soi deffendent il qui parle d'une lance que il portoit, avoit féru ledit Garda et l'avoit navré pardevant en tcle manière ({ue il mourut assez tost après, si comme il oi depuis dire. Pour lequel fait il qui parle fu poursuiz par les genz du Roy, et pour doubte d'estre prins s'en aia à Montandre, où il fu receu à soldées par Guillaume Raymon de Garrenague, chevelaine pour le roy d'Angleterre. Ouquel heu il fu par l'espace de demi an et juques à ce que le lieu fu prins par monseigneur Mouton de Blainville et monseigneur Savary de Vivonne, lors capitaines pour le Roy nosire es parties de Sainctonge, et dit que en faisant le traictié audit Raymon de rendre le chastel, fu acordé par lesdiz capitaines entre pluseurs autres choses, que dudit fait il qui parle seroit absols par euls et de ce li donnèrent leurs letres, lesqueles il dit estre en son pais. En seureté desqueles il qui parle s'en ala en son pais, où il fu et demoura par l'espace de m anz ou environ, et tant que il truva en la ville de Jonzach Guillaume Garda et Helies Garda, amis charnex du dessus dit Garda Garda, qui le assaillirent et le navrèrent, et il qui parle se revancha et les navra aussi, et furent departiz par les gens de la ville qui là estoient. Et environ V sepmaines après fu prins il qui parle tout navré en la parroisse de Rusinach par un sergent du roy de la seneschaucie de Xanclonge, appelle Richart Lembleur, qui le arresta prison-

nier et le bailla à plaige de Guillaume Raoul, qui le promisl à rendre au senesclial à un certain jour, auquel jour il qui parle, pour ce que il estoit si blecé que il n'y povoit aler, envola ledit Guillaume et autres par devers ledit seneschal pour le excuser, lequel seneschal leur charga que il envolassent li qui parle hors du pais, pour ce que il ne povoit dincr à madame de Plaissac, se il ne le prenoit et feist mourir. Pour laquele chose il qui parle se parti du pais et ala à Bordeaux, en l'ostel de Jehan Goulon, souz et aveques lequel il se mist des lors, et depuis a esté comme homme d'armes en la compaignie du seneschal de Gasquoigne pour le roy d'Angleterre et des genz dudit roy, juques au temps de la date d'une grâce que il se dist avoir eue du fait dessus dit par monseigneur l'evesque de Biauvais, comme lieutenant du Roy, à la contemplacion du comte de Pierregort, auquel Jehan Goulon en avoit prié et escript.

Item il dit que le temps que il fu à Montande, il issi par pluseurs foiz aveques les genz, qui là estoient, pour courir sus la terre et genz du roy de France, et vit que aucuns de sa compaignie boutèrent pluseurs foiz les feux et firent i)luseurs pilleries, dont il ot aucunes foiz proufit, ne scet combien, que il despendi estant oudit lieu.

Item il dit que environ demi an après ce que il fu alez à Bordeaux, comme dit est, et que les trêves furent faillies entre les roys de France et d'Engleterre, Guillaume Barbe, qui estoit en l'ostel et souldoier en la compaignie de Jehan lloulon, dist et pria à lui qui parle que il alast aveques lui en certain lieu où il avoit à faire pour soi contrevanger de aucuns ses anemis, qui estoient en un lieu assez près de Bourc, lequel il ne scet nommer, et il qui parle le li acorda. Lequel Guillaume par ceste manière assembla bien environ lv ou lxv hommes armez, que il mist en certains vaisseaux en la mer environ miedi , et d'ileques s'en alerent juques au bec d'Ambais, qui est en la mer près du Bourct environ une liue, où il se arresterent, et lors leur dist le dit Guillaume et Aymery de la Mote, qui estoient les plus souverains de l'assemblée, que il estoient illequesvenuz et assemblez pour aler prandre Bourc, quar il y avoit un chanoine et un clerc en ladite ville, lesquels il ne scet nommer, qui leur avoient promis rendre celle nuit la dite ville, i'^l illeques

furent et attendirent juques environ heure de jour faillant, que il arrivèrent derrières l'abbeie de la dite ville, à laquele abbaie la mer bat, et là euls arrivez se arresterent devant une fenestre, qui estoit en celle abbaie, à laquelle fenestre virent que l'en bouta par dehors une poingnée de feu, qui leur donna grant clarté et signe que il deussent aler à celé fenestre, contre laquele fenestre fut drecée une grant eschiele, que il avoient amené aveques euls à flot parmy la mer, par laquele eschiele montèrent environ xii du premier vaissel, et premièrement un charpantier, appelle Pierre de Labatut, qui ladite eschiele avoit faite, et entrèrent dedenz, et il qui parle, le dit Guillaume Barbe, qui estoit ou vaissel, où il qui parle estoit, et touz les autres desdiz vaisseaux montèrent après par ladite eschiele et entrèrent dedenz l'abbaie, laquele est ou chastel. Et lors les genz de la ville s'esmurent et efforcèrent d'entrer ou chastel, mais euls qui estoient dedenz fermèrent les portes et defîendirent le chastel, mais pou y ot d'assault, quar les genz de la ville s'enfouirent. Et croit que à celui assault n'ot pas plus de trois personnes mortes. Et prindrent le chevetaine dudit chaslel, appelle monseigneur Jehan de Montlion, qui forment s'i deffendi des genz que il avoit, et y fu navrez un sien escuier, qui de la navreure mourut. Et dit que en ce faisent il pilloienl chacun au miex que il povoit, dont il qui parle ot à sa part du gaaing, qui fait y fu, lequel fu moult grant, un harnois de guerre tant seulement, qui bien valoit X livres. Mais il dist que depuis le dessus dit Aymerion li en promist à bailler, pour ce que il qui parle se compleignoit de si petit que il avoit eu, xxx livres de Bordelois, combien que puis il n'en eust riens, jasoit ce que depuis il qui parle demourast avec lui oudit lieu pour garder ledit chastel par l'espace de IX sepmaines, que il qui parle s'en parti pour ce que ledit Guillaume Barbe li mettoit sus que il qui parle s'efforçoit de vouloir rendre ledit chastel aus genz du Roy nos., et pour ce le mistrent en gehine et à question et firent moult de villenies, et eussent plus fait, se n'eust esté ledit Jehan Goulon, qui les deffia, pour ce que pour la doubte duquel il laissierent aler li qui parle, qui s'en ala arriéres à Bordeaux ches ledit Jehan.

Item il dit que depuis il qui parle il fu en la compaignie du segneur de Pommiers à bien cent hommes de leur compaignie,

dont il y en avoit environ x hommes de cheval et le demeurant de pié, où il courirent en la seneschaucie de Xanctonge, où il pillèrent environ x hvres de biens, dont il qui parle ot à sa part ne scet combien.

Item il dit que un poi avant que les trêves derrenieres fussent données entre les roys, il qui parle fu souz ledit Jehan Goulon, son maistre, en la compaignie du seneschal de Gasquoigne, à prandre le chastel de Blanssac, qui estoit au segneur de la Roche, dont il qui parle ot bien proufit des pilleries, qui faites y furent, environ x Uvres, et dit que lors et depuis ceuis dudit chastel maintenoient et depuis ont maintenu que les trêves estoient données, et les autres maintenoient et disoient que non.

Item le mardi après Panthecouste ' , par Pierre Hardy, Pierre de Houpelines et Thomas de la Heusc furent leues et recolées audit Arnault les choses dessusdites, et li fu demandé par le serement que fait avoit, se autres choses ou maléfices il avoit faiz et se il savoit aucunes personnes du royaume de France, qui fussent de l'aliance des anemis du Roy nos. ne qui audit nostre seigneur le Roy fussent traîtres ou s'elforçassent de li porter dommage ou préjudice. Lequel Arnault dist et respondi que les choses dessusdites, par lui confessées, estoient vraies et que durant le temps dessusdit, il avoit esté par pluseurs foiz aveques les genz et soldoiers du seneschal de Gasquoigne pour le roi d'Angleterre en pluseurs lieux sus les genz du Roy nos. , où l'en avoit bouté pluseurs feuz et fait pluseurs pilleries, dont il avoit eu proufit, ne savoit combien, mais il dist sur ce requis, que onques n'avoit esté en lieu où famé eust été violée ne prinse à force. Et dit que quant aus anemis du Roy nos., se aucuns en savoit, il n'en diroit autre chose que dessus a dit, se ce n'estoit a la personne du Roy nos., a monseigneur le duc son filz, à monseigneur d'Alançon ou à aucuns de nosseigneurs du sanc de France, ne plus ne autre chose ne voult dire ne respondre.

Item le lundi de relevée- après la Trinité Fan XLV, en la